Irutxuloko hitza

hitzako albiste zerrenda irutxuloko

Sustapena, ikus-entzunezkoen berrikuntza sarietarako izendatuta

Donostiako Sustapena nazioarteko saririk garrantzitsuenetako baterako izendatu dute, Stockholm Challenge 2008 sariak hain zuzen. Sustapenak eta Donostiako Vicomtech ikerketa zentroak zuzentzen duten CINeSPACE proiektuarekin lortu dute izendapena. Zinema ekoizpena eta promozio kultural eta turistikorako tresna mugikorra sortzeko proiektua da CINeSPACE.  2008/05/13 - 00:56:05

Mago de Oz, Pignoise eta M-Clan Aste Nagusian

www.enterat.com webguneak Donostiako Aste Nagusian zuzeneko emanaldiak eskainiko dituzten talde batzuen izenak aurreratu ditu dagoeneko. Horrela, beti ere, www.enterate.com webgunearen informazioaren arabera, Mago de Oz rock-folk taldea abuztuaren 8an etorriko da, Pignoise punk-rock hirukotea abuztuaren 11n eta M-Clan rock banda abuztuaren 14an. Emanaldi hauek Sagueseko Aste Nagusiko musika programazio barruan daude.  2008/05/13 - 00:56:05

Eraikinek energia aurrezteko araudia jarriko dute irailean indarrean

Kiroldegi eta beste udal eraikinetan ura aurrezteko edo eguzki energiari etekina ateratzeko neurriak hartu ditu Udalak. Energia aurrezteko neurri hauek eraikin pribatuetan ¬eraikin arruntetan¬ ezarri nahi ditu Udalak, eta horretarako araudi berria sortu du. Denis Itxaso Ingurumen zunegotziak aurreratu duenez, araudia irailean jar daiteke indarrean. Udalak klima aldaketaren aurkako plana du indarrean eta plan honen ardatzetako bat izango da etxebizitzetan energia aurrezteko araudia. Honen bidez, hirian eraiki edo eraberritu behar dituzten etxebizitza eta lokalek araudiak zehaztuko dituen ingurumen baldintzak bete beharko dituzte. Aldaketa honekin, etxebizitza berriak garestiagoak izango diren arren, «etxera iristen diren ordainagiriak txikiagoak izango direla», esan du Ingurumen zinegotziak. ...  2008/05/13 - 00:56:05

Iritsi berriak

Aritz Kabe, Errenteria-Orereta , 26 urte. Asmo handiko proiektuari ekin zion duela bi urte eta orain, amestutakoa errealitate bihurtu da, NoColor. Apirilaren 25an zabaldu ziren bere proiektuaren ateak eta hiru eguneko jardunaldiak antolatu zituen: performancea, ilustrazioak... Artea eta diseinuarentzako mihise txuria Diseinu Grafikoko ikasketak egin zituen Irunen eta pixkanaka, lan egiteko estudio bat behar zuela konturatu zen. Bere diseinu grafikoko lanak egiteaz gain, publikoari artea modu zuzen eta personalean eskaini nahi zion. Hortik dator estudioaren izena, NoColor. Kaberentzat arteari eta diseinuari eskainitako mihise txuri bat da, artisten lana baldintzatzen ez duena. Lokalaren diseinu guztia berak egin du. Lan gogorra izan zen bere estudiorako espazioa lortzea. «Alokairuak oso garestiak dira. Gainera lokala goitik behera berritu behar izan dut, aspaldi sute bat izan baitzen hemen eta azpiegitura guztiak berritu behar izan ditut. Zabor mordoa atera behar izan dugu. Urtebeteko lan astuna izan da, baina esfortzua ez da, inola ere, alferrikakoa izan», dio Aritz Kabe gazteak. ...  2008/05/13 - 00:56:05

Rubio, Pinedo, Garmendia eta Ziarsolo Espainiako Selekzioarekin

Eider Rubio, Patri Pinedo, Tati Garmendia eta Matxalen Ziarsolo Akaba Bera Berako jokalariak Espainiako Selekzioarekin entrenatzen egongo dira hilaren 22tik aurrera. Europako Txapelketa jokatu nahi dute aipatu jokalariek baina horretarako lehenengo Lituaniaren aurkako partidak irabazi beharko dituzten. Joanekoa hilaren 31n izango da eta itzulikoa, berriz, astebete beranduago.  2008/05/13 - 00:56:05

