Udako argazkiak

Asteleheneko Goienkariaren argazki lehiaketa

Udako Argazki Lehiaketako sariak banatu ditugu

1. saria: Ekaitzaren ostean barealdia / Isabel Kirze (Arrasate) Aurten aurkeztu dituzten 513 argazkitatik onena dela iritzi du Goienako eta Kiñu argazki dendako kideek osatutako epaimahaiak. Momentua harrapatzea, freskotasuna eta originaltasuna baloratu ditu epaimahaiak, eta ez espresuki argazki konkretu bat egitera joatea. Saria : Olympus E-400 reflex argazki kamera digitala, Bergarako Kiñu argazki dendaren eskutik. 2. saria: Euskal gazta / Ane Lopez (Bergara) Udan ateratzen ditugun argazki sinpatiko horietako bat da bigarren saritua. Sei lagunek hartu dute esku erretratuan, formak zainduta, irudi fresko bat lortuaz. Askotan, ez da gehiago behar. Saria : Aste bukaera bateko egonaldia bi pertsonarentzat, Arrasate Bidaiak-en eskutik. 3. saria Gincho / Aritz Murgia (Arrasate) Arrasateko Aritz Murgiak ilunabarrean egindako erretratua aurkeztu du. Irudi polita da, lasaitasuna transmititzen duena. Tonoak saturatuta efektu polita lortu du Murgiak. Saria : Bi lagunendako afaria edo bazkaria Leintz Gatzagako Gure Ametsa jatetxean.  2008/01/18 - 00:06:07

Iluntzea Vilamos-en

Lleidako Vilamos herrian (Val d'Aran) iluntzea. Pirinioetako leku eder, lasai eta bitxienetariko bat den horrek bertan galtzera gonbidatzen gaitu. /Argazkia: Martin Uriarte /Arrasate.  2008/01/18 - 00:06:07

Elixamendi

Bergarako Angiozar auzoko Maindaon dagoen Arrate baserriaren ateko zirrikitutik ikusten den farola bakartia.Abuztuaren 27an ateratako argazkia da. /Argazkia: Aitziber Etxeberria Aranzabal /Bergara  2008/01/18 - 00:06:06

buruz behera

Aramaioko Gureia Auzoan aurtengo udan aterata argazkia. Zuhaitza akazia bat da, eta bertan agertzen dena, argazkilaria bera, Antton Peña. Argazkia atera eta gero lurrera jausi zela argitu digu argazkilariak. /Argazkia: Antton Peña /Aramaio  2008/01/18 - 00:06:05

Viedma glaziarea

 2008/01/18 - 00:06:05

Astoan

Aurtengo abuztuan Setti-Fadman (Marruecos) ateratako argazkia da. Ez zegoen autorik; izan ere, astoak dira garraiobide garrantzitsuena. /Argazkia: Iñaki Agiriano /Arrasate  2008/01/18 - 00:06:04

Ilunabarra

San Juan de Gaztelugatxeko aparkalekutik aterata. Ilunabar hori afaltzen zeudela parez pare eduki zuten egileek. /Argazkia: Aitor Intza /Bergara  2008/01/18 - 00:06:03

Egun haizetsua Cotatueron

Ordesan Faja de las Flores delakoa igaro ondoren, Cotatueroko Zirkoan ateratako argazkia, 2007ko abuzturaren 30ean. Argazkian, Haizea eta Orosoia agertzen dira, eta tenporizadorearekin aterata dago argazkia. /Argazkia: Haizea Agirre /Oñati  2008/01/18 - 00:06:03

Aurrerakuntza?

Argel-en ateratako argazkia, non antena parabolikoek ia teilatu eta balkoi guztiak gainezkatzen dituzten, eta paisaia oso kuriosoa eratzen dute. /Argazkia: Andoni Altube /Arrasate  2008/01/18 - 00:06:02

Itzalak

 2008/01/18 - 00:06:01