Altzo, Tolosaldeko hitza
Hitzako albiste zerrenda altzo
Eskola Txikien Festa handia
Eguna gris eta goibel esnatu bazen ere, Altzoko plazan eta kaleetan, giro ona protagonista izan zen igandean, Eskola Txikien Festan. «Eguraldiarekin kezkatuta geunden, baina eutsi egin zion egun guztian zehar. Oraindik zenbat jende etorri den zehazterik ez dugu, baina festak izan zuen harrerarekin oso gustura gaude, txoratzen» azaldu du Mikel Olanok, Santilazpi Guraso Elkarteko lehendakariak. Atzo herriari betiko itxura ematen ari ziren; karpak, agertokia...bildu eta egunerokotasunera itzuli nahian. Beti ere, urtebeteko lanak utzi duen emaitza onaren pozarekin. Ekitaldi berezi eta hunkigarriak ... 2010/06/15 - 00:11:16
Erraldoi txikien festa
Eskola Txikien festa handia ospatuko dute bihar Altzon. Urtebete daramate prestaketa lanetan eta nabaria da festaren usaina herrian. Agertokia plazaren erdi-erdian, karpak, apaingarriak kaleetan, ohikoa baino mugimendu handiagoa..... Pasa den urtean, Berrobiko San Andres eskolak lekukotza eman zienetik lanean ari dira. «Urtebete daramagu prestaketa lanetan, baina azken hilabeteak dira gogorrenak. Aste honetan, urduritasuna nabaria da gainera. Dena lotuta utzi nahi dugu eta bihar dena ongi ateratzea nahi dugu» azaldu du Mila Etxeberriak, Imaz Bertsolaria eskolako zuzendariak. Laurehun biztanleko herrian, hiru mila lagun espero dituzte. Herri txikia, handi bihurtuko da bihar. Egun handia izango da biharkoa altzoarrentzat. ... 2010/06/12 - 00:48:01
Dena prest Eskola Txikien Festarako, Altzon
2010/06/10 - 00:27:02
Kirolari Ateak Irekita Eguna
2010/06/08 - 23:22:03
Kirolaren Eguna ospatuko dute etzi
2010/06/03 - 23:46:01
Eskola Txikien festarako prestatzen
Eskola Txikien festa aurretik, prestaketa lanetan dabiltza Altzoko guraso, ikasle, irakasle eta herritarrak. Larunbata horren lekuko izan zen. Arratsaldeko bostetarako herriko plazan mugimendua nabarmena zen. Herriko gaztetxoak, oholtza gainean entseguak egiten aritu ziren. 19:00etan, Maixa Lizarribarrek eman zion hasiera ekitaldiari. Loatzokoek , Zaldibobo taldearen Lurra abestia eskaini zuten. Ondoren, arratsaldeko animoak berotu zituen lehen ekitaldia etorri zen. Herriko gazteenek, Eskola Txikietako festan salgai izango diren arropekin desfilea egin baitzuten. Alurr dantza taldekoek eman zioten segida festari. Erakustaldia amaitzean, 2,42 metroko gizona lagun batzuk ondoan zituela, plazan agertu zen. Altzoko erraldoiaren parodia eskaini zuten herriko gazteek. 150 urte atzera egin eta garaiko pertsonaiek bizia hartu zuten: Altzoko erraldoia, honen aholkulari Artzaun, Imaz bertsolaria , Asteasuko itsua eta Jauregiko txanbolin. ... 2010/05/25 - 00:27:03
Eskola Txikien Festa Girotzeko Ekitaldiak
2010/05/21 - 23:12:03
Eskola Txikien festa girotzeko ekitaldiak
Eskola Txikien festarako hilabete baino gutxiago geratzen zaio Altzoko Eskolari. Festa handiaren aurretik, Altzoko Eskolak festa giroan murgildu nahi izan du. Ekitaldi ugari antolatu dituzte Herri Eskolakoek larunbaterako, maiatzaren 22rako. Arratsaldeko zazpietan hasiko da Girotze Festa herriko plazan. Maixa Lizarribarrek irekiko du festa, sarrerako hitzekin. Ondoren Loatzok musika eta kantu emanaldia eskainiko du. Gurasoak eta ikasleak, modelo bihurtuko dira. Salmenta produktuen desfilea egingo baitute. Kamisetak eta kirol jertseak soinean, gizonezko, emakumezko eta haurrentzako salgai izango diren produktuak erakutsiko dituzte. ... 2010/05/19 - 22:58:01
Alkizak badu bere totem-a
Totem-a objektu, izaki edo naturaz gaindiko animalia da. Mitologian eta zenbait kulturetan tribuaren edo norbanakoaren ikur gisa hartzen da. Honek, ezaugarri eta esanahi oso desberdinak izan ditzake. Hala, atzotik, Alkizak badu bere Totem-a, eta hau herriko txikienek egina izan da. Etxe animaliak jarri diote izena herriaren sarreran jarri duten artelanari. Atzo goizean inauguratu zuten Alkizako herri eskolako 36 ikasleek egindako eskultura. Ekitaldiaren hasieran, haurrek, egitasmoaren nondik norakoak azaldu zituzten, eta ondoren, totem-ari olerki bat irakurri. Jai giroan eman nahi izan zioten ongi-etorria «herriko bizilagun berriari», eta horretarako, hamaiketakoa, musika eta buruhandiak ez ziren faltatu. ... 2010/05/11 - 00:46:06
40 etxebizitza egiteko aukera emango du Plan Orokor berriak
Altzoko Udalak Plan Orokor berriari hasierako onarpena eman berri dio. Datozen egunetan espero da aldizkari ofizialean argitaratzea eta hori gertatzen den egunetik hasita hilabeteko epea izango da helegiteak aurkezteko. Aurreko astelehenean bilera ireki batera deitu zitzaien herritarrei Plan Orokor berriak ahalbidetuko dituen aldaketak azaltzeko. Horietan nabarmenenak dira 40 etxebizitza berri egiteko aukera izango dela, horietatik 24 tasatuak, eta udaletxearen ondoan erabilera anitzeko eraikina egitea aurreikusten dela. Datozen hamar urteetan herria ordenatuko duen dokumentua da Plan Orokorra. Iñaki Murua alkateak azaldu duenez, «gaur egun hiri-lurra dena agortuta dago. Eraiki daitekeen guztia eraikita dagoela. Lur-zati bat gelditzen da, bi etxebizitza egiteko, baina beste guztia agortuta dago. Horrek behartu gaitu plan berria egitera». ... 2010/05/11 - 00:46:06
