Kirola berria.info.

Kirola, berria.info

Sardinian hasiko da argitzen Hirvonen zer egiteko gai den

Donostia Arraroa izaten ari da aurtengo Munduko Rally Txapelketa. Arraroa, itxura batean Sebastien Loeb (Citroen) frantziarra zelako txapelketa irabazteko faborito argia -eta bakarra-, eta bost proba jokatuta Mikko Hirvonen (Ford) finlandiarrarengandik bost puntura dagoelako. Eta arraroa, frantziarra azken urteotan izan ez duen zorte txarra edo akats sorta izaten ari delako. Bost proba jokatu dira orain arte, eta Loebek berak soilik irabazi du proba bat baino gehiago: hiru. Irabazi ez dituen bi probetan, ordea, ez du puntu bakar bat ere pilatu, bi istripuk eraginda. Gaurtik etzira bitartean jokatuko da Sardiniako Rallya, txapelketako seigarrena, eta Loebek, beste behin ere, lehen postua eskuratzeko aukera izango du. Baina ez du lan erraza izango, Hirvonen dotore ari baita frantziarraren hutsak baliatzen. Jordanian lortu zuen orain arteko garaipen bakarra, orain hiru aste, baina oso erregular ari da. Txapelketako lehen bi probetan bigarren amaitu zuen, eta emaitza horiei esker dago sailkapen buruan, 35 punturekin. Finlandiarrak badaki noiz estutu eta noiz eutsi, oso erregularra da, eta badirudi Ford etxeak aurkitu duela Gronholmen oinordekoa. Hala ere, Jari-Matti Latvala Fordeko bigarren pilotuak Suedian erakutsi zuen irabazlea dela, lur gainean oso azkarra dela, eta edozein momentutan onenen artera jauzi egin dezakeela. ...  2008/05/15 - 23:08:04

Sega denboraldiak liga erako txapelketa estreinatuko du. Nazioarteko eran jokatuko den lehiak sei jardunaldi izango ditu eta 39 segalarik parte hartuko dute

Nazioarteko eran jokatuko den lehiak sei jardunaldi izango ditu eta 39 segalarik parte hartuko dute Bilbo Asteburu honetan hasiko da sega denboraldia Euskal Herrian. Aurten, gainera, txapelketa berri bat jokatuko da, eta hori, hain zuzen ere, igandean hasiko da. Almitza Sega Elkarteak I. Sega Liga antolatu du. Nazioarteko eran jokatuko da lehiaketa eta sei jardunaldi izango ditu. Etziko lehen saio hori Zerainen jokatuko da (Gipuzkoa) eta 17:30ean hasiko da. Denera 39 segalarik eman dute izena, 29 gizonezkok eta hamar emakumezkok. Nazioarteko erako txapelketa izanik, sega librean ariko dira lehiakideak. Jardunaldi bakoitzean emakumezkoek 50 metro koadroko saila ebaki beharko dute, eta gizonezkoek, berriz, 100 metro koadrokoa. Epaileek txukuntasuna eta bizkortasuna neurtuko dituzte. Jardunaldiaren bukaeran puntuak banatuko dira segalarien artean eta puntu gehien batzen duenak jantziko du txapela. ...  2008/05/15 - 23:08:04

Bigarren Mailako finalerdia jokatuko dute gaur Arretxe II.ak eta Retegi Bik

Donostia Iker Arretxek eta Julen Retegik Bigarren Mailako Buruz Buruko Txapelketako finalerdia jokatuko dute gaur (18:30), Villamediana de Ireguan (Errioxa, Espainia). Partida irabazten duenak Pablo Urrizelkiren edo Iñaki Larralderen aurka jokatuko du Bigarren Mailako finala, hilaren 31n. Finalerdira iristeko, Arretxek Diaz eta Cabrerizo kanporatu behar izan ditu, eta Retegik, berriz, Apraiz eta Merino utzi ditu txapelketatik kanpo. Bi pilotariek hiru bider jokatu dute elkarren aurka buruz buru. Horietako bi Luzaidekoak irabazi zituen, eta bestea Eratsungoak. 2006ko buruz buruko finalerdian 22-10 irabazi zuen Arretxek, eta 2005eko lau t'erdiko final-laurdenetan ere 22-12 irabazi zuen. Retegik, berriz, urte bereko lau t'erdiko ligaxkan irabazi zion Arretxeri, estu-estu, 22-21. ...  2008/05/15 - 23:08:04

Azken trena . Rakocevic Pamesaren aurka jokatzeko moduan izango da gaur, Buesa Arenan, ACB Ligako final-laurdenetako lehen norgehiagokan.

