Indymedia Euskal Herria

Indymedia Euskal Herriko berriak

Eragozpen fiskala. Desobedientzia zibila

Zentzugabekeria militarra sostengatzen jarraitzeari uko egiteko. Bidegabekeria militarra publikoki salatzeko. Makinaria militarra martxan jarduteko behar diren baliabideak ez emateko, aurten ere talde antimilitaristak errenta aitorpen garai honetan, eragozpen fiskala egitera animatzen dute. Paperak betetzerakoan, ordaintzeko nahiz kobratzeko izan, idazki baten eragozle izatearen adierazpena gehitu daiteke. Desobedientzia zibila aktiboki egiteko, aitorpenaren kenketetan, bestelako proiektu bateri bideratzen zaiola gastu militarrei dagokion dirua eta ogasun sailari ordaintzen ez zaiola adierazten da, proiektuari emandako diruaren agiria eta eragozlea izatearen idazkia gehituz. 84 euro kentzea proposatzen da, munduko herrialde txiroenak gogoratuz. Estatuak ez du horregatik defentsarako aurrekontua murrizten, urtez urte handiagoa bait da, baina behintzat gerraren kontrako adierazpen politiko moduan jaso beharko du. Informazio gehiago lortzeko: - Kakitzat: deitu 652 762 232 - Eragozpen Fiskalaren aldeko Gipuzkoako Taldea ( KEM-MOC ): idatzi edo deitu 666-619586 - Bilboko KEM-MOC: idatzi edo deitu 94-619586 - Eragozpen Fiskalaren aldeko Taldea - Iruñeko KEM-MOC: idatzi , deitu 948 21 05 30 edo pasa asteartetan Bakearen Etxetik, Merced 18 bajo, Iruñean Informazio gehiago: | Zenbait galdera eragozpen fiskalaren gainean |, | Eragozle fiskal baten hitza |, | Gerrarik Ez |, | Aurtengo kanpainaren triptikoa |, | CGTren kanpaina |.  2008/05/05 - 12:59:01

Gelditour: + eztabaida - inposaketa

AHT Gelditu! Elkarlanak Maiatzerako GELDITOUR ekimena prestatu du. Maiatzaren 4tik 31ra AHT-ren proiektuak zuzenean kaltetuko lituzkeen herri eta eskualdeak zeharkatuko ditu, Kortesen (Nafarroa) hasi eta Donostian (Gipuzkoa) amaituz. Espresuki horretarako prestatutako kamioiak herri eta eskualde kaltetu guztiak zeharkatuko ditu, eta ekimenaren baitan, herri eta eskualdeetan hamaika ekimen burutuko dira. GELDITOUR ekimenaren helburuak honakoak dira: - AHT-ren egitasmoaren nahiz eragingo lituzkeen kalteen inguruko informazioa lau haizetara zabaltzea. GELDITOUR informazio-ekimen erraldoia izango da. - AHT-rekiko oposizioa ikusaraztea. GELDITOUR AHT-ren aurkako mobilizazio ekimen erraldoia izango da; AHT-ren aurkako aldarria kaleratu eta lau haizetara zabaltzeko bitartekoa, hain zuzen ere. - Eragile nahiz sektore sozial ezberdinak AHT-ren aurkako borrokara biltzea. Herriz herri eta eskualdez eskualde, AHT-ren inposaketaren aurka eta herri eztabaida zabalaren alde indarrak biltzeko tresna izango da GELDITOUR. Kolektibo nahiz norbanakoek AHT-ren aurkako dinamikan beren ekarpena egin dezaten ahalbideratuko du. Materialak: Bideo laburra / Fermin Muguruzak egindako abestia / Eskuorria / Kartelak / Panelak / Egitaraua herriz herri eta eskualdez eskualde Informazio gehiago: AHT GELDITU! Elkarlana | AHTren Aurkako asamblada | Goierriko AHT Gelditu! Elkarlana | Txingudiko AHT Gelditu! Elkarlana | Sakanako AHT Gelditu! Elkarlana | Durangoko AHT Gelditu! Elkarlana | AHT EZ! Erresistentzi gunea | AHT ez ordaindu!  2008/05/01 - 12:38:01

Okupazioa martxan!

