Gros, Irutxuloko hitza

hitzako albiste zerrenda gros

Zurriolan daude Gipuzkoa, Bizkaia eta Lapurdiko onenak

Euskadiko Surf eta Bodyboard Txapelketak jokatzen ari dira egunotan, Zurriolan. Gipuzkoa, Bizkaia eta Lapurdiko surflari onenek parte hartuko dute lehian, 12 mailatan. 168 kirolari izango dira guztira. Lurraldeka txapelketak jokatu zituzten maiatzean eta lehia horietako onenek lortu dute asteburu honetako txapelketarako txartela. Zurriolara joateko aukerarik ez dutenek, Internet bidez zuzenean jarraitu dezakete lehia, www.euskalsurf.com webgunean. Open eta Master Long Board mailetako lehiak jokatu zituzten, atzo, eta hainbat donostiarrek parte hartu zuten. Open mailan, Donostiako bina gizonezko eta emakumezko izan ziren: Borja Agote, Julen Vega, Maria Ortiz eta Patricia Cervantes. Master Long Board mailan, berriz, lau donostiar izan ziren: Julen Larrañaga, Gabi Garcia, Imanol Mujika eta Kepa Alvarez. ...  2009/09/18 - 23:15:01

80ko hamarkada, Marivi Ibarrolaren begietan

Los 80 de Marivi Ibarrola izena jarri dio argazkilari eta kazetariak Donostiara ekarri duen erakusketari. Izan ere, bere gaztaroan ezagututako eta urteekin belaunaldi baten ikono bihurtu diren hainbat pertsonaien erretratuak zintzilikatu ditu Groseko El Callejon tabernan. Ibarrolaren irudiak ziren ere, iaz Ignacio Gasca Poch musikari donostiarra zenari egindako omenaldian antolatutako erakusketan ikusgai izan zirenak. Lou Reed, Andy Warhol, Nina Hagen, Sugar Cubes, Gabinete Caligari, Antonio Banderas, Antonio Vega... Duncan Dhu taldearen argazki bat ere badago, 80ko hamarkada hasieran, Madrilen, lehen kontratu diskografikoa sinatu zutenekoa. Guztira txuri beltzean egindako 25 irudi bildu ditu. Erakusketa hurrengo astelehena arte izango da ikusgai Iztueta kaleko tabernan. Marivi Ibarrola Errioxan jaio bazen ere, Donostian eman zuen gaztaroa eta ordutik harreman estua izan du hiriarekin. Kazetari eta argazkilari autodidaktak 80ko hamarkadako musika, bideoa, kultura eta arte munduaren pertsonaia ezagunenak irudikatzeko aukera izan zuen. ...  2009/09/09 - 00:26:02

Irailaren 14ean itxiko dute Katalunia plazako aparkalekua

Katalunia plazako jolas parkeari eta aparkalekuari agur esateko egun batzuk besterik ez dira falta. Proiektu eta Herri Lanetako zinegotzi Duñike Agirrezabalagak iragarritakoaren arabera, irailaren 14ean hasiko dira aparkaleku berriko lanak. Iraileko lehen bi aste hauetan, hortaz, jolas parkeko eserleku, farola eta bestelakoak kentzen arituko dira. Irailean ez ezik, abuztuan ere aritu dira prestaketa lanetan. Besteak beste, Zabaleta kalea itxita dago jada eta honek eragiten dituen zirkulazio aldaketak ere martxan dira jada. Aparkalekua, dena den, irailaren 13a arte egongo da zabalik. Era horretan, bizilagunen nahia errespetatu dutela adierazi du Duñike Agirrezabalak, «haiek eskatu baitzuten lanak irailaren erdialdera arte ez hastea». Bosgarren solairua egingo duten ala ez ez du zehaztu ...  2009/09/01 - 23:04:02

Gatibuk kontzertua joko du gaur, Saguesen

Zuri beltzean egindako erretratuak dira Mamen Mariren argazki gustukoenak. Conversaciones con una textura erakusketan, ordea, bere ohiko estiloa utzi du. Argazkilarien Elkartean aurkeztu berri duen irudi bilduman loreak dira protagonistak, kolore eta kontraste biziko loreak. Kontatu nondik datorren erakusketa eta nolakoa den. Eibar, Bilbo, Nafarroa eta Kataluniatik pasa da erakusketa eta banuen Donostiara ekartzeko gogoa. Donosti Imagen proiektuaren barruan dago nire erakusketa. 31 argazki dira eta abuztuaren 26a arte izango dira ikusgai. Lore zatiak dira, kolore bizi eta kontraste handikoak. Ni pertsonen argazkiak egiten, hau da, erretratuekin, sentitzen naiz gusturago, natura hilak egitea berria da niretzat. Eta orduan, zergatik egin duzu loreen inguruko bilduma? Ustekabean sortu zen proiektu hau. Mintegi bat nuen etxetik gertu eta bertako loreek neure arreta bereganatu zuten. Begira geratzen nintzen eta pixkanaka lore batzuk hartzen hasi nintzen. Etxera eramaten nituen, nola lehortzen ziren eta zer gertatzen zitzaien ikusten nuen, eta argazkiak egiten nituen. Bilduma polit bat nuela konturatu nintzen, ustekabean sortutakoa. ...  2009/08/13 - 00:20:02

