Beizama, Urola-kostako hitza

Hitzako albiste zerrenda beizama

Patxi Otaegik Hondarribiako ardi gazta lehian hirugarren egin du

Hondarribiako IX. Ardi Gazta Txapelketa jokatu zuten herenegun. Patxi Otaegi beizamarraren gaztak hirugarren saria irabazi zuen bertan. Txapela, berriz, Idiazabalgo Aranburu Elkarteak eskuratu zuen, eta bigarren postuan Olaberriako Aizpea gaztandegia gelditu zen. Beizamarrak garaikurra eta 100 euro jaso zituen sari gisa. Aranburu Elkarteak 341 puntu lortu zituen, Aizpea gaztandegiak 300 puntu, eta Patxi Otaegik, berriz, 296. Epaimahaia, besteak beste, Idiazabal Jatorri Izendapena elkarteko kide batzuk, Hondarribiako Udaleko Nekazaritza zinegotziak, Hondarribiako Abarka jatetxekoek, Higer Merkatarien Elkarteko kideak eta hainbat kazetarik osatu zuten. ... 2010/10/18 - 23:30:04

Asteartean San Lorentzo eguna ospatuko da

2010/08/07 - 23:18:01

2009ko udal aurrekontuak «berehala» onartuko dituzte

Urtea bukatzeko hiru hilabete eskas falta diren arren, Beizamako Udalak oraindik ez ditu 2009ko aurrekontuak onartu. Dena dela, «berehala» onartuko dituztela eta laster aurten aurreikusitako inbertsioekin hasiko direla adierazi du Begoña Garmendia alkateordeak. Udal Gobernuak otsailean ekin zion aurrekontuak aztertzeari, eta apirilerako behin-behinekoz onartu zituen. Ezusteko bi gertakarik, ordea, behin betikoz onartu eta abian jartzea eragotzi zieten: batetik, pertsonal gastuak eta bestetik, ur-sarea berritzeko gastuak. Ezusteko gastuak Bezaimako Udaleko bi udal langilek baja hartu dute urtean zehar; bata ekainean bukatu zen eta bestea irailean. «Gure langile kopurua oso murritza da: idazkari bat lanaldi erdian, administrari bat eta herri lanetarako langile bat lanaldi erdira. Urtearen lehen sei hilabetetan bi soldata gehiago ordaindu behar izan ditugu. Ondorioz, Foru Aldunditik datozen diru sarreraren zati garrantzitsuena, %75 inguru, pertsonalean gastatu genuen», azaldu du Garmendiak. ... 2010/05/10 - 23:14:01

Udaletxean eta Natur Eskolan berotze-sistema ekologikoa jarriko dute

Beizamako Udalak 19.560 euroko diru-laguntza eskatu dio Espainiako Gobernuari, Udal eraikinak energia berriztagarrien erabilerara moldatzeko. Estatuko Funtsa deritzon diru-laguntzarekin, udaletxean, eta Natur Eskolaren eta Haur Eskolaren eraikinetan pellet bidezko berotze-sistema ezarriko dute. Eraikinak berotzeaz gain, instalazioetarako ur beroa ere lortuko dute, komunetarako, dutxetarako, eta abar. Oraindik datak eta epeak zehazteko badaude ere, Udalaren asmoa proiektua aurtengo lehen sehilekoan egitea da. Sistema ekologikoagoa Egurrezko pelleta erregai ekologikoa da: egur hondakinak prentsatzetik lortzen diren zilindro txikiak dira, hain zuzen. Horiek erretzean atmosferara isurtzen den CO2 kopurua zuhaitzak haztean jaso duen kopuru bera da. Tonaka CO2 isurtzea ekiditen da eta prozesua beste edozein sistema baino ekologikoagoa eta garbiagoa da. ... 2010/05/10 - 23:14:01

Ostatu-Zaharra kudeatzeko proposamen epea zabaldu dute

Beizamako Ostatu Zahar taberna-jatetxea kudeatuko duen norbaiten bila dabil Udala. Horretarako, joan den ostiraleko udalbatzarrean haren ustiaketa araututzeko baldintza ekonomiko eta administratiboak onartu zituzten; ikusgai daude orain Gipuzkoako Aldizkari Ofizialean. Hori hala, interesa dutenek datorren otsailaren 5a bitartean aukeztu ahalko dituzte proposamenak eta proiektuak ,eta Udalak jardunbide negoziatu bidez (elkarrizketak medio) esleituko du jatetxearen ardura. Baldintza nagusiak Udalak aukeratzen duenak taberna eta jatetxearen funtzionamenduaz arduratuko da. Era berean, aukera izango du taberna gaineko etxebizitza erabiltzeko, baita aterpetxea ustiatzeko ere. Bestalde, eraikina garbitzeaz ere arduratu beharko du esleipendunak. ... 2010/05/10 - 23:14:01

Mokadutxoa eskainiko dute bihar gau aldean ostatuko jabe berriek

Beizamako Ostatu Zahar taberna itxita egon da azken hilabeteotan, arduradunik ez zuelako. Baina,ostiralean zabalduko ditu berriz ateak herriko tabernak, familia batek hartuko baitu hura kudeatzeko ardura. Tabernako eta jatetxeko martxa normala larunbatean hartuko badute ere, bihar arratsaldean, 20:00ak aldera, mokadutxoa eskainiko diete herritarrei eta gerturatzen diren guztiei. Jose Luis Ugartemendia, haren emazte Idoia Urtuzaga eta alaba Janire dira Ostatuko taberna eta jatetxeaz arduratuko direnak. 2010/05/10 - 23:14:01

Ostatu Zaharra zabalik da berriz

Beizamako Ostatu Zaharrak sarriegi aldatu du jabez azken boladan, eta itxita egon da taberna azken asteotan. Baina joan den martxoaren 12an zabaldu zituen berriro ateak jatetxeak, hiru aurpegi berrirekin. Jose Luis Ugartemendia eta Idoia Urtuzaga senar-emazteak eta bikotearen alaba Janire ariko dira aurrerantzean, bezeroekin batera, Ostatu Zaharri bizia emanez. Txantxatik egiara Euren arteko txantxa moduan hasi zen Beizamara joateko ideia. «Hartuko al dugu?». Bromatako galdera hark, ordea, izaera serioagoa hartu zuen euren ingurukoek animatzen zituztela ikustean. Jose Luis obran jarduten da lanean, «lana dagoenean behintzat, ze badakizu nola dauden gauzak. Beraz, aste bitartean obrako lanaren arabera ibiliko naiz eta asteburuan hemen egongo naiz». ... 2010/03/20 - 01:10:02

Mokadutxoa eskainiko dute bihar gau aldean ostatuko jabe berriek

Udaletxean eta Natur Eskolan berotze-sistema ekologikoa jarriko dute

Artzaintza atzo, gaur eta bihar

rtzaintza afiziotzat eta ofiziotzat izan du Oinzabal baserriko Inazio Belokik (Beizama, 1924) bere bizitzan. Alboan izan du ia 50 urtean Jesusa Galarraga (Larraul, 1933) emaztea, duela urte batzuk arte etxeko ardien esnearekin gazta egiteaz arduratzen zena. Igande honetan Legazpin egingo den XX. Artzain Egunean omendu egingo dituzte, hainbeste urtean artzaintzan aritzeagatik. «Artzain onagatik baino gehiago, zahartzeagatik ematen omen dute sari hau baina, tira, gustura hartu beharko da», dio Belokik. Batagatik ala besteagatik, ez du meritu makala urtez urte hirureundik gora ardi gobernatzeak. ... 2010/01/27 - 03:17:01

Iturriak