Edizio jarraia, Oarsoaldeko hitza
Oarsoaldeko hitzako azken ordua.
Kultur Sustapen Elkarteko xake taldea ez da mailaz igoko
Aurten ere ez da mailaz igoko Kultur Sustapen Elkarteko xake talde nagusia. Ligako azken jardunaldia izan zen asteburuan, eta partidak jokatu baino lehen sailkapenaren bigarren postuan bazeuden ere (igotzeko postuan, beraz), Bilboko Zuri-Baltza taldearen kontra 3-1 galdu zutelako laugarren postura jaitsi ziren. Beraz, igotzeko aukera galdu zuten. Juanjo Saenzek, Txus Agirretxek, Hugo Alvarezek eta Aitor Gonzalezek osatu duten taldeak, beraz, datorren sasoira arte itxoin beharko du kategoriaz igotzeko. 2010/03/16 - 11:47:01
Euskal Herriko Plaza Libreko Joko Garbi lehia
Gipuzkoako Ezker Hormako Joko Garbi Txapelketa bukatu ondoren, Euskal Herriko Plaza Libreko Joko Garbi Txapelketaren txanda da. 2010/03/16 - 11:47:01
Donibane Majestik-ek Ereintzari irabazi dio eskualdeko derbian
Donibane Majestik-ek azken jardunaldietako bolada ona mantendu du asteburuan. Herenegun, Ereintzaren kontrako derbia jokatu zuten, eta 25-19 irabazi zuten arrosek. Horrela, Gipuzkoako Lurraldeko Lehen Maila zazpigarren postura igo dira sailkapenean. Donibane Eskubaloia ez zen hain fin aritu; izan ere, hamar goleko aldea atera zion Iñaustik. Markagailua 22-32 geratu zen. 2010/03/15 - 23:54:02
Udaleku itxietan izena emateko epea bihar irekiko dute
Bihartik martxoaren 26ra bitarte udaleku irekietan izena eman daiteke. Pasaiako Udaleko Gazteria eta Kirol sailak jakinarazi duenez, Aldundiak antolatzen dituen udalekuak Euskal Herriko hainbat tokitan egingo dituzte, uztailean eta abuztuko lehenengo egunetan. Udalekuak zazpi edo hamar egunekoak dira, batzuk euskaraz eta beste hainbat elebitan. 9 urtetik 11 urte bitarteko haurrentzako bertsolaritzaren gaineko udalekuak izango dira, zazpi egunekoak; frantsesa ikasteko udalekuak, berriz, 12 eta 13 urteko gaztetxoei zuzenduta daude, eta horiek hamar egunekoak dira. Aurten, ordea, ez da ingelesa ikasteko udalekurik izango. 2010/03/15 - 23:54:02
Allerru-Algeposak lehen postua erdietsi du, 1-6 irabazita
Pozik daude Allerru-Algeposakoak. Sailkapeneko goialdera iritsi dira, larunbatean 1-6 garaitu baitzuten Elorrioko. Liderrarekin berdinduta daude jadanik, nahiz eta Laskorainek partida bat gutxiago jokatu duen. Bi taldeek, 22. jardunaldiaren ondoren, 48na puntu dituzte. Lezoarrek, horrela, gero eta hurbilago dute sekula lortu ez duten Nazional B Mailako txapelketa. Larunbatean Elorrion (Bizkaia) jokatu zuten partida lezoarrek. Guztira lau baja zituzten kanpotarrek eta, gainera, azken urteetan galdu egin dute bertako kantxan. Irteera zaila, beraz, lezoarrentzat. 2010/03/15 - 23:54:01
Maiatzaren 5ean hasiko dira Oiartzunen hiri hondakinen atez ateko bilketarekin
2010/03/15 - 17:58:01
Bukatu da Antxoko Musika Astea
Bukatu da Antxoko Musika Elkartearen Musika Astea. Atzo, igandea, bukatu zen, barrutiko San Fermin elizan Pasaia eta Pasaia Gazte abesbatzek egin zuten kontzertuarekin. Larunbatean, berriz, Donostiako Orfeoi Txikiak eman zuen kantaldia (irudian) Antolatzaileak pozik daude Musika Asteak izan duen harrerarekin, eta nabarmendu dute publiko aldetik ekitaldi guztietan «sarrera ona» izan dela San Fermin elizan. 2010/03/15 - 17:58:01
Zuhaitz Eguna egin dute Lezon
Urteetako etenaren ondoren, Zuhaitz Eguna egin zuten atzo Lezon. Hamarnaka herritarrek bat egin zuten Lezoko Udalaren deialdiarekin, eta Ipintza inguruan lizarrak, haritzak edo elorri zuriak landatu zituzten. Gazteenek gozatu zuten batez ere zuhaitzak landatzen. Atxurrak eskuan hartuta, 10:00etatik izan ziren Ipintza aldean etorkizuneko zuhaiztia jartzen. Luntxa ere egin zuten. 2010/03/15 - 17:58:01
Berdinketak etxeko taldeentzat
Puntu bat poltsikoratu dute Erregional Preferenteko futbol taldeek asteburuan. Puntu horri esker sailkapenean ez da eurentzat aldaketarik izan, eta lehengo tokian geratu dira: Beti Ona hirugarren, eta Touring hamahirugarren tokian. 2010/03/15 - 17:58:01
EAk bere partaidetza aztertzeko eskatu dio Udalari
EA ordezkaririk gabe dago Errenteria Udalean, eta bere partaidetza bermatzeko asmoz, bilera eskatu dio Juan Carlos Merinori. Bi arrazoi bultzatu dute eskaera hori egitera: Jose Mari Burgos zinegotziaren egoerak eta bestetik, "udal bizitzan parte hartzeko" nahiak. 2010/03/15 - 17:58:01
