Intxaurrondo, Irutxuloko hitza

hitzako albiste zerrenda intxaurrondo

Intxaur Txiki Eguna ondo joan dela esan dute antolatzaileek

Marmitako lehiaketa, afari herrikoia, tortilla lehiaketa, musika, dantza... Egitarau mardula prestatu zuten joan den asteburuan Intxaurrondon, Intxaur Txiki danborrada eta inauteri konportsarako dirua biltzeko. Antolatzaileak pozik daude ekimenak izandako harrerarekin. «Jendeak oso ondo erantzun zuen eta guzti-guztiei eskerrak eman behar dizkiegu. Igandeetan auzoa hutsik egon ohi da, baina antolatu genituen jarduerekin jendea auzoan geratu zen».  2009/09/16 - 23:04:01

1.000 kroketa, prest

Jaiak abian dira Intxaurrondo Zaharrean. Hiru egunez festa giroan izango da auzoa, eta otorduak antolatu dituzte. Gaur, esate baterako, bost euroren truke, herri afarira joan ahal izango dira Letaman plazara eta, igande eguerdian, 22 euroren truke, herri bazkarira. Hori bakarrik ez. Bihar arratsaldean haurrentzako entzierroa izango da Txaparrene parkean eta jatekoa eta edatekoa izango da. Bestalde, parkean eta Letaman plazan txosna bana jarri dituzte eta, guztira, 1.000 kroketa prestatu dituzte. Jan eta edan bakarrik ez. Bihar gauean magia, karaokean eta antzerkia izango da. Iaz karaokea egin zuten eta aurten ekitaldi osoagoa egingo dute. Bestalde, agurra ere berezia izango da. Danborradak joko du eta aurreskua dantzatuko dute parkeko intxaurrondoren aurrean. ############ egitaraua ...  2009/09/11 - 00:20:16

Lizardiko arrapalen proiektua gabonetarako egongo da prest

Zubiaurre pasealekutik Zarategiraino nekerik gabe igotzeko arrapala mekanikoak eraikitzeko asmoa du Udalak Intxaurrondoko Lizardi kalean. Bost arrapala izango direla jakitera eman zuten arren, proiektuaren nondik norako zehatzak ezagutzeko eguberri ingurura itxaron beharko da, ordurako aurreikusita baitago proiektua bukatzea. Auditz Akular auzo berriaren behin betiko proiektuaren berri izateko askoz denbora gehiago beharko da. Hilabete bukaerarako, ordea, beste pauso bat emango du Udalak, hurrengo osoko bilkuran egingo baitu aurrera Auditz Akularreko planak. Hiru hilabete Lizardiko arrapalen proiektua egiteko Zubiaurre eta Zarategi pasealekuen artean, 250 metroko distantzia lotuko dute eta 30 metroko altuera gainditzen lagunduko dute Lizardiko arrapalek. IZBE Intxaurrondo Zaharreko Bizilagunen Elkarteak interesgarritzat jo zuten Lizardiko malda gainditzeko egitasmoa. Lanak, hala ere, datorren urte arte ez dira hasiko. ...  2009/09/05 - 00:01:05

Hamargarren urtez Futbolin Txapelketa izango da festetan

Txikia izanagatik Marrutxipik ez dio jaiei muzin egin nahi. Urtero bezala, Karmengo Amaren egunaren bueltan hiru eguneko jai egitaraua antolatu dute. Gaur, 20:00etan, suziria bota eta bandera jasoko dute eta igandean jaitsiko dute. Bihar, goizean goiz, auzoaren plazatxoan Ama Birjinaren irudiari ohore egingo diote eta jarraian, haur eta gazteentzat xake eta Scalextric txapelketak egingo dituzte. Bazkalostean zinta lasterketa bizikletan eta Hamargarren Futbolin Txapelketa izango da Alai tabernan Saiheski afaria eta Lauak taldearen dantzaldia izango dira eguna bukatu aurretik. Igande goizean, sukaldaritza Festetako azken egunean sukaldaritza ikastaroa egingo dute: bakailao orriak piperrekin egiten irakatsiko dute eta eguerdian Martxel Elustondoren oroimenezko patata tortilla lehiaketa antolatuko dute. Arratsaldean, azken txanpan, sudoku bigarren txapelketa eta sardina jatea egingo dituzte. ...  2009/07/16 - 23:43:02

