Oarsoaldeko hitza

hitzako albiste zerrenda oarsoaldeko

UEMA Eguneko herri-kirolen jaian parte hartzeko taldea osatzen ari dira

Ekainaren 14an Azpeitian ospatuko da UEMA Eguna. Prestatzen ari diren egitarauan, besteak beste, herri-kirolen lehia izango da, Xibak antolatuta. Parte hartzeko Oiartzungo taldea osatzen ari da Ttur-Ttur Euskaltzaleon Bilgunea, «egunarekin bat eginez». Taldea osatzen Herri-kirol lehian herrika parte hartzen da. Talde bakoitza zortzi kirolarik osatzen dute, lau neskak eta lau mutilek. Parte hartu nahi duten oiartzuarrek 943 260 1 82 telefonora deitu behar dute hilaren 23a baino lehen. 1997tik UEMAko kide Oiartzungo Udala UEMAko kide da 1997. urteaz geroztik. «Gure nahia Oiartzun erakundean eta festan ordezkatua egotea da», esan dute udal ordezkariek.  2008/05/15 - 23:47:03

Autobusa antolatu dute Tolosako 14 orduetara joateko

Etzi dute hitzordua. Bazter guztietako mendizaleak Tolosan batuko dira lau urtetik behin antolatzen duten 14 orduko ibilaldi neurtuan parte hartzeko. Urte olinpikoarekin batera egiten da beti froga, eta horregatik askok, mendizaleen olinpiada ere deitzen diote ibilaldiari. Donibaneko hamazazpi lagunek parte hartuko dute etziko ibilaldi neurtuan. Batzuk ezagutzen dute lehenagotik froga, eta beste batzuentzako, ordea, lehen aldia izango da. Edonola ere, batzuk eta besteak gogotsu doaz hitzordura. Entrenatzen ere aritu dira. Parte-hartzailetako batek, Satur Telletxeak jakinarazi duenez, badira bi hilabete inguru larunbatero sei orduko mendi buelta egiteko gelditzen direla. Norbere aldetik ere, aritu omen dira entrenatzen, etzirako sasoian egoteko. Donibaneko taldearena izan zen, hain zuzen, autobusa antolatzeko ideia. Tolosan goizaldean aparkatzeko arazoak izan ohi dira, eta horiek saihesteko erabaki dute autobusa antolatzea. Konturatzerako eskualdeko lagun asko batu zaizkie, eta dagoeneko 40 lagun inguruk eman dute izena beraiekin batera autobusez joateko. Plaza batzuk libre dituzte oraindik, eta norbaitek interesa balu 616 780 362 (Satur) telefonora dei dezake. ...  2008/05/15 - 23:47:03

Illunbe Akordeoi Orkestrak kontzertua du Fraga herrian

Illunbe Akordeoi Orkestrak kontzertuak eskainiko ditu gaur eta bihar Fraga (Huesca) herrian. Hala, ikasturtea amaitzear denean, urtean zehar egindako entseguetan zer ikasi duten erakusteko aukera izango dute Illunbekoek Aragoi aldean. Jose Juan Zubillaga zuzendariaren aginduetara izango dira akordeoijole gazteak. Fragarako prestatu duten egitarauaren barnean, Astor Piazzola ezagunaren Libertango pieza, Rossiniren Italiana en Argel, edo Gimenezen La Boda de Luis Alonso daude. Pasaia Musikalen kontzertuak Bien bitartean, Pasaia Musikalen ikasturte bukaerako kontzertuetako emanaldia izango da gaur, 19:00etatik aurrera, Trintxerpeko Alkateordetzan. Biolontxelo bakarlariez eta akordeoi bikoteez gain, Illunbe Txiki Musika Bandak bost pieza joko ditu. Bost pieza horietatik hiru, filmeen jatorrizko musika dira, eta beste bi, rock talde historikoen kantak. Hartara, James Bond, Axel Theme eta Ghostbusters filmeetako kantak joko dituzte; horrez gain, Deep Purple taldearen Smoke on the Water, eta Queen-en We Will Rock You. Roberto Vergara da Illunbe Txiki Musika Bandaren zuzendaria. ...  2008/05/15 - 23:47:03

