Amara Berri, Irutxuloko hitza
hitzako albiste zerrenda amara berri
Olinpiar Jokoetan egoteko aukera gutxi du Eizmendik
Isabel Eizmendi maratoilariak Olinpiar Jokoetan egoteko aukera gutxi du. Padovako ¬Italia¬ maratoian aritu zen Amarako maratoilaria. Helburua 2:32:00 egitea zen, alegia Olinpiar Jokoetan egoteko beharrezko duen gutxieneko marka. Padovan 24. kilometroan maratoia bertan behera utzi behar izan zuen Eizmendik. Belaunean mina zuen amaratarrak eta aurrera ezin zuela egin ikusita lasterketa bertan behera uztea erabaki zuen. Olinpiar Jokoak, urrun Orain bi aste Rotterdameko maratoian izan zen Eizmendi. Gutxieneko marka lortzeko helburu bakarrarekin joan zen amaratarra baina proba erdian, Padovan bezalaxe, maratoia bertan behera utzi behar izan zuen. Ekainaren 20a baino lehen lortu behar du marka Eizmendik, horrela ez bada Olinpiar Jokoetatik kanpo geratuko da. Blanc i blau klubeko kirol zuzendariak adierazi duenaren arabera, «oraintxe garrantzitsuena osatzeaz gain, maiatzean egokia izan daitekeen maratoia korritzea da. Baina oraindik ez dakigu zer egingo duen. Maratoi erdian aritzeko oso indartsu dabil Eizmendi baina maratoi osoan larri dabil. Hainbat lesio izan ditu aurten eta horrek, tamalez, atzeratu egin du honezkero izan behar zuen prestaketa». ... 2008/04/28 - 23:08:03
Elisabeth Eidenbenz, erbesteratuen heroia
Elna isla baketsu bat izan zen txikizioa eta hondamenaren ozeanoaren erdian». Horrela gogoratzen du Elisabeth Eidenbenzek Elnako amaetxea. Eidenbenz suitzar gazteak Gerra Zibiletik ihes egin zuten ia 600 haur salbatu zituen Perpignan ondoan sortu zuen amaetxean. Elnako amaetxearen istorioa Argazki, dokumentu eta erbesteratuen testigantzen bidez erakusketak Eidenbenzek ekin zion proiektu solidarioa kontatzen du kronologikoki. Ibilbidea 1939an hasten da, frankistak Bartzelonan sartu zirenean.Ehunka pertsonek ihes egin zuten Frantziara. Frantziak babes-esparru deituriko guneetan sartu zituen ia erbesteratu guztiak, baldintza tamalgarrietan. Kontzentrazio eremuak ziren. Haurdun zeuden emakumeen artean hilkortasun maila izugarria zen. Testuinguru honetan Elisabeth Benz irakasle suitzarrak Elnako erresidentzia zahar bat amaetxe bihurtzea erabaki zuen, emakume erbesteratuak eta hauen haur jaioberriak zaintzeko. Amaetxea zabalik izan zen Alemaniako armadak 1944an itxi egin zuen arte. ... 2008/04/05 - 00:52:03
Musikaldia, musika ikasleen zirkuitua
Musika eta Dantza eskolako ikasleek hiriko kultur etxeetan kontzertuak eskaintzeko aukera izango dute aste betez. Aurten 10. edizioa izango da eta eskolako 100 ikaslek parte hartuko dute. Guztira 15 talde izango dira programazioan. Ganbera taldea, gitarra taldeak, orkestrak, talde modernoak... Musika modernoko emanaldietan errepertorio zabala izango da entzungai. Sex Pistols , Ramones, Fito y Fitipaldis rock taldeen abestiez gain jazz munduko klasikoen musika ere interpretatuko dute, John Coltrane edo Charlie Parker, esaterako. Ganbera errepertorioak barrokotik XX. menderainoko musika jasoko du. Gitarra orkestrek, gai ezagunez gain musika klasikoa ere joko dute. Trikitixak ere izango du bere lekua Musikaldiaren egitarauan.Musikaldiak Donostiako Musika eta Dantza eskolako ikasleei kontzertu ziklo batean parte hartzeko eta beren kontzertuetara joan ohi ez diren entzuleriaren aurrean jotzeko aukera ematen die. Musikaldiak gainera gero eta harrera hobea du. ... 2008/03/07 - 02:37:14
«Aldapa kentzea da garrantzitsuena bizilagunontzat»
