Azpeitia, Urola-kostako hitza
Hitzako albiste zerrenda azpeitia
Kadeteen txirrindulari lasterketa da gaur
Kadete mailako Azpeitia Saria txirrindulari lasterketa izango da gaur, 16:00etan, herriko plazatik abiatuta. Azpeitiko Lagun Onak Txirrindulari Elkarteko Lan Mobel taldeko txirrindulariek ere hartuko dute parte proban. Txirrindulari gazteek 48 kilometroko ibilbidea egin beharko dute. Azpeitia, Loiola, Landeta, Zestoa, Iraeta, Aizarnazabal, Oikia, Zestoa eta Azpeitia itzulia egingo dute. 2010/03/13 - 01:39:02
EAJk hileko bilera egingo du martxoaren 16an
2010/03/13 - 01:39:02
Gazteria Sailak Pazko Asterako ekimenak antolatu ditu
Bost eta hamazazpi urte bitartekoentzat hainbat ekitaldi antolatu du Gazteria Sailak Pazko Astean, hau da apirilaren 6tik 9ra. Haurrentzako eta gazteentzako programetan izena emateko epea astelehenean zabalduko dute. Haur Hezkuntzako 5. mailatik Lehen Hezkuntzako 3. mailara artekoek elkarrekin egingo dituzte ekimenak. Besteak beste, jolasak, eskulanak, Txiki Parkerako egun-pasa egingo dituzte eta Altxorraren bila ariko dira. Lehen Hezkuntzako 4. mailatik 6.era artekoek ere elkarrekin jardungo dute; horiek fimo tailerra, bizikleta irteera, Beigorra Abentura parkera egun-pasa eta Altxorraren bila egingo dituzte. Haur horiek programan parte hartzeko izena ludoteketan eman beharko dute. Izena emateko azken eguna martxoaren 18a da. Ludoteketako bazkide direnek hamabi euro eta gainontzekoek hamabost euro ordaindu beharko dituzte. ... 2010/03/13 - 01:39:02
Jose Ramon Larrañagak irabazi du sokamuturreko argazki lehiaketa
Aurtengo Inauterietako sokamuturrari buruzko XXX. Juan Antxieta Argazki Lehiaketako irudi onena Jose Ramon Larrañaga azpeitiarrarena izan da. Horren atzetik, bigarren, Juan Mari Amenabar Otola gelditu da. Inauterietako festa giroari buruzko Altzarte Saria ere Amenabarrek jasoko du. Argazki lehiaketako sariak gaur banatuko dituzte, 12:00etan, Betharrametan. Aldi berean, lehiaketako argazki erakusketa zabalduko dute Azpeitiko Argazki Elkartekoek. Parte-hartzea gora Juan Antxieta Argazki Lehiaketako sokamuturrari buruzko lehiaketan 21 lagunek hartu dute parte, eta sokamuturrari buruzko 102 irudi aurkeztu dituzte lehiaketara. Inauterietako festa giroaz, berriz, 21 argazki jaso dituzte Azpeitiko Argazki Elkartean. Lehiaketako antolatzaileek azaldu dutenez, «gero eta argazkizale gehiagok hartzen du parte lehiaketan». ... 2010/03/13 - 01:39:02
Ikasberriren zozketako sarituak
2010/03/13 - 01:39:02
Sanjosetako Trikiti Jaialdian Azpeitiko trikitilariak omenduko dituzte
Azpeitiak herri gutuna jaso zueneko 700. urteurrena da aurten. Mendeurrena gogorarazteko ekitaldien baitan antolatu dute aurtengo sanjosetako Trikiti Jaialdia ere. Ekimena lantzen hasi eta «izugarrizko altxorra» aurkitu dute antolatzaileek; hala dio Euskal Herriko Trikitixa Elkarteko eta Urolako lan taldeko kide Josu Arrizabalaga Izer-k . Azpeitiko gaur egungo eta garai bateko soinu eta pandero-jotzaileen bila hasi, eta 36 lagunen izenak bildu dituzte. «Azpeitiko trikitilariak omendu nahi ditu aurtengo Sanjosetako Trikiti Jaialdian eta aurreneko lana izenak biltzen hastea zen». Helburu horrekin ekin zioten inguruko trikitilariei galdezka: Lajari, Landakandari, Epelderi, Iturbideri, Zendoiari... ... 2010/03/12 - 00:34:03
Baigerakoek sagardotegira irteera antolatu dute
2010/03/12 - 00:34:03
Betagarrik kontzertua emango du bihar, plazan
2010/03/12 - 00:34:03
Kontsumitzaile taldea sortzeko asmoz hitzaldia antolatu dute gaurko
Azpeitian kontsumo taldea jarri nahi dute martxan . Horren harira, hitzaldia antolatu du Biolurrek gaurko. Solasaldia 18:30ean izango da, Sindikatu Zaharrean. «Dagoeneko Azpeitia eta inguruko baserritarrak ekimenean parte hartzeko prest daude, eta orain kontsumitzaileen txanda da», adierazi dute hitzaldiaren antolatzaileek. Nekazaritza ekologikoaren eta kontsumo taldeen inguruan hitz egingo dute, eta martxan dauden beste kontsumo talde batzuk aurkeztuko dituzte: Arrasateko Askasibar eta Usurbiltzen. Azpeitiko kontsumo taldean parte hartzeko prest dauden baserritarrak ere bertan izango dira. ... 2010/03/12 - 00:34:03
45 lagun izan da bizikleta irteeran
2010/03/11 - 01:24:03
