Igeldo, Irutxuloko hitza

hitzako albiste zerrenda igeldo

Igeldo mendian 1936ko gerrako granada bat topatu dute bi gaztek

Ertzaintzak granada bat eraman zuen atzo Igeldo menditik, bi gaztek lehergailua topatu eta gero. Bi gazte hauek, hain zuzen ere, Ertzaintzari eman zioten aurkikuntzaren berri eta poliziek, ingurunea hesitu ondoren, granada eramatea lortu zuten. Aurkikuntza arratsaldean izan zen. Lehergailua 1936ko gerrakoa omen da.  2009/08/13 - 00:02:03

Ez dute erortzea nahi

Oso eraikin zaharrak dira biak. Eskola zaharrak, esate baterako, 100dik gora urte ditu. Urteak ez ezik, historia ere gordetzen du pareten artean. Eskola zaharra udaletxea izan zen Igeldo udalerria zenean. Sindikato etxea pentsu salerosketarako tokia, bestalde, antzoki eta zinema areto bezala erabili zuten XX. mendearen erdialdean. Igeldotarrek buruan dute bi eraikin hauei zer erabilpen eman. Azken urteetan erakundeekin hartu-emanak izan badituzte ere, ia ez da aurrerapausorik eman. Eskola zaharra 2007ko otsailean itxi egin zuten. Orduan zabaldu baitzuten eraikin berria errepidearen beste aldean. Handik hilabete gutxira Hezkuntza sailak Auzo eta Herritar partaidetzaren esku utzi zuen eraikina. Igeldoko Herri Kontseiluak proiektua aurkeztu zuen eraikina berritzeko. Eraikinak dituen lau solairuetan udal zerbitzuetarako tokia, Igeldon beharrezkoak dituen teknikarientzako bulegoa, adinduentzako gunea ¬errezetak, txertoak eta abar emateko¬, batzar gela jartzea proposatu zuen Herri Kontseiluak. Odon Elorza alkatearen hauteskunde programan ageri zen eraikin horretan esku hartzea eta IRUTXULOKO HITZAri maiatzaren 2an emandako elkarrizketan ere «giza eta kultur arloko ekipamendu berria egokitu» nahi dutela adierazi zuen alkateak. Asmoak asmo, bi urte daramatza eraikinak itxita. Igeldotarrek diotenez, udaberrian izan zuten orain arteko azken hartu-emana Udalarekin, baina ordutik, haiek dakitenez, ez dute inongo urratsik egin. ...  2009/07/10 - 00:27:03

Praxku eta Pepita, azkarrenak

Eguzki galdatan ospatu zuten igeldotarrek astelehenean San Pedro eguna. Santa Ixabelek, berriz, giro goibela ekarri du aurten eta baita euri pixka bat ere. Horrek baina, ez zien eragotzi herenegun arratsaldean igeldotarrei eta kanpotik Igeldora joandakoei festa giroaz gozatzea. Hasteko, txinga txapelketa. Bederatzi bat lagunek parte hartu zuten txapelketan eta Mikel Arrillaga igeldotarrak egin zituen plaza gehien . Irabazi zuela sinestea ere kosta egin zitzaion Antiguako harakinari. «Herri kirolak gustatzen zaizkit, baina ez nago txingekin ibiltzen ohituta , eta besoak asko nekatu zaizkit», esan zuen gorputzari buelta eman bezain laster. Txingak utzi eta denak pilotalekuaren ondoko belardira. Hor bi protagonista nagusi: Praxku eta Pepita zerriak. Jai batzordeko kideak hesiaren atzean pilatutako ikusleak xaxatu zituzten, eta azkenean hamar bikoteren izenak idatzi zituzten zerrendan urde harrapaketan jarduteko. Lan zaila, benetan. Belardia zertxobait bustita zegoenez eta Praxku eta Pepitari koipea bota zietenez, are zailagoa haiek gobernatzea. Horretaz gain, bikoteek oinak elkarri lotuta ekin zioten zerri bihurriak harrapatzeari. Hiru minutu eta erdi zuten, gehienez, lana burutzeko. Jon eta Iñigo izan ziren azkarrenak, eta Aitorrek eta Aritzek ere erakutsi zut...  2009/07/04 - 00:12:01

