Bergara - Albisteak - Goiena.net
Gerra garaiko obusa azaldu da errekan
Ozaetako zubiaren azpian azaldu zen, abuztuaren 20an. 50-60 kiloko leherkaria zen, espoleta eta guzti, eta Ertzaintzaren artezkariek eroan, eta Arantzazuko harrobi baten leherrarazi zuten. 2010/08/31 - 11:44:03
Irailaren 6an hasiko dira danborradetako entseguak
San Martin jaien atarian gaude eta hori horrela, danborradetarako entseguak ere hastear daude. Hain justu ere, irailaren 6an, 7an, 8an, 9an, 13an eta 14an izango dira entseguok, ume zein nagusien danborradetako entseguok. 2010/08/30 - 10:33:06
Bergararendako izan da denboraldiaurreko lehenengo trofeoa, Bergara Hiria
Ermuari eta Aretxabaletari irabazi ostean Mondrak eta Bergarak jokatu zuten zapatuan Bergara Hiriko finala. Iaz ez moduan, mahoneroek aurten ondo defendatu dute etxeko saria (2-0). 2010/08/30 - 10:33:06
Penaltien txandari esker egin zuen Bergarak aurrera; gaur Mondra eta Aretxabaleta aurrez
aurre
Bergara Hiria torneoko bigarren norgehiagoka jokatuko dute gaur arratsaldean, egubakoitza, 18:00etan Agorrosinen. Atzo Bergarak eta Ermuak 0-0 egin zuten, eta penalti jaurtiketetan gehiagotan asmatuta sailkatu ziren bergararrak zapatuko finalera. Gaur jakingo dugu ze taldek jokatuko duen bihar, Bergararen kontra, finala. 2010/08/27 - 13:07:05
'80 egunean' filma gaur, San Martin plazan
Eguenero legez, aire libreko zinema emanaldia izango da gaur ere Bergarako San Martin plazan. '80 egunean' filma eskainiko dute gaurkoan, euskaraz, gaueko 22:00etan. 2010/08/26 - 10:05:01
Badabiltza margotzen aparkalekuetako marrak urdinez
Ibargarai kaleko hainbat puntutan, esaterako, badabiltza margotzen jada aparkalekuetako marrak urdinez, datorren irailaren 20tik aurrera doako TAO sistema martxan jartzeko. San Martin plaza, Ibargarai kaleko lurpeko aparkalekua, azoka pareko Oxirondoko aparkalekua eta erdiguneko zenbait kale izango dira doako TAO eremuak, astelehenetik egubakoitzera: 09:00etatik 13:30era eta 16:30etik 20:00etara, hain zuzen. Zapatuan, berriz, 09:00etatik 13:30era. Irailaren hasieran baina, sistema berriaren gaineko informazio kanpaina jarriko dute abian. 2010/08/25 - 14:46:02
Aurrera doaz Errege Seminarioa berritzeko lanak
Egunotan teilatu gabe ikusi daiteke Bergarako Errege Seminarioa; dudarik gabe, irudi bitxia. Opor egunak aprobetxatzeko uztailean hasi zituzten eraikina berritzeko lanak, eta dagoeneko, dezente aurreratuta doaz. Besteak beste, teilatua, teilatupea, aurrealde nagusia eta leihoak berriztuko dituzte. Horrez gainera, igogailua ere jarriko dute. Guztira, 1.400.000 euro erabiliko dituzte lanok egiteko, eta aurreikuspenen arabera, urte amaieran bukatu dituzte guztiz berritze lanak. 2010/08/25 - 14:46:02
Bergara Hiria futbol txapelketa gaur, bihar eta etzi
Aurre-denboraldiko lehenengo torneoa izango da Preferente mailan. Gaur, Bergarak eta Ermuak jokatuko dute txapelketako lehenengo partidua arratsaldeko 18:00etan, Agorrosinen. Bihar, berriz, Aretxabaletak eta Mondrak neurtuko dituzte euren indarrak ordu berean. Zapatuan, azkenik, bi norgehiagoka horietako irabazleek jokatuko dute finala; hori ere 18:00etan. 2010/08/25 - 10:54:06
The Romanticos taldearen musika emanaldia gaur, Espoloian
Aire libreko kontzertua emango du gaur The Romanticos taldeak Bergarako Espoloian, gaueko 22:00etan. Blues eta funk doinuak uztartzen dituen hirukoteak berezko abestiak eskainiko ditu, 60/70. hamarkadako soinuen fusioak landuz. Sarrera doakoa da. 2010/08/25 - 10:54:06
San Bartolomeak Angiozarren
Angiozarko Zabaleta auzoan ospatu dituzte San Bartolome jaiak. Eguerdian meza egin dute eta, Elgetatik eta Bergaratik etorritako 60 bat lagunek ermita bete dute. Jarraian, luntxa izan da bertaratutako guztientzat: besteak beste, urdaiazpikoa, txorizoa eta olibak zeuden jatekoen artean. 2010/08/24 - 15:35:05
