Egia, Irutxuloko hitza

hitzako albiste zerrenda egia

Denboraldia triste bukatu du Egia eskubaloi taldeak

Iazkoa errepikatu eta ahal izanez gero hobetu egin nahi zuen Egia Servi-chap eskubaloi taldeak. Baina azkenean, senior mailako Euskadiko Txapelketako hirugarren postuarekin konforme geratu behar izan dute. Orain, ordea, beste txapelketetan pentsatzen hasiko dira. Iaz jokatu zuten lehen aldiz igoera fasea eta igotzeko aukera handiegirik ez zutela jakin arren, txapelketaz gozatzera joan ziren Egiako jokalariak. Aurtengoan, ordea, azken jardunaldian igoera jokatzeko txartela galdu egin zuten, Basauriren kontrako partida galduta. Puntu bakarreko diferentzia zuen taldeak Barakaldo hirugarren sailkatuarekin baina ezin izan zioten abantailari eutsi.  2008/04/16 - 23:56:03

Egiako taldeak igoera fasea jokoan izango du bihar

Egia-Servichap eskubaloi taldeak ligako partida garrantzitsuenetako bat jokatuko du bihar. Ligako azken jardunaldia izateaz gain, bigarren postua izango dute jokoan Egiako jokalariek, eta beraz, bihar erabakiko da zein izango den Espainiako Lehen Mailan jokatzeko igoera fasean parte hartuko duen azken taldea ¬Askartza Leioak dagoeneko liga irabazi du eta igoera fasea jokatuko du¬. Bigarren postuan da Egia-Servichap. Dena dela, bihar jokatuko den azken jardunaldian erabakiko da postu horretan jarraitu edo hirugarren sailkatzen diren. Barakaldo hirugarren postuan dago puntu bat gutxiagorekin ; Egiak Barakaldoren emaitzaren menpe egon nahi ez badu behintzat, beharrezkoa izango du Basauriren kontra jokatu behar duen norgehiagoka irabaztea. Aurkaria, sailkapeneko bosgarrena 12:15etatik aurrera jokatuko dute euren partidak Egiak eta Barakaldok.Egiako jokalariak Basauriko kiroldegian izango dira, sailkapeneko bosgarrenaren aurka azken norgehiagoka jokatzeko. Egiatarrek etxean jokatu zutenean erraz hartu zituzten mendean, horren adibide emaitza izan zen: 31-23. ...  2008/04/12 - 00:43:02

Hil bukaeran hasi nahi dituzte lanak Karmengo Amaren goialdean

Hil bukaeran hasiko dituzte lanak Karmengo Amaren goialdean. Joan den urtean kalearen behealdean egin zituzten obrak. Espaloiak zabaldu egin zituzten eta autoentzako bide bakarra utzi zuten. Hil bukaeran kalearen goialdeari ¬Baztanetik gora¬ helduko diote. Udalak dagoeneko enpresa bati ¬Landa e Imaz¬ eman dizkio obrak eta hil honen bukaeran hasiko dira lanean. Kalearen behealdean bezala, espaloiak berritu egingo dituzte eta horretaz gain, aparkalekuak beste era batean antolatuko dituzte eta eserlekuak, zaborrontziak eta abar berrituko dituzte. Zati batean baterian utzi beharko dira autoak eta beste batean linean. Gutxi gorabehera urte erdi beharko dute lanok bukatzeko. Udalak milioi bat euro pasatxo bideratu zituen kalearen beheko zatia berritzeko eta 663.029 eurotan eman ditu goiko zatikoak. ...  2008/04/10 - 00:11:10