Cadizeko patua

Jokoa eta emaitza: Ezin da ukatu Reala joko bolada onean iritsi dela lehiaketako zati erabakigarrira. Erregular dabil Lillorekin. Markagailu zailei buelta emateko gaitasuna erakutsi du eta partida bakoitzeko hiruzpalau gol aukera garbi sortzen ditu. Une honetan, ordea, hori bezain garrantzitsua da hasitako lana ondo bukatzen jakitea. Ildo horretan, zailena egin zuen taldeak Cadizen: markagailuan aurretik jartzea. Jokoan dagoenarekin, nola edo hala aprobetxatu beharreko egoera zen, baina bi gol oparitu zituen gero, eta buelta emateko adorea eta futbola erakutsi arren ate aurrean ez zen guztiz eraginkorra izan. Hobea izan zen emaitza jokoa baino. Tamalez, inoiz baino kontsolamendu eskasagoa da hori orain. Beherakada: Lehen zatian partida kontrolpean eduki ondoren, Cadizek nahi zuen guda-eremura eraman zuen jokoa. Realak ezin izan zuen saihestu lehen hogei minutuetan neurketa joan-etorriko ero bihurtzea, hoztasuna falta izan zitzaiolako, edota eskarmentu handia duten jokalari gutxi zeuzkalako ¬Aranburu eta Garitanoren hutsuneak asko nabaritzen dira, are eta gehiago etxetik kanpo¬. Eta zaleak ondo asko daki, askotan ikusi duelako, taldea galdu egiten dela gidoitik ateratzen diren norgehiagoketan. Horri defentsan egindako akatsak gehitu behar zaizkio. Lillo dagoenetik lehen aldiz, taldeak bi gol jaso zituen, biak hankasartze garbien ondorioz. Ia denboraldi osoan zeraman Mikel Gonzalezek huts egin gabe, eta noizbait behar zuen. ...  2008/05/13 - 00:56:05

Musika, musikatruk

Aste Santuaz geroztik buru belarri aritu dira emanaldia prestatzen eta, urduritasuna nabaria izan da Ategorrietako Zuhaizti herri eskolako areto nagusian. Loatzo eta Zurriola musika eskolen arteko elkar trukaketa honek 10 eta 16 urte bitarteko 130 haur igo ditu oholtza gainera; guztiak onena emateko prest eta begira-begira izan dituzten gurasoak harritzeko prest. Agertoki azpiko lehen lerroetan bibolinak, gitarrak, trikitixak, txistuak, klarineteak... hamaika musika tresna eta irakasleak izerditan. Atzerago musikari gazteak, euren txanda noiz iritsiko zain. Eta, atzerago, gurasoak aho zabalik, ohi denez, argazkiak atera eta atera. Zortzi musika pieza jo dituzte orotara, instrumentuen araberako sei saiotan eta, bukaera borobila izateko, guzti-guztiak eszenategira igo eta kantu herrikoi alaiekin agurtu dituzte ikusleak. Jakina, umeak beti ume eta askari handi batekin ospatu dute emanaldiaren arrakasta. ...  2008/05/13 - 00:56:05

Monpaseko pasabidearen argiak eta ilunak azaldu dituzte jendaurrean

Monpaseko pasabidea da hirian modan dagoen gaia. Victoria Eugeniako Klub aretoa lepo bete zen atzo arratsaldean Udalak antolatutako aurkezpenean. Pasabidearen proiektua egin ondoren eta jendaurrean ikusgai jarri ondoren, herritarrek beren alegazioak egiteko epea izang o dute hemendik aurrera. Epe hori hasteko, proiektuaren aurkezpena eta Espainiako Gobernuko Ingurumen Ministerioak agindutako ikerketa aurkeztu dute jendaurrean. Pasabideak ingurumenean izango duen inpaktuari buruzkoa da ikerketa. Denis Itxaso Udaleko Ingurumen zinegotziak gidatuta, Fernando Ruiz Lacasa, Javier Errea eta Patxi Agirregomezkorta arkitekto taldeko kideak, Ingurumen Ministerioko Fernando Perez eta inpaktuari buruzko ikerketa egin duen Ekolur enpresako Iñaki Urrizalkik eman zituzten azalpenak. Espainiako Gobernua, ados ...  2008/05/13 - 00:56:05

Oleksandra Vasylchuk bosgarren Espainiako Kopan

Oleksandra Vasylchuk-ek bosgarren postuan bukatu Espainiako Kopan. Iaz brontzeko domina irabazi zuen aietearrak baina aurtengoan ezin izan du hirugarren postu hori errepikatu. Donosti taldeko gimnastak, dena dela, Gipuzkoa, Bizkaia eta Arabako ordezkarien artean puntuazio altuena lortu zuen larunbatean, Avilan ¬Espainia¬ jokatu zen Kopan.  2008/05/13 - 00:56:05

Europako Kultura Hiriburu bihurtzeko hautagaitza adostu du Udalbatzak

Paisaia eta gastronomiaren hiri izateaz gain, Donostia kulturaren hiria bilakatzeko nahia agertu du Odon Elorza alkateak. Europako Kulturaren Hiriburu bihurtzea izango da Donostiak datozen urteetan izango duen helburu nagusietako bat eta udal talde guztiek izendapena lortzeko lanean aritzeko gogoa adierazi dute. Honela, 2016an hiria Europako Kultura Hiriburu bihurtzeko hautagaitzari baietz esan zion atzo Udalbatzak. Talde guztiek azpimarratu dute Kulturaren Hiriburu bilakatzeko ezinbestekoa izango dela herritarren partaidetza. Horretarako, egitasmo honen inguruko informazioa etxe guztietara iritsi behar dela esan du EAren bozeramaile Jaione Arratibelek. «Parte hartzea aktiboa izan dadin, webguneak, tailerrak, mintegiak... sustatu behar ditugu». Proiektuan herritarrak zein hiriko beste eragile guztiak murgiltzea nahi dute. «Pertsonalismo guztien gainetik taldean lortutako arrakasta» izan behar dela gogoratu du Maria Jose Usandizaga PPren bozeramaileak. ...  2008/05/13 - 00:56:05