Julen

This is the description field.

Gure Txokoa dantza taldearen Txokoa

Gaur, orain arte blog honetan egin ez dudan zerbait egin behar dut: bertze blog baten "propaganda".Urteak dire Gure Txokoa Dantza taldea sortu zela. Bertatik pasa gara herriko gazte eta ez hain gazte gehienak.Kontua da azken urte honetan, taldeko "beterano" batzuk taldea utzi eta hau gazte talde baten esku gelditu dela.Aipaturiko taldeak gogoz ekin dio bide berri honi, umeen taldeak taldekieen artean banatuz,ideia berriei bide emanez,...taldea aintzinera ateratzeko intentzioarekin.Azkeneko berrikuntza ateri berri duten Bloga duzue:http://guretxokoadantza.blogspot.com/Bertan ikusiko duzuenez, herriko dantzei buruzko informazioa agertzeaz gain,dantza taldearen Flirck-erako sarbidea ere badu eta bertan dantzarekin lotutako gure herriko hainbat ohiturei lotutako argazki xorta ikusteko aukera dago. Orria ireki berria da baina seguru gaude dantzarako duten adina ilusioarekin mimatzen eta elikatzen badute bloga, herriko ohiturak eta kontuak matte ditugunon kuriositatea ase eta nork daki, geroan edozertarako tresna baliagarria izanen dela.Animo gaztik!!!Ongi segi!!  2009/08/19 - 03:54:09

Adar kontuak

Bai,aitortzen dut, adarrak jarri dizkiot.inguruan ez zuela pena merezi eta astakeriarik ez egiteko erraten zidaten arren, egin dut. Erabakia hartua nuen, horrela ezin nuen segitu.Azken aldian ez geunden gustora, batez ere ni, eta bera ere ez, sumatzen nuen. gure jardunean postura egokia ezin hartuz ibiltzen ginen, biok ere deseroso eta kontuak ezin zuen horrela segitu, ezin nion egiari bizkar ematen segitu eta deus pasa ez balitz bezala aintzinera segi, azken finean horrelako egoeran nekez egiten baita aintzinera.Joan den egunean eman genuen azken paseotxo haren ondotik gauzak argitu zitzaizkidan eta arazoari irtenbidea neuk bertan topatzea erabaki nuen.egia erran kosta zait bikote perfektua topatzea, gauzak diren bezala, baina egina egina dago eta ez dago atzera bueltarik.Harrokeria dirudi baina ez da lehen aldia;Lehen ere jarri izan ditut adarrak baina bertze garai batzuk ziren, orain desberdina izan da.Lehen ume jolasa bertzerik ez zen kontua eta orain aldiz beharrak eraman arazi nau hortaraBadakit erabakia luzera biontzat onerako izanen dela, eta kostako zaion arren, barkatuko didala. Gainera, denborak gaitzak sendatzen omen ditu eta nik uste denborarekin ikasiko duela "adarrak" ongi eramaten.Bera ez dakit nola dagoen.Egia erran kanpotik eztu itxura txarrik,... Dios, ze ongi gelditu den nere mendiko bizikleta bere adar berriekin!!! Orain gauza bakarra gelditzen da: bueltaxka bat ematea!ongi segi!  2009/08/13 - 03:38:03

Aupa Astarloza!

Badago motiborik aurtengo Tour amaierako balorazioa "segidillan" beharrean "habanera"n egiteko! Bejondeizula Mikel!  2009/07/22 - 08:35:07

Eutsi goiari Ekhi!

Etxean eta Kantari nahi zattugu!  2009/07/01 - 20:02:04

Bertze bat artio Mixu!