«Galdera asko egiten dizkidate erakustaldi osteko afarietan»

Txapelketatik haratago ere badute lana aizkolariek. Joxemari Olasagasti erakustaldi mordotan parte hartzen ari da, udarako jaiak direla medio. Igeldotarra, aizkorarekin nahikoa ez, eta idiekin aritzen da hara eta hona. Dena dela, txapelketak ez ditu guztiz alboratuta eta udaran ere lehiatuko da txapel edo garaikurren bat etxeratzeko asmoz. Prestakuntza aldetik alde handia al dago erakustaldi eta txapelketen artean? Hor ere aldea dago. Txapelketei begira entrenamendu saio serioak egin behar dira; bi hiru hilabete lehenago hasten zara prestaketarekin. Batetik bestera ibiltzeko kirol batzuk gehiago izaten ditugu. Hori bai, erakustaldietan ere ahal den guztia egin behar da, saiatu beharra dago. Astelehenean, adibidez, Tolosan galdu egin nuen Nazabalen kontra, baina erakustaldian zorte ona izan genuen eta gustura gelditu nintzen. Giro oso polita izaten da bai erakustaldietan eta bai ondorengo bazkari eta afarietan. Mahaiaren bueltan galdera asko egin ohi dizkidate: jakin nahi izaten dute nola moldatzen naizen 51 urterekin, zer jaten dudan, nola prestazen ditudan idiak... ...  2009/06/27 - 00:52:01

Kanpineraino espaloia egiteko zailtasunak dituela dio Udalak

Apirila bukaeran, zenbait auzotarrek, auzolanean, kaskoa eta kanpinaren arteko bide bazterra txukundu zuten. Igeldotarrak aspaldi ari dira tarte horretan espaloia jar dezaten eskatzen. Udalak dioenez, borondatea badu lan horri ekiteko, eta Zapatero planean sartzeko asmoa ere bazuen, baina bidearen zati batzuk pribatuak direla eta, ondorioz, jabeek baimena ematen ez badute, ezin dutela obrarik egin. Udalak gaineratu duenez, bidea itsasoaren aldetik egin beharko litzateke, kanpinaren pareko biribilguneraino. «Ezinezkoa da zati batzuk ezkerrean eta beste batzuk eskuinean egin», arrazoitu du Bide Publiko sailak.  2009/06/05 - 23:05:01

Poza hartu dute

Harrituta geratu dira igeldotarrak eta Amara Zaharrekoak. Nahi bai, baina ez zuten espero Jorge Letamendia Hirigintza zinegotziak Plan Orokor berrian egindako aldaketen inguruan herenegun esandakoa. Igeldon 155 etxebizitza egin behar zituzten, itsasora ematen duen aldean. Azkenean, baina, ez dituzte etxebizitzok egingo. Letamendiaren hitzetan, aintzat hartu dituzte herritarrek aurkeztutako alegazioak. 900 bizlanle inguruk ditu Igeldok eta 600 bat sinadura aurkeztu zituzten etxebizitzen kontra. Alegazioek ziotenez, min handia egingo zion Igeldoko herri izaerari etxebizitza berri eraikitzeak, populazioa asko haziko zelako, eta etxeok Donostiako beharrak ez lituzketela asetuko erantsi zuten. Herri Kontseiluak arrazoitu zuenez, aurreko Plan Orokorrak zioen Igeldon egin beharreko lanek herri txiki baten beharrei erantzun egin behar zietela eta hori eta 155 etxebizitza gehiago eraikitzea ez zetozela bat. Publikoki desadostasuna agerian uzteko aukera ere izan zuten. Adibidez, duela urtebete Plan Orokorraren bulegoko teknikariak Igeldoko Itsas Aurren planaren nondik norakoak azaldu zituztenean. Ordutik, Igeldoko Herri Kontseiluko iturriek azaldu dutenez, ez dute hartu-emanik izan Udalarekin eta, ondorioz, h...  2009/06/05 - 00:45:05