Gizarte gaiei buruzko jardunaldiak egingo dituzte Egian datorren astean

Egia Bizirikek jardunaldi sozialak antolatu ditu. Datorren astean izango dira. Astelehen, astearte eta asteazkeneko jarduerak kultur etxean izango dira, 19:30ean ¬nahi duten auzotar guztiak joan daitezke¬, eta larunbatekoa, Plaza Haundin 12:00etan. Auzo elkarteak azaldu duenez, Egiako errealitatea hobeto ezagutzeko asmoz antolatu dituzte jardunaldiok. «Gauza guztiak bezala auzoa ere aldatzen ari da. Beharbada duela bost urte pentsatzen genuena orain ez du balio. Gainera gizarte gaiak hor daude, baina ez dira ukitzen», azaldu dute Egia Bizirikekoek. Auzo elkartekoek asteazkeneko mahai ingurua azpimarratu dute, gazteek, emakumeek eta helduek izango dutelako hitza: Gizarte Ongizate saileko Beatriz Saucek, Bilgune Feministako kide Joxepa Bornaetxeak eta Gazte Asanbladako Jazint Ramirezek hitz egingo dute. ...  2008/04/05 - 00:53:04

Oteizari buruzko hitzaldi zikloa Tabakaleran

Aurten Jorge Oteizaren jaiotzaren mendeurrena dela eta, Euskal Herriko Unibertsitateko Goi mailako Arkitektura Eskola Teknikoak hitzaldi batzuk antolatu ditu apirilean, Jorge Oteiza (1908-2008). Artea, arkitektura eta hiria izenburupean. Monumentalitatea, arkitektura eta hirigintza, Estetikari buruzko ikerketa eta arkitektura proiektua Oteizarengan eta Oteiza eta arte abangoardiak.Hitzaldiak apirilaren 10, 17 eta 24an izango dira, arratsaldeko zazpi eta erdietan Tabakalerako zinema aretoan. Unibertsitateko irakasleek eta arkitekturako zenbait profesionalek parte hartuko dute. Programazioaren osagarri gisa, hitzaldien egun berean baina goizez, EHUko Arkitektura fakultatean solasaldiak izango dira 12:30etan.  2008/04/05 - 00:53:04

Sorkun eta Waxy Gasteszenan

Hilabete eskas da Sorkun abeslariak eta Vicepresidentes taldeak diska berria kaleratu zutenetik. Gaur gauean Gazteszenan aurkeztuko dute zuzenean beren lan indartsua. Kaliforniako desertuko doinuek ere izango dute oihartzunik Egian, Palm Deserteko Waxy hirukotea arduratuko da horretaz. Rock retro-garage-psycho-vintage dotorea da hauen estiloa. Rockera bueltan Martxo hasieran kaleratu zuen Sorkunek Vicepresidentes taldearekin batera grabaturiko diska berria, bakarlariaren hirugarrena Kashbad desegin zenez geroztik. Onna eta Duna lanetan (bakarkako bigarrena eta hirugarrena, hurrenez hurren) doinu eta kolore berriekin, xamurragoekin, jolastu ostean, kontzertuei begirako disko gogorxeagoa egin nahi izan du; hastapenetako Kashbad taldearen rock gordina berreskuratu du horretarako. Behin baino gehiagotan adierazi baitu zuzenekoetan, abesti zaharrekin pasatzen duela ondoen, haiekin zoratzen dela gehien. ...  2008/04/03 - 00:20:14

Hogei jardueratik gora antolatuko dituzte Egiako parkean

Udaberriarekin batera naturaz ikasi eta gozatzeko hainbat jarduera antolatu dituzte Egiako parkeko Ingurumen Baliabideen Etxeko arduradunek. Apiriletik ekainera, erakusketak, hitzaldiak, ikastaroak... denera hogei jarduera baino gehiago prestatu dituzte. Jarduera guzti horietatik asko berriak dira baina badira izandako arrakastaren ondorioz errepikatzen direnak ere. Argazki lehiaketa, esaterako, bigarren urtez antolatu dute. Klima aldaketa gai hartuta, nahi duenak maiatzaren 11 baino lehen bere argazkiak bidali ahal izango ditu. Argazkiak egin ez, baina etxean lorategi txikiak egiten ikasi nahi duenak apirilan zehar egingo den ikastaroan parte hartzeko aukera izango du. Saguzarren inguruko xehetasunak ezagutzeko eta sendabelarrak identifikatzen ikasteko, halaber, beste bi ikastaro berri prestatu dituzte. ...  2008/04/02 - 00:03:14