Okupazioaren inguruan albiste ugari izan dira azken hilabetean. Eraisteak, desalojoak ... era berean, topaketa eta jarnualdiak ospatu dira leku ugaritan ( Errekalden, Basaurin eta gernikan). Indymediara bidalitako albisteak kronologikolki, hauek dira. Euskal Herriko gaztetxe eguna 2008 abian dago!!! . [kartela] . Maiatzak 10 (larunbata): Astra Proiektua aurrera! (Gernika) . [Astra, proiektua, egungo egoera eta etorkizuna] . Basauriko gaztetxea - 9 urte autogestioan Ertzainek bost pertsona atxilatu dituzte eta barakaldoko gaztetxea ixten dute Zazpikatu gaztetxearen berriro desolajatu dute Zazpikatu gaztetxearen bigarren desalojoa eta okupazioa (hirugarrena jadanik!!!) [ Bideoa ]. Iruñerria Piztera Goaz ekintza Olabeagako gaztetxea desalojatu eta botatzen ari dira . Argazkiak: 1 , 2 . Santutxuk badu gaztetxe berria!!! . Arangoitiko gaztetxearen okupazioa eta desalojoa [ argazkiak , kronika ] Gaur, ostirala 18an, manifestaziorako deialdia egin dute auzoan . Erriberako etxearen desalojoa [ Bideoa , prentsaurrekoa eta manifestazioa ( Manifaren argazkiak )].  2008/04/18 - 17:26:01

Isiltasunaren kontrako autobusa

Martxan dago jadanik " Oroimenaren autobusa " Nafarroan memoria historikoa berreskuratzekomugimenduan aritzen diren elkarteen proiektua Ibiltzeke dagoen bideaz jabetzen garelarik, autobus hau aurkezten dizuegu, frankismo irabazlearekin bat ez etortzeagatik sufritu zutenen hotsak zabaltzeko, lurrak zuzen banatzen saiatzeagatik, eskolak eta antzokiak sortzeagatik, edo gizonek eta emakumeek errespetu eta eskubide berberak izan zitzaten defendatzeagatik, edo, besterik gabe, edozergatik, izuaren estrategiaren baitan biktima bat gehiago izate hutsagatik. Horregatik, hotsen autobus hau Nafarroan zehar ibiliko da, zenbait herri eta urte askoan egin diren ekintzak lotuko ditu; horrela, aurten ekintza horiek bateratuagoak, kolektiboagoak, izango dira, eta aukera izango dugu beste eskualde batzuetako ekimenen berri izateko, maiz ezezagunagoak ditugu-eta. | Manifestua | | Ibilbidea | | Webgunea | Antolatzaileak: [ Asociación de Familiares de Fusilados y Desaparecidos a raíz del golpe militar de 1936 ] [ Asociación Pueblo de las Viudas ] [ Ahaztuak 1936-1977 ] [ Memoriaren Bideak ] [ Txinparta ] [ Psicólogos sin Fronteras ] [ Hutsarte ].  2008/04/14 - 17:07:03

Apirilaren 12an Pekusio Eguna Bilboko San Frantzisko auzoan

Datorren apirilaren 12an, Zabala, San Frantzisko eta Bilbo Zaharreko Koordinadorak elementu dinamizatzaile perkusioa hartuko duen ekimena jarriko du martxan. Hara hemen gure helburuak: - Gure auzoetan begi bistakoa den pertsona eta kulturen aniztasunak adierazten duen aberastasuna ikustera eman - Kulturen arteko ekimenen bitartez gure auzoetako pertsonen elkartzea indartu. Eta hurbiltasun hobe eta positiboagoak bultza. - Gizarteko parte hartzea sustatu. - Gure auzoetako egoera salatu. Eta zein diren gure eskaera eta proposamenak erakutsi. Eguerdiko 12tan hasiko den ekimena hiru une desberdinetan banatuko da: Aldi bereko perkusioa hiru auzotako zenbait tokietan, kalejira eta bukatzeko manifestuaren irakurketa eta azken zalaparta ( Egitarua osoa ). Informazio gehiago | Aldarri eta proposamen |.  2008/04/10 - 16:46:01

