Aizarnazabal, Urola-kostako hitza
Hitzako albiste zerrenda aizarnazabal
Sanmieletarako jai batzordea sortu nahi dute
2008/05/13 - 00:37:03
'Artia' bidean da
Orain arte artia hitza entzundakoan gehienei izen berdineko zuhaitza etorriko litzaieke gogora. Baina ekainetik aurrera aizarnazabaldarrentzat hori aldatu egingo da, Artia izeneko herri aldizkaria argitaratuko baitute lehenengo aldiz. Zenbait herritako biztanleentzat herriko kontuak biltzen dituen aldizkaria hamabostero edo hilero etxeko postontzian jasotzea ohikoa da. Baina, eskualdean badaude zerbitzu hori ez duten herriak ere. Egoera zertxobait aldatu nahian, Aizarnazabalgo herritar talde batek, herri aldizkaria sortzea erabaki du. Aldizkariaren sortzaileetako bat, Mikel Aiertza, egitasmoaren sustraiei buruz hizketan jardun da. «Aspalditik nabaritzen genuen herritarrek herri aldizkari baten falta. Orain arte Udalak hilero etxe guztietara banatzen zuen Zer berri Aizarnazabalen orri informatiboa izaten zen Udalak herritarrekin komunikatzeko zuen bide bakarra. Baina herri informazioa zabaltzeko beste bide bat ezinbestekoa zela uste genuen. Herriko kontuak, herritarrei elkarrizketak, auzoetako berriak... jakiteko aukerarik ez baikenuen». ... 2008/05/13 - 00:37:03
Gaur egun osoko egitaraua Mikel Txiki jaia ospatzeko
Urtero bezala, aurten ere maiatzaren 8ak ekarri ditu Aizarnazabalera jaiak. Izan ere, gaur ospatuko dute aizarnazabaldarrak Mikel Txiki Eguna. Aurtengoan asteguna tokatu denez, egun bakarreko festa izango da. Hala ere, ekitaldi ugari antolatu dute. Goiz parterako, Aizarnazabalgo Eskolak Arroa, Oikia, Aizarna eta Aizarnazabalgo ikasleen arteko Eskolarteko Kirol Txapelketa prestatu du. Txikienek hurrengo kiroletan parte hartzeko aukera izango dute: esku pilota, pala, xakea, damak eta lasterketak. Eguardian bazkaria izango dute eta 14:30ean, bazkalostean, LHko 5. eta 6. mailetako finalak jokatuko dituzte. HHkoen lokots bilketa eta lasterketa probak ere orduan egingo dira. Horretaz gain, kirol txapelketari amaiera emateko, sariak banatuko egingo da. Ondoren, 16:00etan, antolatzaileek parte-hartzaile guztientzako askaria edo merienda prestatuko dute; jarraian, haurrek buruhandietatik iheska herrian zehar ibiltzeko aukera izango dute. ... 2008/05/07 - 23:24:04
Traste zaharrak edonoiz ateratzea debekatu dute
2008/05/06 - 00:54:02
Herri aldizkaria sortzeko asmoa dute herritarrek
Aizarnazabalgo Udaleko Kultura Sailak adierazi duenez, herri informazioa jasoko duen aldizkari bat argitaratu nahi du herritar talde batek uda aurretik. Argitalpenean herriari dagozkion hainbat gai jorratuko dira, hamaika ikuspuntutatik. Hori dela eta, nahi dutenek bertan parte har dezaten zenbait aukera planteatu dituzte sortzaileek. Horretarako idatziak, proposamenak, kritikak, eta beste hainbeste artiaaldizkaria @hotmail.com helbidera bidali beharko dira. Inkestaren atalean herritarrek Zer behar ikusten duzu herrian? galderari erantzutea ere gustatuko litzaieke, helbide berean. Erantzunak anonimoak izan daitezke, baina sexua eta adina zehaztea ezinbestekoa da, ondorioak atera ahal izateko. 2008/05/06 - 00:43:11
Udalekuetako begirale izateko aukera zabalik
2008/05/02 - 23:55:03
Kirol Elkarteak txirrindulari irteera antolatu du bihar
2008/04/19 - 00:17:05
Aizkorrira irteera antolatu du kirol elkarteak
2008/02/19 - 00:10:29
Lehen aldiz jokatuko dute Emakumeen Pala Txapelketa
Martxoko lehenengo larunbatean emango zaio hasiera Emakumezkoen Pala Txapelketari. Iazko urte bukaeran abian jarri zen Kirol Elkarteak antolatutako emakumezkoen lehenengo pala txapelketa da. Urte asko da Aizarnazabalen horrelako txapelketarik egiten ez dela. Izena emateko epea astelehenean amaitzen den arren, dagoeneko 9 bikotek eman dute izena. Horietatik 8 Aizarnazabalgoak dira eta bederatzigarrena, berriz, Zestoakoa. Dena dela, oraindik ere bikote gehiagok eman dezakete izena. Bikote kopuruaren arabera, sistema alda daitekeen arren, ziur asko bi talde egingo dituzte. Talde bakoitzeko lehenengo biak finalerdietara pasako dira. Ondoren, horietako irabazleak finala jokatuko dute. Partidak 22 tantotara izango dira eta teniseko pilotekin jokatuko dute. Partidak larunbatetan Partidak larunbat arratsaldetan jokatuko dira. Hala ere, larunbat batean bikoteren batek ezin izango balu jokatu, aurkariekin hitz egin eta aste horretako edozein egunetan joka dezakete. Baina beti ere aste horretan izan behar du, bestela partida hori galdutzat emango baitzaie. «Mutilen txapelketan horrela egin dugu eta egokia iruditzen zaigu», adierazi du Iñaki Gabarainek, antolatzaileetako batek. «Bestela, partidak jokatu gabe atzeratzen joaten dira, eta hori ez da komenigarria. Behin txapelketa bat antolatuz gero, arau batzuek jarri behar dira», adierazi du Gabarainek. ... 2008/02/16 - 02:31:40
Kopistegi zerbitzuen tarifak zehaztu dituzte
2008/02/12 - 01:56:07
