Alegia, Tolosaldeko hitza
Hitzako albiste zerrenda alegia
Alebin mailako Gipuzkoako finalaurrekoak Alegian
Gaur 19:00etatik aurrera alebin mailako Gipuzkoako Txapelketako finalaurrekoak jokatuko dituzte Alegiako frontoian. Lehenik eta behin Bergara eta Antiguoko lehiatuko dira eta ondoren Beharzana eta Intxurre 1 (Gorka Altuna eta Aratz Irazustabarrena). Joan den asteko partidei dagokionez Udaberri Txapelketan 3. mailako nagusietako finalaurrekoetan Intxurre 1ek (Alonso-Olano) 22-15 irabazi zion Intxurre 2ri (Ibarguren-Erauskin). Horiek horrela, Intxurre1 taldea hilaren 28an jokatuko den finalerako sailkatu da. Deba-Goierri-Tolosaldea eskualdeko Txapelketan alebinen finalaurrekoetan Intxurre 2k (Jon Luzuriaga, Xabier Luzuriaga, Aitor Murua) 16-5 irabazi zion Lapke 1i (Lazkaoko taldea). ... 2010/03/17 - 01:22:01
Alegiako Mendi Asanbladaren irteera
2010/03/11 - 23:52:08
Eroritako zuhaitzak aprobetxatzeko
2010/03/11 - 00:42:04
Errotaldea Fabrensan lan istripuz hildako langilearen heriotza salatu dute
LAB sindikatuak elkarretaratzea egin zuen atzo Alegiako plazan. Bertan 40 lagun inguru elkartu ziren lan istripuz hildako azken langilearen heriotza salatzeko. Nafarroan, Araban, Bizkaian eta Gipuzkoan aurten 16 langile hil dira lan istripuen ondorioz, eta Lapurdin, Behe Nafarroan eta Xiberoan hiru, sindikatu abertzaleak zabaldutako datuen arabera. J.L.G.C. martxoaren 5ean hil zen «altueratik erorita». LABek jakinarazi duenez 61 urte zituen lasartearrak eta Alegiako Errotaldea Fabrensa industrigunean eduki zuen lan istripua. «Langileak Maquinaria Tuvasa SL enpresak azpikontratatutako Montajes Industriales Danaka-n egiten zuen lan». ... 2010/03/11 - 00:42:04
Elkarretaratzea azken lan istripua salatzeko
LAB sindikatuak pasa den ostiralean Alegiako Errotaldea Fabrensa industrigunean izandako heriotza salatzeko elkarretaratzea egingo du gaur 12:00etan Alegiako udaletxearen aurrean. Lasarteko 61 urteko pertsona bat hil zen lan istripuaren ondorioz, eta sindikatuaren arabera, honekin «16 langile dira jada Hego Euskal Herrian aurten lanean izandako istripuen eraginez hil direnak». 2010/03/10 - 01:35:02
Gaztetxoak ere zuhaitzak landatzen
2010/03/09 - 00:27:02
Gaur da afarirako txartelak erosteko azken eguna
2010/03/04 - 00:56:01
Gurasoei zuzendutako eskolak antolatu dituzte hil honetarako
Alegiako San Juan eskolako eta Aralar Institutuko guraso elkarteek gurasoentzako eskolak antolatu dituzte hil honetarako. Baikara Gipuzkoako Gurasoen Elkarteko Federazioaren Esther Martinez pedagogoak emango ditu eskolak. Hiru gai jorratuko dituzte bertan: Gizarte trebetasunak eta gatazken ebazpenak, Autoestimua eta Guraso, eta seme-alaben heziketa emozionala. Lehenengo saioa gaur bertan izango da, 18:00etan. Saio guztiak patioko liburutegian egingo dira eta guraso guztiei irekita dago parte hartzea. Guraso elkarteak berak eskatutako gaiak izango dira saioetan jorratuko direnak. «Gaur egun heziketa emozionalarena dezente eskatzen da gurasoen aldetik», azaldu du Martinezek. «Nahikoa jorratzen ari gara aurten gai hori. Komunikabideetan indarra hartu du. Gehiago hitz egiten da emozioei buruz, zer garrantzitsua den hauek erregulatzea eta nik uste dut motibazioa sortu duela gaia lantzeko». ... 2010/03/02 - 00:40:03
«Bakoitzak bere hausnarketa egin behar du interneti buruz»
Internet eta teknologia berriak etxean eta familiak hitzaldia emango du Patxi Gaztelumendik (Larrabetzu, 1972) martxoaren 3an, asteazkena, 18:00etan Alegiako Kultur Etxean. Abenduan bete ditu bost urte bere www. gaztelumendi.org blogak. Bertan «kontu pertsonalak, zaletasunak, iritziak, gertaerak... denetarik joan da», azaltzen du Gaztelumendik. Nondik helduko diozu Alegian eman behar duzun hitzaldiari? Internet alkoholarekin, autoarekin eta kirolarekin alderatuko dut . Galdetzen didatenean autoa ona den, edo alkohola ona den, edo kirola ona den, zer pentsatua ematen dit. Galdetzen didatenean internet ona den haurrentzat edo ona den gurasoentzat, adibide horiek jartzen ditut. Normaltasunez bizitzearen hautua da. Hortik bideratu nahi dut, gaia etxekotu: hedabideetatik igortzen den mezuaz aparte, bakoitzak bere hausnarketa egitea. Hau da, nola erabiltzen duen gauza bat edo bestea, telebista edo boligrafoa izan. Boligrafoa erabili daiteke sortzeko edo beste bati begietan sartzeko. Bestalde, internetek izan ditzakeen eragin onak jorratuko ditugu. Arriskuez ere hitz egin beharko dugu, baina gehiago eduki dezakeen eragin onei buruz. ... 2010/02/27 - 01:25:02
Afaria eta elkarretaratzea antolatu dituzte Emakumearen egunaren harira
Emakumearen egunaren harira afaria eta elkarretaratzea antolatu dituzte Alegian. Afaria martxoaren 6an izango da, Kultur Etxean, 21:00etan. Afaria eta gero dantzaldia egongo da leku berean. Antolatzaileek afarira zerbait morea eramateko eskaria egin dute. Txartelak 25 euro balio dute eta Kultur eta Kirol Etxean salduko dira martxoaren 4a arte. Elkarretaratzea, berriz, Emakumearen Nazioarteko Egunean bertan izango da, martxoaren 8an. 19:00etan izango da eta herriko plazan elkartuko dira. 2010/02/26 - 00:20:03