Danbor hotsez ospatuko dituzte gaur zilarrezko ezteiak Ur-Gaiñekoek

Oraindik ez dira jaiak, baina gaur itxura hori hartuko du Trintxerpek. Ur-Gaiñ Elkarteak antolatuta danborrada irtengo da gauean. Izan ere, gaurtik igandera bitartean ospatuko baitira elkartearen 50. urteurrena ospatzeko antolatutako azken ekimenak. Ur-Gaiñeko kideekin batera, Karmengo Amaren jaietan irten ohi diren beste lau danborraden ordezkaritzek joko dute gaur. Unerik hunkigarriena, Josu Elberdin musikagile pasaitarrak elkartearentzako propio konposatutako ereserkia estreinatzearekin batera iritsiko da. Danborrada 21:30ean irtengo da elkartearen egoitzatik ondorengo ibilbidea egiteko: Serafin Esnaola, Euskadi Etorbidea, Jaizkibel kalea, Azkuene, Euskadi Etorbidea, eta Alkateordetza. Afaria eta kontzertua Bihar, pilota finalak jokatuko dituzte frontoian. Arrieta eta Bolinaga, Ropon eta Leundaren kontra arituko dira, eta Baez II eta Huarte, Renobales eta Galarragaren kontra. Ondoren egingo diete omenaldia elkartea sortu zuten bazkideei. Pastor Fontan, Juan eta Antxon Garaizar eta Jose Luis Olasagasti dira omenduak. Arratsaldean, aldiz, zendutako bazkideak gogoratuko dituzte, eta urteurrena gogoratuko duen plaka inauguratuko dute elkartean. Egunari bukaera emateko afaltzera bilduko dira guztiak, frontoian. Dantzaldia ere izango da. ...  2008/05/15 - 23:47:03

53 urteko errenteriarra atxilotu dute, sute bat sortu izana egotzita

Leitzan eta Oiartzunen Vanpac Birziklatze Enpresaren egoitza erre izanagatik 33 urteko errenteriarra atxilotu du Guardia Zibilak 52 urteko Lasarte-Oriako lagun batekin batera. 33 urteko errenteriarraren inizialak M. J.C. M. dira, eta 52koarenak J. M. A. O. Guardia Zibilak agiri batean azaldu duenez, 2007ko azaroaren 26an 100 tona paper erre zituzten. «Kalteak, sutea eta mehatxu» egin izana leporatu zaie. Aurretik, Vanpac enpresari azaroaren 15ean ere egin zioten eraso. Bertan 180 tona paper erri zituzten. Atxilotuak atzo epailearen aurretik pasa ziren.  2008/05/15 - 23:47:03

Klasera joateko beste modu bat

Tipi-tapa ere joan daiteke ikastetxeetara. Autobusak, autoak, bizikletak, trenak... haien pareko garraiobideak dira norberaren oinak ere. Oinbus ekimena da. Haurtzaro Ikastolara eta Elizalde Herri Eskolara astebetez bada ere, oinez joateko ekimena. Ikasleen artean garraio iraunkorra sustatzeko modua da. Puntu-puntuan eskolara Altzibartik 08:40tan puntu-puntuan abiatzen dira Elizaldera doazen ikasleak, lauzpabost gurasoren laguntzarekin. «Abiatu behar dugu», zioten gurasoek erlojuei erreparatuz. Hamar bat ikasle joan dira oinez egunero, baina atzo oraindik ikasle berriak gehitzen ari ziren ekimenera. Haurrak kontent abiatu ziren eskolara, guraso bana aurrean eta atzean, bidea segurtasunez pasatzeko. Bide seguruak Altzibartik, bidegorriz joaten dira. Bidea bitan zeharkatu behar dute: espaloiz aldatzeko Altzibarren bertan eta eskolara sartzeko, gero. ...  2008/05/15 - 23:47:03

