Plaza berria.info.

Kirola, berria.info

Gaizka Solari azken agurra, Kalamuan

Eibar. Atxarten eskalatzen ari zela erori eta hil zen Gaizka Sola 29 urteko gaztea, apirilaren 24an. Eibarren jaio zen arren, Zarautzen bizi zen aspaldiko urteetan Sola. Eibarko Club Deportivok eta Zarauzko Pagoeta Mendi Taldeak antolatuta, azken agurra emango diote eskalatzaileari igandean bi herriotako mendizale, eskalatzaile eta lagunek. Kalamua mendian antolatu dute ekitaldia, 11:00etan, eta hara joateko 09:00etan irtengo da talde bat oinez Deportivo elkartearen egoitzaren aurretik. Bigarren talde bat Usartzatik abiatuko da Kalamuara, 10:00etan. Argazkian Gaizka Sola, Atxarteko 3. espoloian eskalatzen. berria  2008/05/16 - 01:01:01

BUZOIA

BuzoIa ############ Argitalpenak Desnivel 2008ko maiatza, 262. zenbakia. Simon Anthamatten alpinistari egindako elkarrizketa du ardatz Desnivel aldizkariaren azken aleak. Ueli Steckekin batera, Annapurnan da egunotan Anthamatten, baina denetariko jarduerak ditu gustuko: izotz eskalada, Alpeetako horma tenteak, lehiaketak... Pumari Chhish mendia, Cilindro de Marbore eta Pedrizako El Yelmo eskola ere luze eta zabal jorratu dituzte. Caminar 2008ko maiatza, 49. zenbakia. Riglosko mailoak dira Pirinioaurreko gune ezagunenetakoa, abentura kiroletarako paradisua. Uda gainean dela baliatu du Caminar aldizkariak kirol horien inguruan erreportaje luze eta zabala argitaratzeko. Kanadako Highway 93 ibilbidea, Formentera uhartea eta Zaragoza hiria bisitatzeko gonbita ere egiten dute. ...  2008/05/16 - 01:01:01

MARATILA. Abelardo

MaraTILa Badakigu zer gertatu zitzaion Abelardori. Historia calamitatum -en kondatzen baitu. Epistola hori 1132an idatzi zukeen, 53 urte zituela. Kastitatea ezin biziz, eta prostitutarik ez nahiz, ez ere astirik ukanez nobleziako eta burgesiako damen kortesatzeko, ideia bat ukan zuen. Parisen eskolak ematen zituen egoitzatik hurbil, bazen neska xarmant bat, Fulbert bere osaba kanonigoaren gerizapean bizi zena: Eloisa. Kultura handiko neska. Hori Abelardoren gustukoa zen. Eloisarengana -bere sekretuzko tirriarengana- heltzeko gisan lagunen harremanez baliatu zen. Osaba presentatu zioten. Lagunek errepikatu Fulberti Abelardok erran ziena: ostatu baten bila zebilela. Fulbertek, jakinez Abelardo filosofo handi eta gizon kastoaren egoera zein zen, proposatu zion ostatuko pentsionearen sariaren truke Eloisaren irakasle izan zedin. Laster «liburuak irekirik gelditu ziren... testua aztertzeko orde amodioa genuen bilatu elkarren begietan... ene eskuak gure liburuetan baino gehiago ziren Eloisaren titietan galdu...  2008/05/16 - 01:01:01

Maskotak sumenditik babestuz

Txile. Chaitan sumendia ezustean esnatu zen maiatzaren 2an, Txilen. Inor ohartarazi gabe, aintziren eskualdea kez eta errautsez estali zuen, eta inguruan bizi diren 7.000 pertsonak leku seguru batera eraman zituen Txileko gobernuak. 50 kilometroko segurtasun eremua jarri zuen. Pertsonen ihesaldiarekin, ordea, ehunka animalia bakarrik geratu ziren etxeetan, zaintzarik gabe. Segurtasun eremuak beste hiru hilabetez iraungo duenez, atzo maskota guzti horiek ere leku segurura eramatea agindu zuen Gobernuak. Armada, Aireko Indarra eta Polizia aritu dira lan horretan (argazkian).  2008/05/16 - 01:01:01

Hutsetik osotasunerako bidaia. Oteizak eta beste zenbait artistak sortzeko zeukaten suntsitu beharraz aritu da Joaquim Dols Donostian

Oteizak eta beste zenbait artistak sortzeko zeukaten suntsitu beharraz aritu da Joaquim Dols Donostian Donostia «Hutsa margotzean, isiltasuna konposatzean, sorkuntza lehertu egiten da». Oteizaren hutserako bidaiaz, historian izan diren pareko ahaleginez eta haren berezko jenialtasunaz aritu zen atzo Joaquim Dols Bartzelonako Unibertsitateko irakasle eta artean aditua. Oteizarengandik harago, isiltasuna hitzaldia eman zuen, Donostiako Koldo Mitxelena kulturunean, Jorge Oteizaren inguruko jardunaldietan. Sortzeko suntsitu egin behar denaren paradigma bilakatu zen Jorge Oteiza 1950eko eta 1960ko hamarkadetan. Ez zen artean ideia hori planteatzen zuen aurrena izan, ordea, eta Dolsek antzeko planteamendua zuten zenbait garai eta artistaren irudiekin sorkuntza bidaia bat egin zuen. 1420. eta 1660. urteen artekoa nabarmendu zuen: «Pintura ikonikoaren heriotza planteatu zen garai horretan. Margolanaren atzealdea margotzen saiatu ziren zenbait artista. Zuloak egiten zituzten pinturan eta kaxak sortu ziren. Zuloak, kaxak, gela beltzak... Zuloetatik begiratuz ameskizunen artea, irudikapenarena, beste aldean dagoenarena sortzen da...». ...  2008/05/16 - 01:01:01