Arteleku zentroa eta KM-ko erakusketak Tabakalerara eramango dituzte

Tabakalera proiektua zehazteko eta sendotzeko kultur azpiegitura eta erakundeen birrantolaketaren akordioa aukeztu zuten atzo Eusko Jaurlaritzak, Gipuzkoako Foru Aldundiak eta Donostiako Udalak. Arteleku eta Koldo Mitxelenako erakustaretoak Tabakalerara eramango dituztela iragarri zuten, besteak beste. Ikus-entzunezko kultura garaikidearen bilgunea Orain arte ikus-entzunezko programazioa landu duten hiriko ekipamendu publikoen eskarmentua eta esperientzia jasoko ditu Tabakalerak. Antzinako tabako fabrika ikus-entzunezko kultura garaikidearen bilgune eta erreferentzia izatea lortu nahi dute hiru erakundeek. Arlo honetako sortzaile eta industriari eta baita herritarrei ere eskainitako proiektua izango da, ikus-entzunezko kultura zerbitzuen egitasmoak elkartu eta bilduko dituena. Joxean Muñoz Nazioarteko Kultura Garaikidearen Zentroaren zuzendariak azaldu zuenaren arabera, «Tabakalera egitasmoaren oinarriak definitu ditugu akordio honetan». Etorkizuneko ikus-entzunezko kulturaren bilgunea 2013rako abian izatea aurreikusi du Odon Elorza alkateak. ...  2008/03/31 - 23:47:14

Ibaialdeko lursailak desjabetzen hasiko dira

Ibaialdeko lursailak desjabetzeari bide emango dio gaur Udal Gobernuak. Ibaialde Loiola eta Egia artean dago, Urumearen ondo-ondoan eta zenbait etxe daude. Udalak inguru hori guztiz itxuraldatuko du. 1995ko Plan Orokorrean jasota dago toki hori komunitate ekipamendu bihurtzea, oinezkoentzako bi sarrera-irteerekin ¬bat Egiatik eta bestea Loiolatik¬ . Lursail pribatuak desjabetzea ere jasota dago Plan Orokorrean. Udalak egoki deritzo lursailok desjatzea, «zerbitzu publikoa emateko Egiako parkeko zabalpen gisa». Plan Orokorraren arabera, desjabetu beharreko lursailaren azalera 23.440 metro karratu da. Bost lursail pribatu bere egingo ditu Udalak. Parkea izango da Hain zuzen ere, parke bihurtu nahi du Udalak Ibaialde. Oinezkoentzako bidexka batzuk egin nahi dituzte eta egurrezko eserlekuak jarri. Baita haur jolasak eta ontziraleku txiki bat ere. Orain dauden zuhaitzak bere horretan utziko dituzte eta zenbait motatako loreak jarriko dituzte. ...  2008/03/14 - 00:25:13

Aste Santua eta gero zabalduko dute igogailua

Egiako Plaza Haundiko igogailua oraindik ez dago zabalik. Obrek hasiera-hasieratik pilatu dute atzerapena. Hala, lanak 2006ko udaran hastekoak baziren ere, azkenean udazkenean hasi ziren; lanak hasita zeudela, jatorrizko proiektua aldatu behar izan zuten... Udalak Gabonetarako espero zuen obrak bukatuta egotea, baina auzotarrek ezin dute oraindik erabili igogailua . Obran ari diren langileek atzo bertan azaldu zutenez, lanei azken ukituak ematen ari zaizkie eta pare bat aste barru ireki ahal izango da. Mekanismoa prest Lanak guztiz bukatzeko porlanezko zati bat estali behar dute. Horrekin batera, goialdeko oinezkoentzako pasabidea egokitu behar dute ¬asfaltoa botako dute¬. Horretarako bi aste inguru beharko dituztela diote langileek eta behin hori eginda igogailua erabili ahal izango dela: «Berez mekanismo guztia jarrita dago eta igogailua ibili badabil». ...  2008/03/13 - 10:15:29