Bergarako Udala

Udal albisteak

Irabazi asmorik gabeko kultura taldeei diru laguntzak emateko oinarriak argitaratu dira

Bergarako udalerriko irabazi-asmorik gabeko kultura talde eta elkarteei 2010. urtean garatuko dituzten jarduera eta egitarauetarako diru- laguntzak emateko oinarriak argitaratu berri dira. Interesatuek eskaera egiteko hilabeteko epea izango dute. Informazio gehiago  2010/09/02 - 10:02:02

Iraileko kultur gida ekintzaz beteta dator

Iraileko kultur egitarauan denetik aurkitu dezakegu,erakusketa desberdink, ikastaro, ospakizun eta nola ez San Martin jaien inguruko ekintza desberdinak. Iraileko Kultur gida  2010/09/02 - 10:02:02

Carlos Garcia Anguloren margo erakusketa ikusgai

Carlos Garcia Angulo margolariaren argazki erakusketa ikusgai dago Aroztegi Aretoan irailaren 12ra arte. "Barne erretratua" lana ikusgai egongo da ondorengo ordutegian: asteartetik ostiralera: 18:00-20:30 larunbatetan:12:00-14:00 eta 18:00-20:30 igandetan: 12:00-14:00  2010/09/01 - 10:49:01

Kontzertu desberdinez gozatu ahal izango da abuztuan

Abuztuko hilabetean Bergaran badago zer entzuna eta zertaz gozatua. Aire libreko lau kontzertuz gozatzeko aukera izango duzue. Horiez gain, erakusketa, aire libreko zine emanaldi eta ospakizunak ez dira faltako hilabetean zehar.  2010/07/29 - 12:29:02

Emakumeen eta gizonen arteko lehenengo berdintasun plana abian da

Bergarako herriaren diagnostiko bat egin ostean, emakume eta gizonen arteko lehen berdintasun plana martxan jarri du Bergarako Udalak. Herriaren diagnostiko bat egin da, eta jarraian lehen plana diseinatu da, 2010-2013 urteen bitartean gorpuztuko dena. Planean Bergarako Udala, Emakunde eta Elhuyar aritu dira lanean. Planaren nondik norakoak  2010/07/29 - 10:32:03

Abuztuko kultur gida kalean da

Abuztuan bada zer gozatua Bergaran. Erakusketa desberdinak egoteaz gain, aire libreko zinea, ospakizun eta aire libreko musika emanaldiak izango dira. Ikusi abuztuko kultur gida  2010/07/27 - 12:13:03

Igeriketako behin betiko zerrendak argitaratu dira

Agorrosingo kirol zerbitzuak umeentzat antolatutako igeriketa ikastaroetako behin betiko zerrendak argitaratu ditu. Jarraian ikus daitekezke txanda bakoitzeko partaideak zeintzuk izango diren: ZAPABURUAK MARRAZO AMUARRAIN BALEA DORTOKA  2010/07/27 - 10:17:03

Kofradixa jaiak ospatuko dira Osintxun

Abuztuak 27,28 eta 29 egunetan ospatuko dira Osintxu auzoko “Kofradixa” jaiak. Egun horietarako ekintza desberdinak antolatu dituzte:  2010/07/27 - 10:17:03

San Martinen heriotzaren errepresentazioan parte hartzeko aukera dago

Urtero legez, irailaren 15ean Gaberokoek San Martinen heriotzaren inguruko errepresentazioa egin izan dute baina aurten ez da posible izango. Horrela, errepresentazioa egin dadin herriari deialdi publikoa zabaldu nahi diogu bertan parte hartzera animatuz. Errepresentazioan parte hartu nahi duenak, taldeka zein banaka, izena Kultur Etxean eman beharko da. Guztira 24 lagun behar dira, beraz, dei egin nahi da jendea animatu daiten eta posible egin dadin errepresentazioa.  2010/07/22 - 10:31:03

Isabel Díez San Vicenteren argazki erakusketa ikusgai dago

Uztailaren 23an hasi eta abuztuaren15a bitartean Isabel Díez San Vicenteren argazki erakusketa "Itsasaldien mugan" egongo da ikusgai Aroztegi Aretoan.  2010/07/22 - 10:31:03