Areso, Tolosaldeko hitza
Hitzako albiste zerrenda areso
Aresoko plazatik abiatuta, III. Mendi Martxa, igandean
Aresoko III. Mendi Martxa izango da igande honetan. Herriko plazatik abiatuta, Ulizar, Urkiza, Pagozelai eta Lau Mugarrietatik (Guratz) igaroko dira mendizaleak. Hirugarrenez antolatu dute mendi martxa eta oraingo honetan ere, luntxa, opariak eta zozketak izango dira parte-hartzaileentzat. Denera 26 kilometro zeharkatu beharko dituzte, eta horretarako 4-5 ordu beharko dituztela aurreikusten dute antolatzaileek. Aldez aurretik izena emateko epea gaur amaitzen da. Horretarako interesatuek 948 60 45 45 telefono zenbakira deitu behar dute, edo kirolmank@gmail. com helbidera idatzi. Prezioa 5 eurotakoa da. Baina egunean bertan ere 7:00etatik 07:45etara bitartean, plazan, izena eman daiteke. Honela eginez gero, hiru euro gehiago ordaindu behar dira. ... 2010/08/31 - 23:40:03
Euskal Herriko Txapelketan Areso bigarren gelditu da
Goiherri A talde bizkaitarrak aurreneko bi jardunaldiak irabazi zituen 600 kilotan, txanda eta tiraldi guztietan nagusi izan zelarik, ondorioz, alde handi samarrarekin ekin zion larunbatean pisu horretako hirugarren eta azken jardunaldiari. Erandioko taldeak jokatutako sei txandak eta 12 tiraldiak irabazi zituen, jardunaldiko zazpi puntuak eta txapela bereganatuz. Bigarren eta hirugarren posturako, berriz, berriro ere parra egin zuten Aresok eta Mutrikuk, elkarri tiraldi bana irabazita. Baina aurrez Aresok puntu bateko aldea zuenez, bigarren postuari eustea lortu zuen. Larunbateko saioa Erandioko Goiherri-San Cristobal auzoan jokatu zen, eta Txapelketako bederatzigarrena izan zen. Aurreko bi jardunaldietan bezala, zazpi taldeok lehiatu ziren: Areso (Nafarroa Garaia), Gaztedi A eta Gaztedi mistoa (Laukiz, Bizkaia), Getxo (Getxo, Bizkaia), Goiherri A (Erandio, Bizkaia), Goiherri B (Erandio, Bizkaia) eta Mutriku (Mutriku, Gipuzkoa). ... 2010/07/13 - 00:10:01
600 kilokoen finala bihar jokatuko da
Lur gaineko Euskadiko Sokatira txapelketako bederatzigarren saioa jokatuko da asteburu honetan. Jardunaldia Erandioko (Bizkaia) Goiherri-San Cristobal auzoan izango da. Hau, 600 kiloko txapelketako hirugarren eta azken saioa izango da. Beraz, hor erabakiko da zeinek irabazten duen lehia. Zazpi talde ikusteko aukera izango da biharkoan. Areso, Gaztedi A eta Gaztedi mistoa (Laukiz, Bizkaia), Getxo (Getxo, Bizkaia), Goiherri (Erandio, Bizkaia), Goiherri B (Erandio, Bizkaia) eta Mutriku (Mutriku, Bizkaia). 17:30ean hasiko da norgehiagoka. Goiherri A taldeak irabazi ditu aurreko bi jardunaldietako txanda eta tiraldi guztiak. Ondorioz, nahikoa lukete Goiherrikoek bihar laugarren sailkatzea txapelari eusteko. ... 2010/07/08 - 23:40:01
600 kilokoen bigarren saioa jokatuko da gaur
Gaur lur gaineko Euskadiko Sokatira Txapelketako zortzigarren saioa jokatuko da Amoroton (Bizkaia). Hau, 600 kiloko lehiako bigarren jardunaldia izango da. Bertan izango dira Aresokoak, Euskal Herriko beste sei talderekin batera. 17:30ean ekingo diete lehiari. Goiherri A taldeak irabazi zuen lehen saioa, txanda eta tiraldi guztiak irabazita. Hala ere, Laukizko (Bizkaia) Gaztedik zelairatutako talde mistoak lan aipagarria egin zuen. Nabarmentzekoa da gainera, taldea mistoa izaki, emakume eta gizonez osatua dagoela. Hori dela eta, ziurrenik, bigarren aukera hau baliatu nahiko dute Erandiokoei txapelaren bidea zailtzeko. ... 2010/07/03 - 00:46:04
