Asteasu, Tolosaldeko hitza

Hitzako albiste zerrenda asteasu

Udako azken egunera arte ere plisti-plasta

 2010/08/31 - 23:48:10

«Zaila da ikasketak txirrindularitzarekin uztartzea»

Odei Gilek (Asteasu, 1992) domina sorta ederra bildu du aurten etxean. Maiatzean Euskadiko Pistako Txapelketan hiru domina irabazi zituen Irungo Txirrindulari Elkartearekin taldeka nahiz banaka, eta uztail hasieran Euskadiko selekzioarekin Espainiako Txapelketan urrezko domina lortu zuen taldekakoan. Zenbat urterekin hasi zinen txirrindularitzaren munduan? Gu lehen Donostian bizi ginen, eta handik Asteasura etorri ginenean, segituan hasi nintzen. Benjamin mailan aritzen nintzen, baina ni baino hiruzpalau urte gehiago zituztenekin. Hamabi urte daramatzat jada. Hamabi urte hauetan zenbat taldetan aritu zara? ...  2010/07/18 - 00:07:01

Asteasuko eta Alegiako jaiez gozatzeko azken eguna

Hiru eguneko festaren ostean, Alegiako Karmen Jaiak gaur bukatuko dira. Hala ere, gaurko eguna ekitaldiz betea dute eta bada zer ikusia. Baina Alegian bakarrik ez, Asteasun eta Albizturren ere, egun guztian zehar, jai giroa izango da nagusi. Hauen kasuan, Santa Marinako jaiak ospatuko dituzte. Atzo Alegian, eguna goizean goiz hasi zuten batzuk. Beste askok ordea, eguna argituagatik ere, bezperako parrandari eusten zioten etxera joateko inongo asmorik gabe. Eguerdi partean, ohetik jaikitakoak eta oheratu gabeak ikus zitezkeen kalean. Oria ibaian, Arrantza Lehiaketa jokatu zen. 6 eta 14 urte arteko, 14 gaztek hartu zuten parte. Alebin mailan Barboetan lehena Jon Urruzuno izan zen 46 zentrimetrokoa arrantzatuz. Infantil mailan, Beñat Lasa izan zen nagusi 51 zentimetrokoarekin. Amuarrainen artean berriz, alebinetan lehena, Mikel Carredano izan zen 42 zentimetrokoarekin eta infatil mailan Haritz Iraola gailendu zen 40 zentimentrokoarekin. ...  2010/07/18 - 00:07:01

Haurreskolako hezitzaile eta guraso batzuk euren desadostasuna azaldu dute

Asteasuko Haurreskola Elizmendi auzoko Santa Krutz ermitan aurkitzen da. 2004. urtean ireki zituen ateak eta joan zen martxoaren 26an, 10:30ak aldera, leiho bat ireki ostean, sabaia goitik behera erori zen. Istripua 1-2 urteko haurren gelan izan zen eta une horretan, hezitzaileekin batera ariketak egiten ari ziren. Gelan, 13 ume eta 2 hezitzaile zeuden. Sabaia erortzera zihoala ikustean haur guztiak ateratzen hasi ziren. Zorionez, guztiak onik atera ziren eta ez zen ezer gertatu. Gertaera eta gero, alkatearen aldetik erantzun egokirik jaso ez dutela salatu nahi dute komunikabideetan. «Alkateak, bere erantzukizuna haurreskola konpontzea zela adierazi zuen. Segituan egin zituzten konponketa lanak eta hori oso ondo iruditzen zaigu. Baina bost urte baino ez dituen eraikinaren sabaia zergatik erori zen jakiteko asmorik ez zuten erakutsi eta ez dute zergatiak aztertzeko inolako asmorik», gaineratu dute. ...  2010/07/16 - 23:01:03

Behobide eta Ait Chaou azkarrenak maldan gora

Asteasuko auzoan ostiralean Mus Txapelketarekin hasi zituzten Jaiak. Igandean X. Santamañako Kros Igoera ospatu zen. Bertan 68 korrikalarik parte hartu zuten eta horietatik 10 emakumeak izan ziren. Emakumezkoetan lehen sailkatua, Claudia Behobide izan zen, 34 minutu eta 45 segundoko denbora eginez. Bigarrena, Idoia Ezeiza izan zen 36 minutu eta 44 segundoan bukatuz eta hirugarrena Isabel Dumall 37 minutu eta 17 segundoko denbora eginez. Gizonezkoetan lehen sailkatua, Hassan Ait Chaou izan zen, 27 minutu eta 52 segundoko denbora eginez. Bigarrena, Patxi Urizar 28 minutu eta 02 segundoko denborarekin eta hirugarren Josu Arregi, 28 minutu eta 03 segundoan bukatuz. ...  2010/07/13 - 00:19:03