Rakocevic Pamesaren aurka jokatzeko moduan izango da gaur, Buesa Arenan, ACB Ligako final-laurdenetako lehen norgehiagokan. Gasteiz Sasoi ilunaren ostean, tunelaren hondoan, argia ikusteko parada izango du gaurtik aurrera Tau Baskoniak. Denboraldi kaxkarra osatuta, ACBko titulua da gasteiztarrek denboraldia salbatzeko duten aukera bakarra. Horretarako, Pamesa gainditu beharko dute final-laurdenetan Spahijaren jokalariek. Kanporaketarik berdinduena izango da, laugarren eta bosgarren amaitu baitute bi taldeek. Zenbakietan ere antzekotasun handiak daude. Tau Baskoniak zein Pamesa Valentziak 22 partida irabazi eta 12 galdu dituzte fase erregularrean. Baskoniak kantxa faktorea alde izango du Katsikarisen taldearen kontra aritzeko. Itxaropenerako datua da, bi taldeek Gasteizen jokaturiko 21 partidetatik 18tan irabazi baitute etxekoek. Azkeneko talkan, gainera, erraztasun handiz irabazi zuten etxekoek. Valentziarrak nahiko gaizki aritu ziren Gasteizen, eta ederki egurtuta bueltatu ziren etxera (91-73). Titulua eskuratzeko kanporaketa batean ere garaipena arabarrentzat izan zen. 2001-02ko denboraldian, Ivanovicen agindupean, baskoniarrek 87-71 irabazi zuten. Orduan, Tomasevic (18 puntu eta 10 errebote) eta Scola (18 puntu eta 8 errebote) izan ziren etxeko jokalaririk onenak. Valentziarrak aho zabalik geratu ziren Serbiako pibotak erakutsitako mailarekin, eta hurrengo sasoian fitxatu egin zuten. ...  2008/05/15 - 23:08:04

«Zoratzen nengoke beste bospasei urtez Bigarren Mailan jokatzeko aukera izanez gero». Hirugarren Mailatik Bigarren Mailara jauzi egin zuen kolpetik espainiarrak udan, baina, azkar egokitu, eta oso ondo ari da jokatzen Eibarren. CARMELO YUSTE . Eibarko jokalaria

carmelo yuste Eibarko jokalaria Hirugarren Mailatik Bigarren Mailara jauzi egin zuen kolpetik espainiarrak udan, baina, azkar egokitu, eta oso ondo ari da jokatzen Eibarren. Donostia «20:00etan esan zidaten hurrengo egunean 10:00etan entrenamendua neukala. Azkenean, 01:00etan iritsi nintzen Eibarrera». Ezin esan daiteke Carmelo Yustek (Teruel, Espainia, 1984) Eibarren igaro zuen lehen eguna lasai-lasaia izan zenik. Korrika eta presaka iritsi zen, baina ordutik asko aldatu da egoera. Oso denboraldi ona egiten ari da euskarria, eta bera bezain gustura daude zaleak. 2009ra arte dauka kontratua, eta Bigarren Mailan ikasten jarraitu nahi du. Ezker oina minduta, behar bezala entrenatu ezinik... Zer moduz zaude? Iganderako osatzeko moduan izango zara? ...  2008/05/15 - 23:08:04

Jokatzen hasi orduko, akabo denboraldia. Hugo Vianak lehen aldiz joka dezake hasieratik Ligan Osasunarekin, etzi, sasoiko azken partidan

Hugo Vianak lehen aldiz joka dezake hasieratik Ligan Osasunarekin, etzi, sasoiko azken partidan Iruñea Raul Garcia Atletico Madrili hamabi milioi euroren truke saldu eta gero iritsi zen Osasunara Hugo Viana (Barcelos, Portugal, 1983). Argi dago Zizurkoa ordezkatzea lan zaila zela edozeinentzat, baina Valentziako jokalari ohia aurkeztu zutenean ez zirudien apustu txarra: Portugalgo selekzioarekin munduko bi kopa jokatutako erdilari bat fitxatu zuten gorritxoek, eta Lisboako Sportingen, Newcastlen eta Valentzian aritu ostean, Osasunaren eskaintza onartzea arrakasta bila eginiko atzerapausotzat ere jo zitekeen. Eurokopa zuen buruan Hugo Vianak erabakia hartu zuenean. Osasunan Valentzian baino jokatzeko aukera gehiago izango zuela pentsatu zuen. «Erabakitzeko bost minutu nahikoak izan nituen», esan zuen bere aurkezpenean. Errealitatea, ordea, oso bestelakoa izan da. ...  2008/05/15 - 23:08:04

Berotan, ezetz dio. Alan Perez bigarren, Priamok irabazitako etapan; tropela asko atzeratu denez, Visconti da lider berria