Iazko urte bukaera tristea izan zen euskal kantagintzarentzat. Lenbizi Mikel Errazkinen utzi gintuen eta ondotik Mikel Laboa izan zen agur erran ziguna. bi euskal kantari, bi euskal artista... Urtea hala ere ezta hobe hasi.Mixu, Sustraiak taldeko abeslariaren ahotsa behin betiko ixildu bait zen. Sustraiak-ek oiloipurdia jartzeko moduko kanturik badu, dudarik gabe hau da bat...bihoa omenaldi gisara! Aupa Mixu! AMATTO (Sustraiak) Zure sabelak bizi emana Zure gorputzak gizon egina Zure bularrak altxatua Zure besoak gerizatua eta Zure amodioak maitatua Zure aholkuak gidatua Zure eskasak kolpatua Eta nere zainetan oraino zure odola dario Nere ohiuek atzarri zaituzte Oinaze ttikiek penatu Nere jakinahiek harritu zaituzte Ezaxolkeriek jostatu Baina zer diozu nere gizon biziazArro ote zire nere hitzez, egintzez Jakinen dut egun batez arro zinenezamodio bat zure alderat daukan gizakiaz Oh Amatto Oin fite zendako oin goizik zendako Oh amatto Oin fite zendako Gogoan zaitut betiko Adiorik ez!  2009/01/05 - 02:06:05

Etxearen kontura!

Krisiarekin gotti ta betti gabiltzan honetan, badaude, antza, orainik Euskal Herrian krisiaren eraginik sumatzen pare bat txoko.:Arraldeko Ostatuak. trago guziak "etxearen kontura" diren ostatu bakarrak. norbaitek ikusi du noizbait Boga Bogan, Sobian edo Tximista egoten den bertze taberna hortan zerbitzariak bezeroari tragoa kobratzen? Ta hala bada, zerbitzariak egun txarra zuen seinale, ezta posible bertzela... ala, ongi segi!  2008/12/11 - 13:34:04

Kantutik Doinura

Azken urte hauetan hameka kantu bihurtu dire bertso doinu.hortarako aski omen da belarri pixkot izatearekin. Kasu hontan Jon Maiaren belarri onak bihurtu du kantu hau bertso doinu.kantua ederra...doinua...neurri arraroa(dena erran behar bada) baina ederra ere!  2008/10/22 - 22:43:06

Urrezko kaiola

Blogean musika jartzeari gustua hartzen hasi naizen honetan, bertze kantu bat.Tigres del Norteren bertze "perla" bat. kaiolak, urrezkoa izanda ere, presondegi izaten darrai...ederra arrazoia!  2008/10/03 - 09:16:17

...lau gauzek izen bat dute ta gauza batek lau izen...

Gaur, Etxekalteren laguntzarekin,(aupa hi! bat zor dit!) kantak goitzen ikasi dutela eta estrenoz dago nere bloga.Udan zehar hameka saio itten ttugu euskaldunberriekin, barnetegira hamabortz egunez euskara ikasi eta praktikatzera etortzen diren euskaldun berriekin.Bertzetik Azaroan, iaz bezala Madrilera guazi hango euskaldunberri, euskaldun zahar...madrilgo "euskal fauna"ri bixita egin eta bertso saio bat egitera ta...gaurko haientzako...denek ere badute meritu ederra ta! gozatu, eta ongi segi!!  2008/09/21 - 23:56:03

Ilargi non zaude?

Gaur, utzi berri gaituen Mikel Errazkini omenaldi ttiki bat egin nahiean edo aspaldi xamar utzi gintuen kantu antologiko batekin heldu naiz. Esaidazu nere hilargi maitea; Zergatik da bizitza hain krudela? Behin baino gehiagotan bururatu zait, bizitzaren muga zeharkatzea. Inpernua ondo ezagutzen dut, pare bat aldiz bertan egon naiz! Satan partikularra daukat nik, gorputzetik desagertzen ez dena. Motibo baten bila nabil egunero. Larrosaren arantza barruraino sartua. Esaidazu nere hilargi maitea; heriotzaren hegian ikusi gara. Geru zu okerrago jarri zinen, ta inportantzirik ez nion nahi eman. Hasieratik onartu ezina zen, ta azkenaldi hontan konturatu naiz agian nere hilargia ez dela egongo eguzkia ateratzerakoan. Motibo baten bila nabil egunero. Larrosaren arantza barruraino sartua.  2008/09/05 - 21:26:05