Karlos I.eko zenbait bizilagunek urteak daramatzate hiribidea bitan banatzenduen errepidea ken dezaten eskatzen. Udalak herenegun iragarri zuen errepidea itxuraldatuko dutela eta Karlos I.a bakarrik hirira sartzeko errepidea izango dela. Bizilagunek pozik hartu dute albistea. Miguel Ajarnaute da errepidea eralda dezaten lanean ibilitako auzotarretako bat. 20 urte daramatza lanean Karlos I.aren atari bikoitien aldean, txori denda batean, eta Udalak iragarritakoa albiste «oso ona» dela dio. «Aipatzen da askotan bizilagunek, hona bizitzera etorri zirenean, bazekitela errepidea egingo zela, baina hori gezurra da; 1972ko irailaren 12an inauguratu zuten eta behin behinekoa izan behar zuen. Horrek logika badu, Karlos I.a Antxo Jakitunaren hiribidearen jarraipen perfektua baita». Zikulazioa murriztea baino, egungo aldapa kentzea iruditzen zaio Ajarnauteri ezinbestekoa. «Zaborra pilatzen da hormaren inguruan eta segurtasun falta ere eragiten du». Auzotarra baikorra da: «Aldundiaren eta Udalaren arteko harremana garai batekoa baino hobea dela ematen du». ... 2008/02/29 - 01:38:35
Musika esperimental emanaldia Ernest Lluchen
Mikelazulo Kultur Elkartearen Ezeraiketak proiektuaren emanaldia ikusgai izango da gaur 19:30ean Ernest Lluch kultur etxean. Ikuskizun esperimentala Picassoren lanak iradokitutako bidaia da, non kaosa eta ordena, gozotasuna eta garraztasuna elkargurutzatzen diren, musika eta testuen bitartez. Ikuskizun honek taldeko kide batek Parisera egindako bidaian du abiapuntua. Bertan, margolari kubisten lana ezagutu eta horiengan inspiratuta, gitarra melodia bat sortu zuen. Taldeko beste bi kideei erakutsi, eta hari horri helduta, margolari kubisten sortze prozesua kopiatu nahi izan zuten. Margolari horiek erabilitako deskonposaketa prozesuaren antzekoa erabiltzen saiatu dira, baina margoetan ordez, literaturan eta musikan oinarrituz. Horretarako, abiapuntu izandako gitarra melodiak, gailu elektronikoen bidezko zatiketa eta berkonposaketa kaotikoak jasan zituen. Era berean, emanaldirako sortutako testuak ere esaldien deskonposaketa eta berkonposaketa hartu zituen ardatz. ... 2008/02/21 - 00:32:07
Gaur hasiko dituzte Amara Berri ikastetxeko lanak
Morlanseko etxebizitzen proiektua egi bihurtzeko geroz eta gutxiago falta da, gaurtik aurrera hasiko direlako Morlans itxuraldatu eta ikastetxea egiteko lanak. Lehenik eta behin, Amara Berri ikastetxe berria egiten hasiko dira Gas Fabrika zegoen tokian. Ikastola berriko lanak bukatzeko hogei hilabete beharko dituzte, hortaz, 2009ko udazkenerako ikastetxearen eraikina erabilgarri izango da. «Ikastetxe berriarekin Amara Berriko ikastola berrantolatu eta Amarako hainbat txokotan dituen egoitzak egituratzeko balioko dute lan hauek», azaldu du Arantxa Laca Gipuzkoako Hezkuntza ordezkariak. Lehen hezkuntzako egoitza egingo dute Gas fabrika zegoen tokian, eta 5,5 milioi gastatuko dituzte eraikin hau egiten. Eskolaren eraikinak 7.200 m2 izango ditu eta lehen hezkuntzako 18 ikasgelentzat lekua egongo da. Amara Berrik dituen egoitza guztietatik handiena izango da Gas Fabrikaren lekuan jarriko dutena. Amara Berrik Olaeta plazan, Urbieta kalean eta Morlansen ditu bere egoitzak. Hain zuzen, Gas Fabrikako egoitza egiterakoan Morlanseko ikastetxea botako dute, bertan eraikiko baitituzte Udalak eta Eusko Jaurlaritzak bultzatutako babestutako 584 etxebizitzak. ... 2008/01/25 - 02:27:19
Astoriako aparkalekuan laugarren solairua egiteko plana osatzea adostu dute