Groseko Haurtxoko eta Gaztelekuko azken jaia

Okendo kultur etxeko Haurtxokoak eta Gaztelekuak abuztuan zehar itxiak egongo dira. Ikasturteari amaiera emateko, baina, gaur arratsaldean jaialdi berezia antolatu dute, Groseko Nafarroa Behera plazan. Antolatzaileek Groseko eta Donostiako haurrei hurbiltzeko gonbitea egiten diete. Sahara, Ukraina eta Errusiatik Donostiara uda pasatzera etorritako haurrak ere festan izango dira. Egitarau dibertigarria Arratsaldeko 17:00etatik 19:00etara adin guztietako haur eta gazteentzako jokoak eta tailerrak prestatu dituzte. Horrez gain, bi ordu horietan zehar, Nafarroa Behera plazan instalatu duten Karts zirkuituan ibiltzeko aukera izango da. Eguna bukatzeko, apar festa egingo dute, 19:00etan, eta hau dela-eta, hurbilduko diren gaztetxoei bainujantziak eramatea gomendatzen diete. Haurtxoko eta Gaztelekuak ...  2009/07/29 - 23:25:01

Saguesko igogailuak beste geltoki bat izango du

Saguesko igogailuak hilabete darama itxita. Igogailuak, egun gutxi barru, beste geltoki bat izango du, Zubiri-Manteo institutuaren parean. Hesi bat dago igogailuaren aurrean, herritarrek jakin dezaten ezin dela erabili. Ekainaren bukaeran itxi zuten igogailua, lanei ekiteko eta gauzak ondo, astebete barru irekiko dute. Igogailua 2002ko martxoaren 3an inauguratu zuten, Saguesko beheko eta goiko aldeak lotzeko, Jose Migel Barandiaranek eta San Blasek bat egin dezaten.  2009/07/29 - 00:20:03

San Inazio elizak Santiago hiriaren antza hartuko du gaur

Santiago eguna da gaur eta ohi bezala, Galiziako Etxeak ospatu egingo du. 12:00etan San Inazion egingo duten meza ez da ohikoa izango. Santiagon egiten dutenaren berdina izango da. Xabier Portu apaizak galegoz irakurriko duSantiago apostuluaren nekaldia eta ereserkia ere abestuko dute bukaeran. Senidetze bazkaria Meza eta gero, dantza egingo dute elizaren aurrean Xistral abesbatzarekin. Ondoren, senidetze bazkaria egingo dute Galiziako Etxean bertan. Groseko elkarte guztietako kideren bat joango da Zabaleta kaleko egoitzara eta Parte Zaharreko Gaztelubide eta Euskal Billerako ordezkariak ere izango dira; Galiziako Etxeak harreman estua du Euskal Billerarekin, elkarte horretan izan baitzuten lehen egoitza galiziarren elkarteak.  2009/07/25 - 00:07:02

Parte hartzaile marka hautsi dute Zurriolan

Europako Zirkuituaren barnean dagoen Pro Junior Txapelketaren lehen jardunaldia jokatu zuten atzo, Zurriolan. 21 urtetik beherako surflari onenak ikusteko aukera ezin hobea izango da, igandera bitartean. Espero baino parte hartzaile gehiago elkartu dira azkenean, 163 guztira. Hala, orain arteko errekorra hautsi dute. Lehen jardunaldian, surfean ibiltzeko baldintza oso onak izan ziren, enbata agertu zen arte. Orduan, lehia egiten ari ziren tokian baldintzak okertu ziren, baina aldi berean, olatuen tamaina handitu zen eta ikuskizunari erakargarritasuna eman zion horrek. Biharkoan, ordea, lehia ikusgarriagoa ikusteko aukera egongo da. Izan ere, serie buru guztien txanda izango da.  2009/07/23 - 23:06:02

Gipuzkoako Challengeko seigarren proba puntuagarria, Saguesen

Sagueseko krosa jokatuko da asteburu honetan, Gipuzkoako Challengearen barnean, seigarren proba puntuagarria izango dena. Sei kilometroko lasterketa, larunbatean, 10:00etan izango da. Korrikalariek hiru bira eman beharko dizkiote ibilbideari proba osatzeko. Helmugaratzen diren lehen gizonezko eta emakumezkoa sarituko dituzte. Lasarteko Martin Berasategi jatetxean bi lagunentzako bazkari bana izango da saria. Bestetik, proba bukatzean, kirol materiala eta urdaiazpiko bat zozketatuko dituzte parte hartzaileen artean. Izen ematea, zabalik Hiriko U-51 edo Laister kirol dendatan egin daiteke izen ematea ostiraleko 13:00ak arte, sei euroren truke. Bestela, 627-137 201 telefonora dei daiteke. Larunbatean, proba hasi baino 20 minutu lehenago arte ere, izen emateko aukera egongo da, baina bederatzi euro ordaindu beharko dira. ...  2009/07/23 - 00:00:05

Bihar, pintura lehiaketa gautiarra egingo dute

Jazzaldian zehar, musika nonahi aurkitu ohi da Donostian, eta badirudi, hainbeste musikak sormena eta irudimena ere suspertzen dituela. Arteuparte aldizkariak eta Ondarra tabernak BRo! Jazz!Oh! gaueko I. pintura lehiaketa antolatu dute. Bihar, egingoo da, 22:00etatik 00:00etara Zurriolako hondartzan. Jazzaldia, ardatz Parte hartzeko baldintza bakarra 16 urtetik gora izan eta luzera eta zabaleran 40 cm baino gehiago eta 80 baino gutxiago dituzten obrak aurkeztea da. Garrantzitsuena, era berean, lanen gaia izango da: Jazzaldia eta Zurriola. Bihar, artista bakoitzak bere lana ¬lan bakarra onartuko da¬ Art. U estudiora (Zuberoa plaza 21 baxua, Usandizaga plaza zena) eraman beharko du, 22:00etatik 00:00etara. Lanek antolatzaileen zigilua izan beharko dute eta hau dela-eta, egun berean, aurrez, 19:00etatik 20:00etara, estudio beretik pasa behar da. ...  2009/07/21 - 23:20:02