Dantzan.com blog komunitatea

Dantzan.com

Hartza, joaldunak eta kaskarotak

 2012/02/01 - 15:00:04

Erantzuna

Atzo jaso nuen erantzuna. Askok jakingo dute jadanik, beste askok zoro nabilela pentsauko dute. Zeresana daukaten gauzei zeresana bilatzea lan gehiegi da. Zeresana ez duten gauzei ez zaie zeresana bilatu behar. Zeresana ez duten gauzekin ikuskizun handiagoa lortu daitekeela uste dugu. Zeresana duten eta ez duten gauzen arteko lana ez du jendeak baloratzen. Horra hor kulturaren bazterketaren eta coolturaren arrakastaren dilemaren erantzuna. Eta batzuk konortea galtzeko moduko diru kopuruetan murgildurik dantzaren duintasuna alkandora beltzez jantzita demostratzen diguten bitartean, dantzan.com itxita jarraitzen du, diru laguntzik gabe. Oso ongi.  2012/01/29 - 15:53:05

mariofanclub

MarioFanClub gune berri bat eskaintzen dituen 100 joko Mario irudia da.  2012/01/20 - 18:45:01

Tradizioa eta abangoardia: Raices, zelako sustraiak!

 2011/12/22 - 18:06:28

Ezpalak 2011. Eibarko emanaldiaren kronika

 2011/12/22 - 16:07:01

Ezpalak 2011. Iruñeko emanaldiaren kronika

 2011/12/22 - 16:07:01

Koko-jantzien erakusketa Armagintza Museoan

Bihar inauguratuko dugu Eibarko Armagintza Museoan Koko-dantzen inguruko erakusketa. Poliki-poliki Portalea Kultur Etxeko bosgarren solairura igotzen ari dira koko-dantzari eta koko-marruak, eta mamarru, burburixo, masusta eta aixerixak beren tokia hartzen dira Museoan. Abenduaren 15etik urtarrilaren 27ra irekita izango da erakusketa, museoaren ohiko ordutegian, hau da, asteazkenetik larunbatera, 16:00etatik 20:00etara, eta igandetan goizeko 10:00etatik 13:00etara. Koko-marruak: Koko-jantzien erakusketa - Tokia: Eibarko Armagintzaren Museoa - Irekiera: 2011ko abenduak 15, osteguna, 19:00etan  2011/12/14 - 18:14:01

MORRIS DANTZA BAT GOIERRIERAZ

 2011/12/12 - 00:37:04

Uda aldean, Eskiroz-en

Urtaro eta laurden pasa zaigu dagoeneko Eskiroz-en (Abuztuaren 21ean) dantza egin genuenetik. Donostiko hiri-autobusak bezala, bihar eta berandu, gu ere! Montrejeaux-eko bidaitik heldu eta berehala genuen hitzordua Iruñea ondoko herrian, eta udako bero-sapa egun horietakoa gertatu zitzaigun hura. Eskerrak gero hodei zeinbait sartu eta eguna epeldu egin zen, gu dantzan hasterako. Gipuzkoako zenbait dantza, Durangaldeko erregelak eta jota eta porrue, Otsagabiko dantzak, Axuri-beltza, Iribasko ingurutxoa eta Zuberoko maskaradetako dantzak egin genituen. Hona hemen emanaldiko zenbait argazki: - Veronica Ferreirak ateratako argazki sorta osoa hemen  2011/12/09 - 10:36:03

Arrateko Amaren dantzak: 2011ko argazki-kronika

Ba horrelaxe, taldeko argazki ofizialarekin hasiko dugu 2011ko Arrateko egunaren kronika hau. Ezkerretik hasita, 1. lerroan: Anartz Fernandez, Joseba Aranzabal, Aiert Ibarbia, Aritz Iglesias, Josu Garate, Claude Iruretagoiena, Jon Iruretagoiena, Irati Kortabitarte, Oier Araolaza. 2. lerroan: Endika Arrillaga, Eire Vila, Mikel Goitia, Luken Aranburu, Jexux Larrea, Roberto Altzerreka, Lourdes Odriozola, Eneritz Ganboa, Ainhoa Larrañaga eta Irati Gabirondo. 3. lerroan: Egoitz Blanco, Cristina Conde, Hiart Zugasti, Malen Ulazia, Jon Barruetabeña, Irati Carballo, Izaskun Alberdi, Jone Azkarate, Jone Lahidalga, Maialen Bergara, Amaia Rodriguez eta Olaia Gabirondo. 4. lerroan: Oihane Llorente, Unai Txurruka, Ekhi Zugasti, Esther Kareaga, Oier Ibarbbia, Harkaitz Urreta, Jael Lizundia, Jon Lizarralde, Abel Iriondo eta Enrike Izagirre. Berrogei eta bat dantzari Arrateko amaren ezpata-dantza eta trokeo-dantzak egiteko prest, eta zerua urdin, zer gehiago eska daiteke? Eta segidan, Arrateko elizaren aurrean, aurtengo gonbidatu berezien argazkia: Jon Iruretagoiena, Claude Iruretagoiena eta Aritz Iglesias. Urteroko galdera, zeintzuk sartzen dira elizara, barrukoak ala kanpokoak? Alegia, ezpata-dantza osatzen duten lau lerroetatik bi bakarrik sartzen direla elizara, eta txandaka izaten dela, baina aurreko urtean zeintzuk sartu ziren gogoratzeko orduan ez da adostasunik izaten... Urtetik urtera lerroz aldatzen direnak eta inork baino zarata gehiago ateratzen dutenak kontuan hartu gabe. Hori ere aktan apuntatzen hasi beharko gara, ze bestela halako batean ezpata-jokoa arriskutsua bihurtu daiteke. Prozesioan Claude Iruretagoiena talde buru joan zen, buruzagi makilarekin taldearen joan-etorriak gidatzen. Atzean, Ama Birjinaren alboan azkendariak: Jon Iruretagoiena eta Aritz Iglesias, eta beraiekin Irati Kortabitarte eta Aiert Ibarbia. Prozesioan, kurutzera bidean, ezpata luzeekin aritzen den dantzarien tropa. Prozesio bukaeran, Ama Birjina elizara erretiratzera doan unean, ezpata-dantza egiten zaio berriz. Hor jendetza pilatzen da eta hor izaten dira estuasunak batzuk ikusteko eta besteak dantza egin ahal izateko, toki egokia hartu nahian. Arrateko zelaiko bai floridadia... Handixek gora dago zerura bidia... Ezpata-dantzaren ondoren trokeo-dantzak Arrateko zelaian. Claude Iruretagoienak ireki zuen plaza, makila-txikienako buruzagi zortzikoa dantzatuz. Jon Iruretagoiena, makila-handien trokeo-dantzan buruzagi zortzikoa dantzatzen. Aritz Iglesias, brokel-makilenari begira, bere buruzagi zortzikoa dantzatuta. Hortik aurrerakoak "sare sozialetan"... Mila esker Arrateko dantzarien kofradiako kide guztiei, eta datorren urterarte (larunbatez!!). Hemen Iñaki Zugastik eta Felipe Loiolaren argazki sorta  2011/12/07 - 19:58:07