Sustatu.eus - Aktualitatea

Sustatu.eus, Interneteko albistegia

Kaixomaitia.eus | Kontaketa erotikoak | Hondartzako Eneritz

 2019/07/11 - 07:03:02

Torradora afera: makinekin katalanez hitz egiteko eskubidea

 2019/07/11 - 07:03:02

Zatoz Euskararen Interpretazio Zentrora, udan

 2019/07/11 - 07:03:02

Debarroko dolmenen ibilbidea

 2019/07/11 - 07:03:02

'Fake' robotiko edo mekanikoen lilura

 2019/07/11 - 07:03:02

Facebook-en irudi prozesamendua: matxura eta errebelazioak

 2019/07/11 - 07:03:02

Iruñea kameraz betea dago, hemen gehienak mapa batean

 2019/07/11 - 07:03:02

Wizards Unite da Pokemon Go berria

Duela hiru urte, "iraultza" izan omen zen. Pokemon Go jokoak errealitate areagotua eta geokokapena nahasten berehalako arrakasta itzela izan zuen. Baina baretu egin zen tsunami hura. Orain, haren ondorengoa aurkeztu dute garatzaileek, beste frankizia batean oinarritua: Harry Potter's Wizards Unite da jokoa. Niantic enpresaren hirugarren garapen handia da Wizards Unite. Lehena 2012an garatu zuten, Ingress , nahiko publiko ' nerd ' eta berezitua lortu zuena. Gero etorri zen arrakasta handia, Pokemon Go!, eta orain hau. Niantic sortu zuen John Hanke australiarrak, zeinak lehenago Google Earth eta Google Maps-en sorreran funtsezko papera izan zuen. Harry Potterren Unibertsoko pertsonaiak eta egoerak dira joko berri honen funtsa. Jokalariak, oraingoz, hiru rolen artean aukeratu dezake: Aurora, Mago zoologoa edo Irakaslea. Segun eta zein rol duzun, jokoak era bateko zein besteko misioak eskaintzen dizkizu. Misioak terreno errealean mugitzera behartzen zaitu, baina batzuetan jokoaren elementuak etxe barruan ere agertzen zaizkizu. Kalean bazabiltza zerbaiten bila eta autoz bazoaz, jokoak igarri egiten du abiadura eta misioa eten diezazuke. Hau da, oinez ibiltzeko da, eta ez auto ataskoak eragiteko (halakorik gertatu omen zen Pokemon Go-rekin). Munduaren mapa erreal bat eskaintzen dizu jokoak, nahiko zehatza hirien kasuan (Donostian probatu dugu guk), ez dakigu berdina ote den nekazari inguruneko herri batean. Mapa hori, eraikinez populatzen du aplikazioak, eta izaki miragarriren agerpenak ere sortzen dizkizu ibilian zoazela. Honako irudian, Intxaurrondo auzoan egindako aproba baten emaitza grafikoak. Ezkerrean, ingurunearen mapa bat, Donostiako auzoaren errepresentazio nahiko erreala dena. Erdian, "negutegi" batean sartu gara, juxtu Intxaurrondoko kiroldegiaren aurrean zegoena. Eskumatan, Sustatuko editore Luistxo Fernandez agertzen da tontoarena egiten, jokalariak altxorraren kutxa hori irekitzen duen bitartean (telefonoari eusten diona da jokalaria, ez Luistxo). Jokoaren mekanika, jolasteko aukerak eta grafikoak hobetu egin dira, baina ez du seguruenik "mania" maila batera iritsiko. Azken batean, beste joko kategoria bat da hau dagoeneko mugikorrarekin jokatzekoen artean, ez "nobedadea" areago. Jokoa gaztelaniaz eta frantsesez dago, ez euskaraz noski.  2019/07/11 - 07:03:02

RedKaraoke itxiko dute

RedKaraoke Espainian sortutako mundu mailako zerbitzu nahiko ezaguna bihurtu zen, 2007an sortu zenetik. Hamabi urteko jardunaren ondoren, bi aste barru (uztailaren 20an), itxi egingo da. Karaokea etxean edo lagunartean egiteko tresna digital gisa azken 10 urteotan garatutako zerbitzuen artean 3 erabilienetan egon da mundu mailan RedKaraoke, baina ez da nahikoa izan negozio eredu iraunkor bati eusteko. Errioxako bi anaien ekimen eta enpresa izan zen (Miguel Angel eta Richard Diez Ferreira), aurrerago beste akziodun batzuk inplikatu ziren arren. Web zerbitzu gisa, diru irabazi positiboak izan zituen 2014tik aurrera, baina gero beste gainbehera bat izan zuen negozioak. 2018ko irailean porrot judizialera aurkeztu zen, eta epaibideak erabaki du ez dela izan kudeaketa txarragatik. Azken urteotan aplikazio bidez ere funtzionatzen zuen, eta Chromecast bidez telebistarekin lotuta bereziki praktikoa suertatzen zen. Miguel Angel Diaz nagusiak Linkedinen adierazi duenez, RedKaraokeren porrotaren arrazoi nagusia musika industriarekin harremanak ezin ondo bideratzea suertatu da. Hasieran outsider bezala hasi ziren, eta hori okerra izan zela dio Diazek: gero hasi ziren eskubideak negoziatzen batarekin eta bestearekin, baina industria horietan zitalkeria gehiago aurkitu dute lagunak baino, eta alferrik izan da ahalegintzea.  2019/07/11 - 07:03:02

Euskaltzaindiak tuit eta txio (hau "informala") onartu ditu hiztegirako

 2019/07/11 - 07:03:02

Nabigatu euskaraz