Alan Perez bigarren, Priamok irabazitako etapan; tropela asko atzeratu denez, Visconti da lider berria Burua ezkerrera eta eskuinera mugitzen ari zela helmugaratu zen Alan Perez (Euskaltel-Euskadi) atzo Peschicin, Adriatiko itsasoko bazter eder bezain argitsu batean. Ezezko keinua egiten ari zen. Bere buruari ezetz, ezin zitekeela hala izan esaten zion momentu horretan. Izan ere, Giroan eta antzeko lasterketetan garaipena hain gertu eduki eta azkenean bigarren izatea... Gogorra eta etsigarria behar du. Horregatik, berotan, azken pedalkadak ematerakoan, behin eta berriro ezetz zioen Zurukuaingo (Nafarroa) txirrindulariak. Hotzean pentsatzen hasten denean, baina, aldartea aldatuko zaio, ziurrenik. «Lasterketa bukatzearekin eta etaparen batean bazterrak nahastearekin konformatuko nintzateke», adierazi zuen Giroa hasi baino lehenago. Beraz, bere buruari jarritako erronka bete duela konturatuko da; sobera bete duela, gainera. Hori bai, berotan ezetz. Ezetz, ihesaldi luze batean sartu, helmugara beste batekin bakarrik heldu, eta lanari erremate egokiena emateko gai izan ez zelako. Matteo Priamo (CSF ...  2008/05/15 - 23:08:04

Lanaren uzta biltzeko garaia da Lizarran. EHF Kopako finaleko lehen partidaren atarian, azken urteotan taldeko kide guztiek egin duten lanaren garrantzia azpimarratu dute Itxakoko arduradunek; uzta biltzeko garaia dela.

EHF Kopako finaleko lehen partidaren atarian, azken urteotan taldeko kide guztiek egin duten lanaren garrantzia azpimarratu dute Itxakoko arduradunek; uzta biltzeko garaia dela. Lizarra Giro berezia dago Itxakok Lizarran duen egoitzan, kiroldegitik gertu. Jendea sartu eta atera dabil. Taldeko ordezkari Roberto Zabalak Itxakoko elastiko bana du bi eskuetan. Kezkatuta dago. Taldeak Txapeldunen Liga jokatuko du hurrengo denboraldian, eta ez du argi Europako Eskubaloi Federazioaren logotipoa mahukan sartuko ote den. «Eginen dugu zerbait». Halako kezkak txiki gelditzen dira Itxakok egin duen sasoiak sortu duen pozaren aldean. Eta sasoia ez da oraindik amaitu: Europa gelditzen da, EHF Kopako finala. Azken 25 urteotan Raul Urriza izan da Itxakoko presidente. Dimisioa eman zuen duela hilabete, eta Miguel Bujandak hartu du ardura bere esku, behin-behinekoz, hauteskundeak egin arte. Hura izanen da hautagai bakarra. Urriza eta Bujanda ez dira Errusian izanen bihar. Etxean geldituko dira, kadeteen taldeko neskek partida dutelako. ...  2008/05/15 - 23:08:04

GUADALUPETIK. 'Footing' egiten dutenak

GuaDaLuPeTIK Quick Stepeko txirrindularia Giovanni Visconti taldekidea ez zegoen bere onenean. Giroa Sizilian hasi genuen, eta bera hangoa izanda, etapen lehian sartu nahi zuen. Ito egin zela uste dut. Zaleen oihuak, familiaren presioa... Gauzak hain ondo egin nahi zituen... Blokeatuta bezala zegoen, eta bera animatzen saiatu gara taldekideok. Eta lortu dugula iruditzen zait. Atzo, adibidez, ihesaldian sartzeko esaten nion. Eta hark ezetz. Ni baietz, hura animatu nahian. Azkenean, aldapa behera nirekin eraman dut eta aurrekoekin bat egitea lortu du. Gainera, orain berea da maglia arrosa, eta handia da hori italiar batentzako. Atzo esan nuen, inork ez zuela hartu nahi, baina esan nuen, halaber, guri berdin zitzaigula, gustura hartuko genuela. Izan ere, bai, lan egingo dugu, baina hori ere erlatiboa dela uste dut. Maglia defendatuko dugu, baina egoera nahiko erosoa da guretzako, aldeak handi samarrak dira eta. ...  2008/05/15 - 23:08:04

Esker onez doala esan du Aranzubiak, eta balorazio ona egin du

ATHLETIC Hamalau urte Athleticen egin eta gero, badoa Dani Aranzubia. Atzo Lezaman egindako prentsaurrekoa agur garbia izan zen, eta «esker onez» doala esan zuen. Gainera, hamalau urte hauetan «gauza onak txarrak baino gehiago» izan direla nabarmendu nahi izan zuen.  2008/05/15 - 23:08:04