Astoriako eraikinean hotela eta etxebizitzak egingo dituzte. Lurrazpian hiru solairuko aparkalekua egiteko baimena eskatu zuen lanak egiten ari den SADE enpresak. Lurrak beste solairu bat egiteko adina leku duenez, aparkalekuak laugarren solairua izango du. Plan orokorrak zehazten duenez, lurrazpian hiru baino solairu gehiago eraikitzen direnean, Udalak plan berezia sortu behar du, eta atzo plan hori osatzea adostu zuen Udalbatzak. Adostasuna, hala ere, ez zen aho batez hartutakoa izan, erabakiak ika-mika sortu zuelako udal alderdien artean. Udal Gobernuak plan berezia egiteko babes nahikoa lortu zuen bitartean, EAJren proposamena ezerezean geratu zen. EAJren zuzenketa batek zehazten zuenez, aparkaleku berriak izango zuen solairu berritik %10eko onura izan beharrean, %50 izatea eskatu zuen EAJk. Gainontzeko alderdiak ez zetozen EAJrekin bat, besteak beste, Astoriako aparkalekuan laugarren solairua eraikitzearekin bat ez zetozelako. ... 2008/01/10 - 09:26:17
Jostailu azoka solidarioa Amara Berrin
Oso gazte hasi zen patinaje artistikoan. Bost urte besterik ez zituela izotz gaineko patinajea egiten hasi zen, baina «kalean beste umeekin» jolastu nahi zuenez, uztea erabaki zuen. Izotzarekin izan zuen lehen kontaktu hori ahaztu ezinik, berriz ere itzuli egin zen -11 urterekin-gaur arte. Orain urte batzuk Miriam Gazteluk (Amara Berri, 1986) patinaje artistikoa utzi behar izan bazuen ere, jarraian modalitate berri batekin hasi zen: izotz gaineko ballet artistikoa. Soilik Herrialde Katalanetan egiten da. Bartzelonatik hitz egin du Irutxuloko Hitzarekin. Patinaje artistikoan hasi, patinaje artistikoa utzi. Berriz ere patinajeari heldu eta azkenean balletari ekin. Zer dela eta aldaketok? 11 urterekin patinajera itzuli eta beste kirol batzuekin tartetaku nuen, saskibaloian ere jokatzen nuelako. DBHko hirugarren mailan nengoela, berriz, serio hartzen hasi nintzen.Orduan bai saskibaloia alde batera utzi eta soilik izotz gaineko patinaje artistikoan ibili nintzen. ... 2008/01/10 - 09:26:17
Astoriako lanekin ez dela zuzen jokatu salatu du PPk
Astoriako aparkalekuak lau solairu izango ditu. Hasiera n, aparkaleku honek hiru solairu izan behar zituen, baina lurzoruak solairu gehiago egiteko edukiera duenez, lau solairu egitea eskatu du SADE enpresak -lursaila berea da-. Proposamenak aurrera egin du, eta laugarren solairua egiteko lanak aurrera eraman ahal izateko, plana eztabaidatuko du Udalak udalbatzarrean. Udal Gobernuak urte hasieran eman zion oniritzia aparkalekua lau solairukoa izateari eta orain, plan berezia egin izanak haserrea piztu du PPrengan. «Plan Orokorrak gehienez hiru solairu egiteko baimena ematen du soilik, beraz, Udal Gobernuak hasieran emandako oniritzia ez da legezkoa», salatu du Javier Urbistondo PPren zinegotziak. «Garai hartan hartutako legez kanpoko erabaki hori zuzentzeko asmoz, orain, plan berezia proposatu dute, eta hori onartezina da». ... 2008/01/10 - 09:26:16
Astoriako aparkalekuak lau solairu izango ditu
r. perez Astoriako aparkalekuak lau solairu izango ditu. SADE enpresa berritzen ari da Astoria zinema izandakoa. Hotela, salmenta libreko etxebizitzak eta lur azpiko aparkalekua egingo dituzte. Hasieran aparkalekuak hiru solairu izan behar zituen eta 107 autorentzako tokia, baina azkenean lau izango ditu, SADEk hala eskatuta. Udal Gobernuak urte hasieran eman zion oniritzia aparkalekua lau solairukoa izateari. Herritar batek alegazioa aurkeztu zuen. Udalak alegazio hori aztertu du, baina horrek ez du eragotziko aparkalekuak hiru solairu izan beharrean lau izatea. Udalak SADEri eskatu dio zehazteko aparkalekuko zenbat toki izango diren hotelarentzat eta zenbat toki jarriko dituen salgai. ... 2008/01/10 - 09:26:15