Euskal Herriko IV Jardunaldi Feministak

Berriak: |Berria: 1.500 emakumek parte hartu dute Euskal Herriko Jardunaldi Feministen lehen egunean |, |Gara: El movimiento feminista renovará discurso y práctica |, |Gara: Cerca de 1.500 mujeres volvieron a reencontrarse ayer en Portugalete |. Arraroa badirudi ere, aurreko mendean, orain dela 13 urte, ospatu ziren azkenengoz Euskal Herriko Jardunaldi Feministak. Askok ez dute ia gogoratzen eta beste batzuk ez dakite ospatu zirenik ere. Hori dela eta Euskal Herriko Erakunde Feministen Koordinadorak berraurkitu eta topatzeko, elkar ezagutu eta eztabaidatzeko, errebindikatu eta disfrutatzeko laugarren jardunaldiak ospatzeko ordua dela erabaki du. Noiz eta apirilaren 12 eta 13an Portugaleten dagoen EHUko Eskola Nautikoan. Ardatzen artean tailerrak , eztabaida , manifestazioa, festa, e.a. Informazio gehiago: [Entzun kuñak: | 1 |, | 2 |, | 3 |, | Jardunaldien webgunea |, | Jardunaldien bloga |, | Kokapena eta nola heldu |, | Programa |, | Inskripzioa |, | Non gelditzea |, | Antolatzaileei eginiko elkarrizketa La Hainen |, | Saio berezia tas-tas irratian |.  2008/03/30 - 15:42:25

2008.ko Brigadak

Beste behin ere, Askapena , Euskadi-Cuba eta Komite Internazionalistak (KI) talde internazionalistek, Kurdistanera, Sardiniara, Països Catalansera, Irlandara, Mexikora, Panamára, Kuna Yala-ra, Ekuadorera, Boliviara, Wall Mapu-ra, Argentinara, Uruguayera, Brasilera, Bretainara, Palestinara, Kubara, Mexikora, Kolonbiara edo Venezuelara joateko elkartasun brigadetak antolatu dituzten. Oraindik, bakarrik Askapenak apuntatzeko epea irekita dauka, baina laister beste erakundeek irekiko dute epea. Informazio gehiago: | Askapenarekin apuntatzeko |.  2008/03/30 - 15:42:21

Indymedia Kolonbiarekin elkartasuna

Kolonbiako gizarte mugimenduen aurkako erasoen sorta berri bat martxan dago. Hildakoek eta mehatxuek pasa den martxoaren 6an estatu krimenak salatzeko mobilizazioak bultzatu zituzten; bertan eta munduko hainbat tokitan milaka lagunek parte hartu zuen. Hildakoen artean Leonidas Gomez sindikaria (Citybank Bankuko langileen buruzagia), Carlos Burbano (osasungintzan langilea), Carmen Cecilia Carvajal irakaslea eta Gildardo Gómez (irakaslea baita); gizarteko beste hiru buruzagiak ere akabatu egin dituzte azken egunotan. ( Martxoaren 6ean gertatutako kronika ). " Aguilas Negras " izeneko paramilitarrek gutxienez 27 buruzagi eta militanteak mehatxu egin dute, baita giza eskubideen aldeko elkarteek, ONIC erakunde indigenak, CUT sindikatuak, la Bakearen Aldeko Emakumeen Sareak , Bakearen Aldeko Emakumeen Ibilbidea , eta gainontzeko nekazal eta biktimen elkarteek ere jaso egin dituzten paramilitarren mehatxuak. Komunikabide alternatiboak ere mehatxu dute, besteak beste Indymedia Kolonbia . Jaso duten mehatxua hauxe izan da: " todas aquellas entidades, instituciones, representaciones diplomáticas y personas del común que reciban este comunicado virtual, están declaradas OBJETIVOS MILITARES " . Alde batetik Kolonbian mehatxuen fidagarritasuna kontuan hartuta, eta bestetik, mehatxuak izandako erakunde batzuen egoitza bortxatu egin dutela jadanik, Indymedia Kolonbia eta gainontzeko erakunde guztiei gure babesa eta elkartasuna helarazten premiazkoa eta ezinbestekoa jotzen dugu. Informazio gehiago: | Kolonbiari buruz Askapenako web horria |, | Movimientos en contextos de guerra (Raúl Zibechi) |.  2008/03/23 - 02:51:17

