Arrasateko albisteak

Juan Mari Agirreurretak irabazi du Jokin Zaitegi beka

Agirreurreta irakaslea da lanbidez, baina esperientzia du itzulpengintzan. 2010ean Victor Hugoren nobela bat itzuli zuen ('Kondenatu baten azken eguna'). Hainbat sari ere irabazitakoa da, tartean: Bergarako Amodiozko Gutunen Lehiaketa eta Arrasateko palindromo txapelketa. 2012/02/05 - 22:36:01

Mondrako neskek irabazi Añorgaren aurka

2012/02/05 - 20:43:04

Western eta surf doinuak berotzeko

Nahiz eta Siberiako hotzak etxean geratzeko gonbitea egin, Arrasateko Amaia Antzokian bildu ziren lagunek doinu beroez gozatzeko aukera izan zuten Twin Tones talde mexikarrarekin. Hain justu ere, tenperatura hotzaren eraginez, kontzertua Amaiako sarreran egin beharrean areto nagusian egin zuten. 2012/02/05 - 18:48:05

Parte hartze altua eta giro ederra Gesalibarko jaietan

"Oso balorazio ona egiten dugu. Parte hartze altua izan da eta auzotarrak gustura aritu direnez, gu oso pozik gaude". Manex Barrenetxea Gesalibarko jai batzordeko kidearen hitzak dira, amaitu berri diren jaien gainean. Eguraldiak ez zuen lagundu, adibidez, zapatuan Santa Ageda kantuan irten ziren auzotarrendako: "Kantuan irten ziren adineko auzotarrak esan ziguten aspaldian ez zirela kantuan irteten elurra mara-mara zebilela". Eguraldiak, baina, ez ditu jaiak zapuztu, ezta gutxiago ere. - ARGAZKI GALERIA 2012/02/05 - 16:51:02

Santa Ageda bezpera Debagoienean: hotzaren eta elurraren aurrean, "kanta nahi dugu gogoz"

Santa Ageda bezperak hamaika irudi utzi zituen atzo Debagoienean. Herri bakoitzeko ohituretatik haratago, kantuan eta eskean irten ziren guztiek hotzaren aurrean eztarriak berotzeko borondate irmoa erakutsi zuten, baserri inguruak eta herrietako kaleak alaituz. Aretxabaleta eta Eskoriatzan, ohitura denez, kintoak aritu ziren kantuan, dantzan eta eskean. Aje galantarekin eta eztarriak urratuta esnatuko ziren gehienak gaur... - Santa Ageda bezpera Arrasaten (ARGAZKIAK) - Santa Ageda bezpera Bergaran (ARGAZKIAK) - Santa Ageda bezpera Bergaran (BIDEOA) - Kintoak Aretxabaletan (BIDEOA) - Kintoak Aretxabaletan (ARGAZKIAK) - Kintoak Eskoriatzan (ARGAZKIAK) - Santa Ageda bezpera Gatzagan (ARGAZKIAK) 2012/02/05 - 12:50:01

Euriak hartu dio lekukoa elurrari

Gauean elur asko egitea espero zen, baina ez da hala izan eta euriak hartu dio elurrari lekua. Hala ere, elurrak utzi dizkigu argazki polit gehiago. Ume zein heldu gustura ibili dira aurreko egunetan botatako elurrarekin jolasean. - ARGAZKI GALERIA (Elurra Gorlan) - ARGAZKI GALERIA (Elurra Udalan) 2012/02/05 - 11:54:36

Bandaloaren grazia: 15 zentimo herritar bakoitzari

15 zentimo ordaindu beharko du arrasatear bakoitzak Bizkaia etorbideko igogailua konpontzearren. Hori da aurreko asteburuko bandalismoak herritarrengan izango duen eragina. Bestalde, Arrasateko urbanoan ere igarri dute apurketaren eragina. Normalean 29 bidaiari izaten ditu urbanoak hango geltokian; bada, urtarrilaren 31n 53 lagunek erabili zuten, eta otsailaren 1ean, berriz, 80 bidaiarik. 2012/02/05 - 09:04:04

Julia Monge: "Eredu sozial eta ekonomikoa eraldatzea sustatu nahi dugu"

Gorripidea erakundea sortu berri da, eta hango kide Julia Mongerekin egon gara. 2012/02/05 - 01:26:06

Zaldibarko futbito txapelketa: datorren asteburuko behin-behineko plana zehaztu dute

Zaldibarko futbito txapelketa ren 12. jardunaldia jokatu behar zen aste bukaera honetan baina eguraldiagatik datorren asteburura atzeratuko dute. Hala, datorren asteburuan 12. eta 13. jardunaldiak jokatuko dira eta aldaketon berri eman dute dagoeneko antolatzaileek, web orrian . Taldeek astelehenera arte izango dute epea ordutegiarekin arazorik izanez gero antolakuntzari jakinarazi eta aldaketaren bat egiteko. 2012/02/04 - 11:59:04

Mikropigmentazioaren gainean berbetan

2012/02/03 - 14:48:04

Iturriak