Lizardiko arrapalak ez dira nahikoa, IZBEren arabera

IZBE Intxaurrondo Zaharreko Bizilagunen Elkarteak interesgarritzat jo du Udalak joan den hilabetean Lizardiko aldapa gainditzeko aurkeztutako proiektua: arrapala mekanikoak jartzea. Auzo elkarteari iruditzen zaio auzoaren beheko eta goiko aldearen arteko lotura eta joan-etorriak hobetzeko baliagarria izango litzatekeela, baina era berean, ez zaio nahikoa iruditzen. Behin behineko neurriak, Luistarren auzunean Aldaparen bi aldeetako auzuneenetarako arrapala mekanikoak ez dira konponbidea, IZBEren arabera. Arrapalak bakarrik igotzeko izango lirateke. Bide horretan zehar jaitsi behar duten auzotarrak ere kontuan hartzea nahi du auzo elkarteak. «Oinez jaisterik ez dutenek autobusa hartu beharko lukete Intxaurrondo Zaharrera jaisteko. Hori nola konpentsatu aztertu beharko luke Udalak». Ibilgailuak, oinezkoak, bizikletak eta garraio publikoa hartuko dituen azterketa sakonagoa egiteko eskatu diote Udalari IZBEko kideek. Bitartean, Luistarren auzunean-goranzko norabidean eskuinean dago¬ behin behineko neurriak hartu beharko lituzteke Intxaurrondo Zaharreko Bizilagunen Elkartearen ustez, «arrapalak jarrita ere beren egoera ez delako aldatuko». Udal teknikari batekin Luistarren auzunean bertan bilera egiteko eskatu du auzo elkarteak. Inguru horretako hodiak eta zorua berritzen ari da hilabeteotan Udala. ...  2009/07/02 - 23:05:01

Datorren urtean berrituko du Udalak Sagastieder

IRUTXULOKO HITZAk aurreratu zuenez, Udalak auzotarren iritziak eta iradokizunak jasoko ditu Sagastieder plaza berritzeko. Larunbatean, 11:00etan, zenbait mahai jarriko dituzte plazan, auzotarrek parte har dezaten. Auzoa datorren urteetan itxuraldatuko duten beste proiektuen irudiak ere jarriko dituzte Hego Intxaurrondoko plazan ¬Euskotrenen geltokia eta Siustegiko kultur etxea eta kiroldegia¬, auzotarrek horiek ere aintzat har ditzaten ekarpenak egiteko orduan. Larunbatetik aurrera ere auzotarrek izango dute zer esana, izan ere, auzoko eragileek osatutako taldea Udalarekin elkartuko baita behin betiko proiektua gorpuzteko. Duñike Agirrezabalaga Obra eta Proiektu zinegotziak azaldu duenez, behin proiektua zehaztuta, auzoan aurkeztuko dute eta datorren urtean egingo dituzte lanak. ...  2009/06/25 - 23:41:02

XXI. Bideoaldia, Larrotxene kultur etxean

Bihar eta etzi ikasturte honetan zehar Larrotxene kultur etxean burututako ikus-entzunezko ikastaroetan (Gidoilaritza, Dokumentalak, Zuzendaritza eta Pantaila irekia) egindako bideoak aurkeztuko dituzte kultur etxean bertan, 20:00etatik aurrera. Era berean, beste egile batzuekin elkarlanean ekoiztutako bideo-lanak ere proiektatuko dituzte. Hogeita bat laburmetrai Aurtengo Bideoaldiaren XXI. edizioan, erakustaldiaren urteak adina laburmetrai ikusi ahal izango dira; hain zuzen, 21. Horien artean, 13 produkzio ikastaroetan egindako bideoak dira eta gainerako 8ak, koprodukzioan, hainbat bideozalek kultur etxearekin batera elkarlanean ekoiztutakoak. Mota guztietako filmak daude tartean: fikzioa, dokumentala, animazioa, bideo-klipak eta umeek Larrotxene Planeta erakusketarako egindakoak. ...  2009/06/17 - 00:17:04