Sokatira Txapelketan ordu aldaketa egon da
2010/06/22 - 23:22:01
Olanok beste txapel bat lortu du
2010/06/22 - 00:07:04
Aresok hirugarren postua lortu du 640 kilotan
Goiherri A taldeak irabazi du lur gaineko Euskal Herriko Sokatira Txapelketako 640 kiloko txapela. Igandean jokatu zen pisu honetako hirugarren eta azken jardunaldia, Aian, eta Erandioko (Bizkaia) taldeak irabazi ez zuen arren, eutsi egin zion aurreko bi jardunaldietan lortutako aldeari. Azken saio honetan Mutrikuk lortu zuen tiraldi bat irabaztea txapeldunei, eta, horri esker, parra egin zuten jardunaldiko sailkapenean. Lur gaineko Euskal Herriko Sokatira Txapelketako zazpigarren saioa izan zen igandekoa. Horrenbestez, bidearen erdia egina dute tiratzaileek, 600 eta 580 kilotako txapelketak geratzen baitzaizkie. ... 2010/06/22 - 00:07:04
Euskadiko Sokatira Txapelketako saioa, gaur
Lur gaineko Euskadiko Sokatira Txapelketako bosgarren saioa jokatuko da gaur Erandion (Bizkaia). 640 kilokoen bigarren jardunaldia izango da, hain zuzen. Norgehiagoka Erandioko Goiherri Martiartun izango da, 17:30etik aurrera. Aresorekin batera, ondorengo taldeak ariko dira jokoan: Gaztegi (Laukiz, Bizkaia), Getxo (Getxo, Bizkaia), Goiherri A (Erandio, Bizkaia), Goiherri B (Erandio, Bizkaia) eta Mutriku (Mutriku, Gipuzkoa). Orain dela bi aste ekin zitzaion 640 kiloko txapelketari, eta Goiherri A gailendu zen. Berritasunen artean aipatzekoa da, Mutriku bigarren sailkatu izana. Besteak beste, tiraldi bat irabazi zion Goiherri A taldeari. Oro har, lehia estua izan zen tiraldi gehienetan, eta berdinketa bat baino gehiago izan zen saioan. ... 2010/06/12 - 00:41:08
Uztailean, dantza, musika, jolasak eta gehiago, udalekuetan
Uda honetan ere Aresoko haurrek ez dute aspertzeko aukerarik izango. Izan ere, udako kirol ekintzak antolatu dituzte Guraso Elkartekoek eta Kirol Mankomunitatekoek, elkarlanean. Gauzatuko dituzten ekitaldien artean daude, besteak beste, kapoeira, musikarekin dantzak, jolasak eta gehiago. Uztaileko goizetan izango dira saioak. Parte hartu nahi duten haurrek, izena emateko garaian, 45 euro ordaindu beharko dituzte. Izena ematen duten haur kopuruaren arabera, horretarako epea, etzi amaituko da. Aipatzekoa da hala ere, Guraso Elkarteak laguntza emango duela ekintza guztiak antolatzeko. Honela, kostuaren erdia beraiek ordainduko dute. ... 2010/06/08 - 23:16:03
Aresok badu bere tokia interneten
Sarean sartu berria da Areso, webgune berriarekin. www.areso.info orrialdeak herriko sekretuak kontatzen ditu: Udalaren antolaketa, nola iritsi, geografia, historia, zer ikusi, zerbitzuak eta argazkiak besteak beste. Udalak pasa den urtean eman zuen lehenengo pausua, herrian wifi sistema jartzean. Bigarrena berriz, webgunea berritzea izan da. Aresoar guztiek dute beraz, beren etxetik herriari buruzko informazioa jasotzeko aukera, eta bide batez Udalarekin harremanetan jartzekoa. Herritik kanpo bizi direnek ere, informazio zabala dute; herrian zer ikusi, non jan, non lo egin eta herriaren inguruetan txangoak egiteko azalpenekin. ... 2010/06/03 - 00:26:01
