Sustatu.eus - Aktualitatea
Sustatu.eus, Interneteko albistegia
"Datu irekiak eta hiritartasuna" jardunaldia Donostian
2019/11/14 - 06:00:02
Paktometro eskasak eta paktometro onak
2019/11/14 - 06:00:02
Kontrol aukerak zure Google jardueren inguruan
Googlek kontrolatzen gaitu, bai, gure bilaketa historia daki, Android mugikorrarekin nondik nora goazen susmatzen du, aplikazioetan zer erabiltzen dugun nola... Baina, hara: gordetzen dituen datu horiek zein diren ere erakusten digu, eta orain, gainera, ziklikoki behintzat datu zaharrak ezabatzeko aukera ematen digu. Google kontu batekin login eginda bazaude ordenagailuan, orrialde honetan ikusi ahal izango duzu Googlek zure zein jarduera grabatu duen. URL-a hau da euskaraz: - https://myactivity.google.com/myactivity?hl=eu (amaierako karaktereetan, 'eu' horrek adierazten du euskara) Adibidez, honako pantaila irudian ikusten da hau idatzi duen editoreak atzo mugikorrean zein aplikazio erabili zituen (3 zerrendatuta, eta beste 5 klik baten ondoren): Adi, kontsulta ordenagailuan egin dugu, mugikorrekin datuak erakutsi arren. Orrialde berean , bi parametro inportante moldatzeko aukera dugu. Irudian ikusten dugunez, Googleri ze datu eskaintzen dizkiogun ala ez dugu ezkerrean, eta adibide horretan ahots eta audio-grabaketak ez daude baimenduta. Eskuineko aukeran, berriz, daturik gordez gero noiz arte erabakitzen ahal dugu. Aukera horretan klikaturik, beste interfaze honetara goaz: Editore honen kasuan, erabaki du 18 hilabeteko epea zehaztea. Datuak gordetzeak abantaila batzuk eskaintzen ditu, erabilerraztasunaren aldetik, eta tira, sakonera minimo batez hobeto ibil daitezke. Baina aukera pertsonala da, egizu zuk nahi bezala. Aukera bat finkatzean, berresteko eskatuko dizu Googlek, ea duela 3 edo 18 hilabete ikusi zenituenak benetan borratu nahi dituzun. Datu horiez gain, beste batzuk ere kudeatzen ahal dituzu: - Kokapen datuak hemen . Editore honek desaktibatuta du kokapen grabaketa, baina hala ere, hainbat puntu ageri zaizkio bere kronologia geokokatuaren mapa (nik uste Google Maps-eko bilaketak direla, edo horrelako zerbait, ez ni nondik nora nabilen). - Youtube erabileraren memoria . Bitxia bada ere, web bilaketa eta aplikazio erabilpenetik aparte dago hau. Beste datuen ezabaketa 18 hilabetean izan arren, baliteke Youtuben ez ezabatzeko definituta izatea. Errepasatu esteka horretan, badaezpada. Kontuan izan datu-ezabaketa automatikoak ezartzen badituzu, ez duzula horrekin Google unibertsoan dituzun dokumentu eta daturik ezabatuko. Gmail artxiboa edo Google Driven duzuna, edo Kontaktuen aplikazioa erabiltzen baduzu, horko datu zaharrik ez duzu ezabatuko. 2019/11/14 - 06:00:02
Ventusky, kalitate grafiko handiko eguraldi mapa
2019/11/14 - 06:00:02
Euskaragatik interesa duen "turista jasangarria", jardunaldi bateko ardatz
2019/11/14 - 06:00:02
OnZientzia bideo lehiaketaren edizio berria
Ireki da epea OnZientzia bideo lehiaketaren aurtengo edizioan parte-hartzeko. Elhuyarrek ekoizten duen Teknopolis zientzia dibulgazioko telebista saioak eta DIPC ikerketa zentroak antolatzen dute lehiaketa. Gai zientifiko edo teknologikoei buruzko bideoak aurkeztu daitezke, 5 minutu baino laburragoak. Bost minutu baino laburragoa den bideoa ekoiztu behar da, euskaraz, gaztelaniaz edo ingelesez, eta egileak edozein adinetakoak izan daitezke (baita indibidualki zein taldean parte hartu). Euskarazko bideo onenak 2.000 euroko saria izango du, baldin eta dibulgaziozko bideo onenaren saria (3.000 euro), lortu ez baduM azken kasu horretan, euskaraz aurkeztutako bigarren bideo onenari emango zaio euskarazko bideo onenaren saria. Gazte saria ere izango da 18 urte bete ez duten partehartzaileen artean banatzeko (1.000 euro). Gaia guztiz askea da: norberaren edo besteren ikerketak, gizartean edo komunitate zientifikoan puri-purian dauden gaiak, norberaren grina zientifikoak edo teknikoak, zientziaren oinarrizko kontzeptuak, zientziaren mugarriak, pertsonaia historikoak, etorkizuneko edo iraganeko zientzia eta abar. Datorren urteko apirilaren 22ra arte egongo da epea zabalik, eta inskripzio fitxa honetatik eman behar da izena. Formatua era desberdinetakoa izan daiteke, baina 16:9 proportziokoa bada hobeto, Teknopolisen eman ahal izateko. Bideo guztiak, bestalde, Onzientzia.tv webgunean argitaratuko dira. Ikus, erakusgarri gisa, aurreko edizioetakoak sarituak bertan . 2019/11/14 - 06:00:02
"Matxismo ezkutua, egunerokotasunean agerian" ikasleekin lantzeko dosierra sortu du
Faktoriak
2019/11/11 - 12:21:02
"Paperak, mesedez": bideojoko interesgarri bat euskaraz
2019/11/11 - 12:21:02
Euskal emakume txiolarien ikusgarritasunaren alde
Emakumezko txiolari euskaldunen ikusgarritasunaren aldeko ekimen bat ikusi dugu Twitterren, kezka batetik abiatuta, jakina: ikusgarritasun hori proportzionalki txikiegia dela. Beste batzuen artean, Ane Fernandez txiolariak erreparatu dio Umap zerbitzuak egiten duen norbanakoen rankingari , eta lehen hamarren artean emakumezko bakarra ageri dela une honetan nabarmendu du (5. postuan, Ane Galarraga ). Hortik aurrera ere, lehen ehunen artean, hiru laurden gizonezkoak dira eta laurdena bakarrik emakumezkoak. Kezka bertsuak bultzatuta, duela egun batzuk emakumezko txiolarien gomendio-kate bat hasi zuen Twitterren Aintzane Muguruzak , eta ia 500 lagunen txio-profilak bildu zituen. Muguruzak deiadar honekin hasi zuen katea: " Hamar euskal emakume hauek jarraitzea gomendatuko dizuet. Segi zuek zerrenda! " Hamarnaka bildu diren profilen zerrenda, #EhundakaAhizpa zerrendara gehitu ditu Muguruzak. Hortxe duzue, zerrenden jarraipena egiten baduzue Twitterren, hor duzue harpidetzeko bat interesgarrua, 2019/11/11 - 12:21:02
Gipuzkoako "Gordailua" ezagutu eta bisitatzeko aukera
2019/11/11 - 12:21:02