Sagastiederren estalitako gunea egiteko eskatu diote auzotarrek Udalari

Udalak auzotarren iritzia jaso nahi du Sagastieder plaza berritu aurretik. Horretarako, mahaiak jarriko ditu, ziurrenik, hilaren 27an, plazan bertan, auzotarrek ekarpenak egin ditzaten. Herenegun arratsaldean bilera egin zuten udaletxean Hego Intxaurrondoko auzotarrek eta udal ordezkariek. Auzotarrek, alde batetik, plazaren egungo egoeraren diagnosia aurkeztu zioten Udalari. Hamar urtera arteko haurrek eta nerabeek, aiton-amonek eta Txarako egoitzetan daudenek jotzen dute plazara gehienbat eta, horretaz gain, hainbat tabernek terraza jartzen dute. Horretaz guztiaz gain, hainbat festa egiten dituzte bertan: oholtza jartzen dute San Sebastian egunean edo Olentzerori harrera egiteko eta kaldereroetan eta inauterietan, hurrenez hurren, kanpalekua jartzeko eta desfilea egiteko erabiltzen dute plaza. Auzotarrek haur jolasa hobeto mugatzea nahi dute eta, horretaz gain, kiosko modukoa eskatu dute, «eguraldi txarra egiten duenean ez dagoelako jolasteko tokirik atarietan, garajeen sarreretan ez bada». Estalitako gune horrek biltegi bat izatea nahi dute auzotarrek, material pisutxua gordetzeko. ...  2009/06/06 - 00:57:02

Sagastieder plazaz hitz egiteko bilera egin dute

Bilera egin zuten atzo Intxaurrondoko bizilagunek Udalarekin. Sagastieder plaza itxuraldatu nahi du Udalak eta, horregatik, ekarpenak egiteko deia luzatu die auzotarrei. Hauek jada zenbait ekarpen egin dituzte . Udal Gobernuak Sagastieder berritzeko 100.000 euro jarri nahi ditu aurten eta milioi eta erdi euro datorren urtean. Hego Intxaurrondoko bilgune nagusia da Sagastieder. Esate baterako, jaietako gune nagusia da. Duela hilabete batzuk auzotar batzuek gaztetxoentzako kirol pista jartzeko eskatu zuten ¬hiriko beste zenbait tokitan jartzen ari diren pisten tankerakoa¬, baina Udalak atzera bota zuen eskaera, Siustegin kiroldegia egingo dutela arrazoituz. Datozen aldaketekin, kezkatuta Bestalde, Hego Intxaurrondon, Otxoki pasealekuaren inguruan, zenbait lan egiten ari dira. Suhiltzaileen egoitza berria eraikitzen ari dira, alde batetik. Bestalde, Garbigunea egiten ari dira merkataritza gunetik gertu, etxetresnak eta abar botatzeko. Azkenik, merkataritza gunea zabaltzeko proiektua ere mahai gainean jarri du Udalak, nahiz eta ez duten epe laburrean gauzatuko. ...  2009/06/05 - 00:36:05

Lizardi kaleak bost arrapala mekaniko izango ditu

Larratxo, San Roke eta Egiako igogailu eta eskailera zein arrapala mekanikoak jo eta ke ari dira bizilagunak igo eta jaisten. Aizkorriko igogailuak eraikitze lanetan ari dira jada eta hurrengo urtean martxan jarriko diren lanak Lizardi kaleko arrapala mekanikoak izango dira. Zubiaurre eta Zarategi pasealekuen artean, 250 metroko distantzia lotuko dute eta 30 metroko altuera gainditzen lagunduko dute. Arrapala bakarra beharrean, bost izango dira. Hala, Lizardi kalearekin bat egiten duten kalexketara jotzeko aukera eskainiko dute. Datozen urteetan Intxaurrondok garraio publikoarekin inoiz izan duen loturarik sendoena izango duela esan du alkateak, arrapaleetako bi muturretan bi tren geltoki egingo dituztelako: Zubiaurre pasealekuan, Renfeko geltokia; eta Zarategi pasealekuaren ondoan, Eusko Treneko geltokia. ...  2009/06/02 - 23:58:03