Berastegi, Tolosaldeko hitza

Hitzako albiste zerrenda berastegi

Wukro herriari lagunduz

Badira hiru urte Berastegiko Muñagorri eskolak Agenda 21en hartzen dutela parte. Lehenengo ikasturtean hondakinen inguruan aritu ziren eta iaz ekitatea landu zuten. «Bi gai hauek uztartuz, iaz Ingurumen Batzordean, gabonak baino lehen, bigarren eskuko azoka bat antolatzea erabaki genuen. Helburua soberan edo erabiltzen ez ditugun gauzei etekina atera eta erabilpen berri bat ematea izanik», argitu dute eskolako arduradunek. Orduan ere azokan ateratako dirua «helburu solidarioa» batera bideratuko zutela argitu zuten, nahiz eta ez zuten helburua zehaztu. Orain ordea erabaki dute dirua nora bidaliko duten: Wukro izeneko Etiopiako herria. ...  2010/03/09 - 00:23:01

Herri batzarra egingo dute diagnosiaren emaitzak azaltzeko

Udaleko Agenda 21 egitasmoaren baitan, herri batzarra deitu dute datorren ostegunerako. Bilera, hilaren 11n, 19:30ean izango da, udaletxeko pleno aretoan. Herri batzarraren helburua «Agenda 21eko Ekintza-Planaren Ebaluazioaren emaitzak aditzera ematea» izango da. 2006an eman zioten hasiera Berastegin Agenda 21 prozesuari. Hurrengo urtean, Iraunkortasun Diagnostikoa prestatu zuten eta urte horren amaieran bertan nahiz 2008 hasieran, Berastegiko Agenda 21 Ekintza-Plana adostu eta Udalak Osoko Bilkuran onartu zuen. Orduz geroztik, 2008 eta 2009 urteetan Ekintza-Planean txertaturiko zenbait ekintza aurrera eraman dituzte. Hala, orain gutxi, Ekintza-Planaren ezartze mailaren inguruko ebaluazioa egin dute Foru Aldundia eta Berastegiko Udalaren artean, Minuartia-Enea kontsultoraren laguntza teknikoaz. Hori dela eta, azterketa honetan lorturiko emaitzak aditzera emateko egingo dute datorren osteguneko herri batzarra. ...  2010/03/06 - 01:06:01

Emakumearen egunaren harira, zenbait ekitaldi

 2010/02/26 - 00:16:02

Udalak herriko elkarteak diruz laguntzeko irizpideak finkatu ditu

Berastegiko Udalak «herriko kultur, kirol eta gizarte dinamizazioa» mantentze aldera eta «bide eta eginkizun berriak bilatzeko» xedez elkarteei diru laguntzak emateko irizpideak eta prozedura finkatu ditu. Hala,ezaugarri ezberdinetako elkarteek jaso dezakete Udalaren laguntza. Zehazki, bost ezaugarri zehaztu dituzte. Batetik, bere borondatez jarduera kolektibo egonkor bat burutzeko bildu diren pertsonez osaturiko elkartea izatea. Bestetik, bere helburu eta jarduerek balio publiko eta soziala izatea. Xede ekonomiko edo irabazi asmorik ez duten elkarteek ere jaso ahalko dute laguntza hori. Halaber, gizarte, kultura eta kirol gaietako elkarteentzat ere zuzenduak izango dira, beti ere herriaren sustatzea eta hobetzea bilatzen badute. Azkenik, herriko eremuan edota herriaren onurarako ahaleginetan dihardutenak aipatzen ditu Udalak onuradun bezala. ...  2010/02/20 - 01:30:02

Gaurkorako aurreikusitako hitzaldia, bertan behera

 2010/02/05 - 00:51:01

Osasun emozionala hizpide etzi Gaztainondon

 2010/02/03 - 00:37:02

Jaso dute bedeinkapena

San Anton eguna izan zen herenegun eta urtero legez Berastegiko San Anton Ermitan animalia ugari bildu ziren. Baserri eta etxeetako animalia kuttunenak eraman zituzten baselizara, bertan bedeinkapena jasotzeko. San Antonen irudi berria Hurbildu zirenek, hala ere, izan zuten bestelako eragingarririk ere, izan ere, Luis Erasok egindako San Anton irudi berria ikusi ahal izan zuten. Gogoratu behar da, orain urte bete inguru ermita honetako, Belauntzako eta Berrobiko santuen irudiak lapurtu zituztela.  2010/01/18 - 23:57:01

Ama guztientzat larrosak opari

 2010/01/09 - 00:48:01

Udaletxe bat baino gehiago

Berastegiko plazan duela bi hilabetetik hona monumentu bat aurkituko du bisitariak. Baina ez da berria, hiru mende pasatxo ditu. Izan ere, duela bi hilabete jakinarazi zioten Udalari udaletxeko eraikina ondare kulturala izendatu zutela, monumentu mailan, Euskal Ondare Kulturalaren Inbentario Nagusian. Udalak berak eskatu zuen izendapena; esan beharrik ez dago, hortaz, «oso pozik» hartu zutela albistea udal arduradunek. Eskaera horren arrazoia argi azaltzen du Aitor Lizartza alkateak: «Eraikina berritu beharra dago, zonalde batzuk oso hondaturik daude eta Udalak ezin zuen gisa honetako obra bat bere gain hartu, kostua altuegia izango litzateke». Eta hemen gakoa. Izendapenari esker, berritze lanetarako dirua lortzea errazagoa izango dela aitortu du Lizartzak. Hala ere, oraindik ez dira horretan jarri. «Orain ateak jo behar ditugu, baina izendapenak lagunduko du, sentsibilizazioa handiagoa izango delako». ...  2010/01/09 - 00:48:01

Shanti Torneoko bi sari, etxera

 2010/01/08 - 01:38:02