Migel eta Iñaki, urrezko lapak etxeratzeko bidean

Bihar bukatuko da Lapa Saria. Migel-Iñaki bikotea dago lehen postuan, lehen bi jardunaldiak jokatu eta gero. 500 puntu baino gehiago pilatu duen bikote bakarra da: 507 dituzte. Bigarren postuan Iker eta Igor sailkatuta daude, 443 punturekin. Hain zuzen, bikote horrek irabazi zuen bigarren jardunaldian. Karlos-Mikel (391 puntu) eta Manuel-Antonio (383 puntu) hirugarren eta laugarren dira, hurrenez hurren. Ezusteko handirik ezean, lau bikote horietako batek etxeratuko ditu Urrezko Lapak. Etzi jolasteko ez da beharrezkoa aurreko bi asteetan parte hartu izana. Lehen bi jardunaldiak bezala, azkena ere 22:15ean hasiko da eta aurretik eman ahal izango da izena; 20 euro ordaindu behar ditu bikote bakoitzek. Apirilaren 25ean eta maiatzaren 2an, 38na bikote aritu dira nor baino nor Itsas Aurren. ...  2009/05/06 - 23:51:04

Igeldoko mus festa hasiko da bihar

Bihar hasiko da XXIII. Lapa Mus Saria Itsas Aurren. Beste bi jardunaldiak maiatzaren 2an, larunbata, eta maiatzaren 8an, ostirala, izango dira, . Jardunaldi bakoitzean parte hartzeko 20 euro ordaindu behar du bikote bakoitzak. 22:30ean hasiko dira partidak eta 22:15ak arte eman ahal izango da izena. Puntu gehien pilatzen dituzten lau bikoteek 160, 140, 120 eta 100 euro etxeratuko dituzte. Bestalde, hiru jardunaldietan puntu gehien lortzen duen bikoteak urrezko lapak eta trofeoak etxeratuko dituzte eta bigarren, hirugarren eta laugarren sailkatuei bina trofeo emango dizkiete .  2009/04/22 - 23:34:06

Begi onez ikusten dute Sindikato etxea berritzea

Igeldotarrak Sustapen elkarteko kideekin elkartu berri dira, Sindikato etxeaz hitz egiteko. Igeldotarrek kaskoko sarreran duela hamar bat urte itxita dagoen etxea berritzeko proiektua landu zuten eta Sustapen Elkarteari aurkeztu zioten. Zenbait hilabetetako etena eta gero, elkartu berri dira bi aldeak. Donostiako Sustapenak Igeldori buruzko azterketa orokorra egin du eta haren barruan sartu du Sindikato etxea. Igeldotarrek azaldu dutenez, Sustapenak begi onez ikusten du etxea berritzea, Igeldori mesede egingo liokeelakoan. Hala ere, azken hitza Udalak izango du. Igeldoko Herri Kontseiluak duela bi urte luze proiektua aurkeztu zuen eta, besteak beste, pentsuak eta Igeldoko produktuak saltzea, turismo bulegoa eta jatetxea jartzea eta nekazaritza turismorako egokitzea proposatu zuen. Egitasmo horrek aurrera egin dezan, Plan Berezia landu beharko lukete igeldotarrek. ...  2009/04/03 - 23:22:09

Akelarren hotela eraikitzeko lanak geldirik daude

Aste honetan bertan hotel bat inauguratu dute hirian, Amara Berrin, hain zuzen ere. Egiten ari diren beste hotela, Akelarre, ez dute oraindik zabaldu eta, jatetxeko iturriek jakitera eman dutenez, udararako ere ezin izango dute prest eduki. Izan ere, lanak geldirik daude. Duela zenbait astetik ez dago makinarik Akelarre jatetxearen inguruan. Dirudienez, krisialdi ekonomikoak eragina izan du lanak egiten ari zen enpresarengan eta obrak bertan behera utzi ditu bukatu aurretik. Hala ere, Akelarreko iturriek jakitera eman dutenez, «lehenbailehen» obrei berriz ere ekin ahal izatea espero dute. Pedro Subijanak 2005ean eskuratu zuen baimena jatetxearen ondoan, 10.500 metro koadroko lursailean bost izardun hotela egiteko. 2005ean eta 2006an, Udal Gobernuak aurrena, udalbatzarrak ondoren eta Foru Aldundiak azkenik argi berdea eman zioten proiektuari. Erakundeek bete beharreko zenbait baldintza jarri zituzten, hala nola, Igeldoko errepide nagusiaren eta Akelarrera doan errepidearen arteko bidegurutzea...  2009/04/03 - 23:22:09