Aretxabaleta - Albisteak - Goiena.net
Auto-ilara luzeak Arrasate-Aretxabaleta saihesbidean
Hiru autok elkar jo dute GI-627 errepidean, Aretxabaletan, Gasteizko noranzkoan. Istripua 13:20ean gertatu da; autoek errepidean jarraitzen dute oraindik eta Ertzaintza txandaka ari da paso ematen ibilgailuei. Auto-ilarak luzeak dira momentu hauetan; Arrasaten, esaterako, saihesbidea hartzeko auto-ilara herri barruraino iristen da, Udala plazaraino, hain justu ere. 2010/02/08 - 15:35:02
Txapel Txin Chuck Norris bihurtu zen Aratusteak iragartzeko
Txapel Txinek zapatuan iragarri zituen Aratusteak. Giro polita izan zen arratsaldeko lehen ordutik hasita gauera arte, eta pregoian herriko plaza jendez bete zen. Domeka honetarako mozorrotzeko gogoak piztu zituen, behintzat, aretxabaletarren artean. 2010/02/08 - 15:35:02
Defentsan 'akats larriak' eginda esku hutsik itzuli da UDA Eibartik (2-0)
Azken jardunaldietako dinamika txarrari buelta emateko aukera paregabea zuen UDAk Eibarren, armaginak aretxabaletarren aurkari zuzenak baitira sailkapenean. Baina atzealdean makal eta aurrealdean ideiarik gabe, 2 eta 0 galdu dute Eibarren aurka. Jaitsiera postuak bi puntutara daude honezkero; Igor Gordobil entrenatzaileak bere taldeak "aldaketa sakona" behar duela uste du. 2010/02/07 - 18:24:03
Txapel Txinek emango du Aratusteen berri bihar ilunkeran
Txapela buruan eta jai giroa aldean duela etorriko da bihar Txapel Txin gurera. Musika, ikuskizuna eta jatekoa eskura izanda iragarriko dizkigu Aratusteak. 2010/02/05 - 12:30:01
Giro ederra eta jende ugari, San Blas egunez Salluenten
Otsailaren 3a, San Blas eguna. Jakiak bedeinkatu eta abar, hainbat herritan egiten dituzte ospakizunak santuaren omenez. Baita Aretxabaletan ere. 2010/02/03 - 14:12:02
Santa Kurtz kalea norabide bakarrekoa da gaurtik
Gaurtik aurrera norabide bakarra dauka Santa Kurtz kaleak, Arrasate aldera joateko hain zuzen. Hori horrela, Exprex taberna aurrean zeuden aparkalekuak kentzen dabiltza, eta bidearen bi alboetan jarriko dituzte. 2010/02/02 - 15:04:03
Frankismo garaiko esklabotza, gaurtik Arkupen
Eduki historikoa duen erakusketa zabalduko dute gaur, astelehena, Aretxabaletako Arkupen: 'Esklabotza Frankismoan: errepideak eta fortifikazioak Mendebaldeko Pirinioetan'. Otsailaren 28ra arte bisitatu ahalko da, astelehenetik egubakoitzera bitartean, 11:00etatik 13:0etara eta 18:00etatik 20:00etara; eta zapatuetan goizeko ordutegian. Osagarri moduan, Edurne Beaumontek ikus-entzunezkoa eskainiko du horren harira egubakoitzean. 2010/02/01 - 10:06:01
Talde sendoa duela erakutsiz, Reala Aretxabaleta baino gehiago izan da
Donostiarrek hainbat gol aukera egin dituzte, eta horietako bi aprobetxatu: 22. minutuan egin du lehen gola Albistegik, eta 84. minutuan Illarramendik. UDA aldiz bukaera arte ahalegindu da, baina ez du berdinketarako aukera garbirik egin. 2010/01/31 - 22:32:02
Berritu egin dute udal aldizkaria herritarrei lekua eskaintzeko
Gaur dabiltza banatzen etxez etxe 'Arratabe' udal aldizkariaren urteko lehen zenbakia, eta berrituta dator. Herritarrei lekua egite aldera, 'Herritarrak galdezka' tartea sartu dute. 2010/01/28 - 13:35:03
Copreciko aparkalekuan eraikina egitea aurrera
Astelehenean egindako ohiko osoko bilkuran behin-behineko onarpena eman zioten Hiri Antolaketako Arauen Elementuen Aldaketa Puntualari, Copreci lantegiak beste eraikin bat egin dezan orain aparkalekua dagoen tokian. Aralar, EAJ, PSE-EE eta EAren aldeko botoak jaso zituen, nahiz eta EAk hainbat zalantza izan. Ezker Batua-Berdeak alderdiak, ostera, aurka bozkatu zuen. 2010/01/28 - 13:35:03