ETAren atentatuaren aurreko erreakzioak

Azken astetan ETAk Isaias Carrasco, Arrasateko zinegotzi ohiaren aurkako atentatuaren ostean Indymediara ailegatutako mota guztietako iritzi, artikulu edota iruzkinak kontuan hartuta, talde editorialak ekarpen guztiak biltzen erabaki dugu. ETAren ekimenek ere pizten dituzten jarrera hartzeak, diskurtsoak eta iritziak elkarrizketaren garrantzia errebindikatzeko asmoarekin batzen eta aurkezten ditugu. Indymedia Euskal Herrian gai honetan ere gure arteko eztabaida emankorra izateko, gure aurreiritzi eta beldurrak gainditu behar ditugula pentsatzen dugu, azken finean, Euskal Herrian bizi dugun pertsona, gizarte mugimendu eta eragile politiko guztioi dagokigu. Hala ere, eztabaida guzti hauek kaleetan zein gizarteko espazio sozialetan gauzatzea interesgarriagoa iruditzen zaigu baina, beste behin ere, Indymedia EH antzeko espazioek tresna onak izan daitezkeela gure etorkizuna eztabaida eta elkarrizketaren bitartez eraikitzeko egiaztatu dute. Jakin badakigu hedabide libre eta horizontal batean oso zaila da halako eztabaidak modu koherentean aurkeztea, beraz, erantzun txarrak, desohore eta irain guztien gainetik ekarpen guztiak guri ailegatu zaizkigun bezala aurkeztu nahi ditugu.  2008/03/19 - 14:24:07

Martxoak 15: Gerrarik ez!, ezta okupaziorik ere!

Hurrengo Martxoaren 20an Iraken kontrako gerraren 5. urteurrena beteko da. Bost urte geroago, hildakoek ez dira sartzen albistegietan eta propaganda ofizialak zioenaren kontra, gerra ez da bakerako ezta demokraziarako bidea izan Ekialde Ertainean; honen ordez okupaziorako zurigarria eta errekurtso natural eta energetikoak Iraketik ateratzeko bidea bezala bilakatu da. Mundua ez da orain leku seguruagoa, eskubide eta askatasunaren ebakia, disidentziaren kriminalizazioa,legez kanpoko atxiloketak, tortura, bahiketa,espetxe sekretuak eta hain sekretuak ez direnak ,... dena balio du terrorismoaren kontra, dena balio du mundu ordenakuntza berri bat bat ezartzeko.. Orain dela 5 urte, milioika pertsonek mundu osoan Irakeko gerra bilakatuko zen mehatxuaren kontra altxatu zuten ahotsa. Urtez urte, okupazio egoera hau salatzen jarraitzen dugu. Aurten ere basakeri honen kontra eta gizarte ezberdintasunetan, militarizazioan eta gerran oinarritutako nazioarteko eredu honen kontra mobilizatuko gara. Euskal Herrian, gizarte mugimenduek interbentzionismo eta hondamen honen aurrean, bere desadoztasuna adieraziko dute berriz ere: - BILBO: Martxoak 15 Arriaga Plazan 17:30etan - DONOSTIA Martxoak 15 Boulevardean 18:00etan - IRUÑEA Martxoak 15 Plza del Castillo 18:00etan Informazio gehiago: | Komite Internazionalistak |, | Prentsaurrekoa Bilbon |, | Irak: cinco años después, seguir reivindicando el no a la guerra |, | Comunicado de la concentración de Madrid |.  2008/03/14 - 01:50:07