Koruen Eguna izango da gaur Musikasteren baitan

Koruen Eguna ospatuko da gaur Musikaste-Euskal Musikaren Astearen baitako ekitaldian 20:30etik aurrera Fatimako Andre Maria Parrokian. Sei abesbatzak hartuko dute parte kontzertuan: herriko Orereta eta Landarbaso Abesbatzek, Leioa Kantika Koralak, Etxarri-Anarazko Koralak, Hodeiertz Abesbatzak eta Bergarako Orfeoiak. Koru Egunean bost musikagile gogoan eta zazpi musikagile garaikide entzun ahal izango dira sonoritate ezberdinekin; haur ahotsetatik, ahots nahasiak eta koru espezializatuak izango dira entzungai. Abesbatza bakoitzak hiru kantu abestuko ditu, Bergarako Orfeoiak ez beste, bi kantatuko dituela. Obrak guztien artean hiru azpimarratu behar dira, estreinaldi nagusiak izango direlako: Xabier Sarasolaren Xulufraia, Javier Bustoren Herriko Musika eta David Azurzaren Cómo se pasa la vida. ...  2008/05/15 - 23:47:03

Sabecoko langileek elkarretaratzea egingo dute, gaur, 12:00etan

Niessen Merkatalgunean dagoen Sabeco supermerkatuko langileek elkarretaratzea egingo dute, gaur, 12:00etan, Xabier Olaskoaga plazan ELA eta LAB sindikatuek deituta. Langileek Gipuzkoako Elikaduraren Hitzarmen Kolektiboa ezartzea aldarrikatuko dute, orain indarrean duten Espainia mailako Hitzarmen Kolektiboaren ordez. Izan ere, bi sindikatuen esanetan, «Espainia mailako Hitzarmen Kolektiboak, Errenteria-Oreretako gainerako elikadurako komertzioetan ari diren langileen soldata baino %30 txikiagoa» baita Sabecoko langileentzat. Bi sindikatuek CCOO eta UGT sindikatuak jotzen dituzte Sabecoko langileen egoeraren errudun, azken bi horiek baitira Madrilen Espainia mailako Hitzarmen Kolektiboa onartu zutenak. Elkarretaratzearekin mobilizazioen lehen fasea bukatuko dute.  2008/05/15 - 23:47:03

Udaberri Jaia antolatu dute astebururako Gaztañon

Auzoko ingurumena babesteko eta hirigintza planak salatzeko Udaberri Jaia antolatu dute bizilagunek astebururako. Aldarrikapena eta festa uztartzen dituen festa izan ohi da Udaberri Jaia. Hirugarren urtez jarraian antolatu dute Gaztañoko bizilagunek ekitaldi hau. «Proiektu espekulatibo hauek auzoko baratzak, zuhaitzak eta berdeguneak suntsituko dituztenez, pentsatu genuen erantzunik onena zela San joan bezperako sua egiten den zonaldean zuhaitz landaketa herrikoia egitea, auzotarrak auzoko ingurumenaren eta honen defentsan inplikatzeko», adierazi zuten iazko udaberri jaiaren inguruko azalpena ematerakoan festaren sustatzaileek. Bihar ekingo diote Udaberri jaiari Gaztañoko auzotarrek. 19:00etan egin dute hitzordua auzoko Bukagaitz Elkartean. Antolatzaileek gogorarazi dute kanpin denda, lotarako zakua eta afaria eraman beharko direla, gero, 19:30ean, kanpalekua atontzen hasiko baitira. ...  2008/05/15 - 23:47:03

Poesia errezitaldi kolektiboa izango da, gaur, Mikelazulon

Mikelazulo Kultur Elkarteak antolatutako 8. Poesia Astearen baitan, gaur, bi bideoren proiekzioa izango dira, baita (H) Abiapuntuak poesia errezitaldi kolektiboa ere, 20:30etik aurrera. Lehendabizi bi bideoen proiekzioari ekingo diete. Lehen bideoa Auxtin Zamorarena izango da, eta Barneko burbuilak deitzen da. Bigarren bideoa, berriz, Lorentxo Garmendiarena izango da. Gaurko emanaldiarekin bukatzeko, ordea, lehen aipatutako (H) Abiapuntuak poesia errezitaldi kolektiboa eskainiko dute eta Euskal Herri osoko idazleek hartuko dute parte . Etzi, bi ikuskizun Hein berean, 8. Poesia Astearen baitan, etzi, Lezoko Gezala Auditoriumean bi ikuskizun eskainiko ditu Mikelazulo Elkarteak: Metro koadro bat eta Ezeraiketak. Lehen ikuzkizunak poesia, musika, dantza eta arte plastikoak nahasten ditu; bigarrenak, aldiz, poesia eta musika esperimentala. ...  2008/05/15 - 23:47:03