Nazionalismo internazionalistaren defentsa. C. Ulises Moulinesen 'Manifestu nazionalista' eman du argitara Txalapartak

C. Ulises Moulinesen 'Manifestu nazionalista' eman du argitara Txalapartak Donostia «Nazionalismoa, bakoitzaren nazioa ez ezik, beste nazioen existentziaren eta garapenaren onarpena da. Ondorioz, nazionalismo internazionalista hegemonismoaren antagonikoa da». Iñaki Sotok historialariak idatzitako hitzak dira; C. Ulises Moulinesen Manifestu nazionalista liburuaren hitzaurrean egindakoak, liburuaren tesi garrantzitsuenetakoa azalarazten dutenak. Txalaparta argitaletxeak plazaratu berri du manifestua. Xalbador Garmendiak euskaratu du, eta Iñaki Soto bera izan da edizio arduraduna. Liburuak badu azpititulua ere: Are, separatista esango nioke, estutuz gero . Azpitituluaren nondik norakoa ere azaltzen du Sotok hitzaurrean: «Moulines ez da ausartzen nazio nagusiei aholkurik ematen, baina argi ikusten du etnia nagusian urtu edo bestela estatu propio bat eraiki, beste biderik ez zaigula geratzen». ...  2008/05/16 - 01:01:01

«Mendiak aberastu dit bizitza». Mende erdiko bidaien eta eskaladen lekukotza bildu du Daniel Bidaurretak 'Hombres, paisajes y montañas' liburuan. DANIEL BIDAURRETA . Mendizale eta idazlea

daniel bidaurreta Mendizale eta idazlea Mende erdiko bidaien eta eskaladen lekukotza bildu du Daniel Bidaurretak 'Hombres, paisajes y montañas' liburuan. Iruñea «Herriak, kulturak eta jendeak ezagutzeko bidea izan dut mendia, eta natura maitatzen eta miresten irakatsi dit. Mendiak aberastu du nire bizitza». Gogoetarako bide eman asmo duen esaldi horrekin laburbildu du Daniel Bidaurretak (Iruñea, 1938) mendiarekiko duen grina. Mende erdiko ibilian ezagututako txokoak, bizitako pasarteak eta abenturak hausnarketarako bide egin diote Bidaurretari, eta pentsamendu, amets, emozio eta bizipen horiek bildu ditu Hombres, paisajes y montañas liburuan. Irudia hitzari gailendu zaion garaiotan, abiadura izugarrian bizi den gizartean, bestelako patxada eta begiradarekin idatzitako liburua da. Izenburua nahiz edukia. Sua argitaletxearen bidez, soka berean uztartu ditu Bidaurretak bere pasioetako bi: mendia eta literatura. ...  2008/05/16 - 01:01:01

Edvard Munchek ez zuela 'Garrasia' obra 1893an egin jabetu dira

ARTEA Edvard Munch margolariaren Garrasia lan ezaguna 1893koa dela pentsatu izan da orain arte. Baina, 2004ko lapurretan jasandako kalteak konpontzen ari zirela, data hori okerra dela jabetu dira.  2008/05/16 - 01:01:01

Bihar jakingo da nor den Beterriko Liburua Aipamenaren irabazlea

LITERATURA Beterriko Liburua Ohorezko Literatur Aipamenaren irabazlea ezagutarazteko ekitaldia bihar eguerdian egingo da, Andoaingo (Gipuzkoa) Bastero Kulturgunean.  2008/05/16 - 01:01:01

Amilibiak eta Etxegaraik irabazi dute Izarraitzen. Bezperako euriteak tarteko, lokatz artean abiatu da mendiko lasterketen Euskadiko Kopa

Bezperako euriteak tarteko, lokatz artean abiatu da mendiko lasterketen Euskadiko Kopa Azpeitia Izarraizko maratoi erdiarekin abiatu zen igandean Euskal Mendizale Federazioak prestatutako mendi lasterketen Euskadiko Kopa. Azpeitiko Lagun Onak Mendi Bazkunak estreinakoz antolatu du aurten lasterketa, eta ibilbidearen berezko gogortasuna -3.300 metroko desnibela, 21 kilometrotan- bezperako euriteek areagotu zuten; bidean lokatza izan zuten lasterkariek eta irrist egiteko arriskua handitu zuen horrek. Nerea Amilibiak eta Fernando Etxegaraik irabazi zuten, eta sasoi betean direla berretsi zuten. Beste hiru lasterketek osatzen dute Kopa, eta Artzainen XIII. Lasterkaldia izango da bigarrena, Baigorrin, ekainaren 8an. Azpeitiko enparantzatik 293 lasterkari abiatu ziren. Ibilbidean Xoxote (905 m), Kakute (924 m) eta Erlo (1.026) zituzten aurretik; lehenengo 11 kilometroak, beraz, malda gora ia etengabean. Xoxotetik Didier Zago pasatu zen aurrena, Fernando Etxegarai eta Enekoitz Aizpuru atzetik zituela. Kakutera iristerako Etxegarai zen lasterketa buruan, Zago eta Zuhaitz Ezpeletaren aurretik. Erlo tontorretik pasatzean errepikatu egin zituzten lehenengo hiru postuak, baina beherakoan Ezpeletak Zago aurreratu zuen. Etxegarai alde handiz iritsi zen helmugara, eta haren atzetik bigarren sailkatu zen Ezpeleta. Zago eta Aizpuru izan ziren helmugaratzen hurrenak. ...  2008/05/16 - 01:01:01