Obabaren berrinterpretazioa

Aspaldidanik lantzen ari den asmoari jarraituz, Bernardo Atxagaren Bi anai nobelari -eta oro har Obabari - buruzko bere interpretazio zinematografikoa emateko ahaleginean buru-belarri sartuta dago egunotan Imanol Rayo zinemagilea (Arbizu, Nafarroa, 1984). Atxagaren onespenaz eta babesaz gain, Orio Produkzioak etxearena lortu du, eta Goizuetako Artikutza auzoan (Nafarroa) ari da filmatzen egunotan Bi anai pelikula, Kandido Uranga, Klara Badiola, Bingen Elortza, Aitor Koteron, Loreto Mauleon eta Amaia Lizarralde aktoreak, besteak beste, bere aginduetara dituela. Atxagak Obaban kokatutako lehen narrazioetako bat da Bi anai. Umezurtz geratu dira nobelako bi anaiak, eta hil aurretik aitak anaia gazteenari, Paulori, zaharrenaz, Danielez, arduratzeko eskatu dio, Danielek gizarte harremanetarako arazo larriak baititu, hitzik egiten ez duelako. Hori dena, basoak inguratutako herri txiki batean, 50eko hamarraldiaren amaieran edo 60koaren hasieran. ...  2010/07/11 - 00:05:02

Igandean Santamañako X. Kros Igoera izango da

Asteburu honetan eta hurrengoan, Santamañan festa izango da nagusi. Santa Marinaren omenez, Santamaña Elkartea, Goiballako bizilagunak eta Asteasuko Udaleko Festa Batzordearen artean, uztailaren 10,11,16,17 eta 18rako prestatutako jaiak dira. Festei hasiera, hilaren 16ean emango badiete ere Tranpazuloren igoerarekin, larunbat eta igande honetan Santamañan elkartu eta jendea bertara gerturatzeko aitzakiarik ez da faltako. Larunbatean, hilak 10, Santamañako XVI. Mus Txapelketa egingo dute. 22:00etan emango zaio hasiera. X. Kros Igoera Hilaren 11ean igandea, 10:30ean emango zaio hasiera igoerari. Ibilbideak zazpi kilometro ditu eta herrian zehar bi itzuli eman ostean, Santamañara igo beharko dira. ...  2010/07/08 - 00:35:03

Giro onean bukatuko dituzte jaiak

Gaur bukatuko dira Asteasuko San Pedro jai luzeak. Ostiraleko Koadrilen Egunaren ondotik, atzokoan, egun lasaiagoa izan zuten eta kirola izan zen protagonista, gainera. Goizean Asteasuko auzoen arteko futbol torneoa izan zuten. Kalea, Elizmendi, Goibarra eta Moraleja Berria taldeak aritu ziren lehian eta giro ederra sortu zen partida eta partida artean. Futbol partidekin batera mus eta txintxon txapelketak ere egin zituzten. Arratsaldean, aldiz, zezen txiki eta poney-ak ibili ziren herrian haurren gozamenerako eta pala eta pilotak partidak ere izan ziren. Eguna Inde Kitxen eta Esne Beltza taldeen kontzertuekin amaitu zuten. ...  2010/07/04 - 00:03:17

Koadrilek indarberrituta ospatu dute beraien eguna

Hiru eguneko parranden ostean, osteguna atseden eguna izan zuten. Asteasuar gehienek, beste hiru jai egun aurretik zituztela jakinda, indarrak berritzeko baliatuko zuten eguna. Atzokoan, koadrila guztiak beraien eguna ospatzera atera ziren kalera. 14:30ak aldera, guztiak plazan elkartu ziren bazkaltzeko. Gazte eta ez hain gazteek elkarrekin bazkaldu zuten. Arratsaldean, gaztetxoek ere ongi pasatzeko aukera izan zuten Elizmendin. Bertan, gaztetxoen goitiberak izan ziren. Hilerriko bidetik behera jaisten gozatu ederra hartu zuten. Bertan herriko txikienak beraien gurasoekin inguratu ziren. Ondoren koadrilekin batera, Orkesta Itinerante, txaranga elektronikoaren musika izan zen nagusi kaleetan barrena. ...  2010/07/02 - 23:02:02

Gaurko atseden egunaren ostean, bihar koadrilak izango dira protagonista

Asteasuarrak jai giroan murgilduta dabiltza astelehenetik. San Pedro Jaiak ospatzen ari dira eta hiru eguneko festaren ostean, gaur atseden eguna dute. Baina, oraindik, beste hiru egun dituzte jai giroaz gozatzeko. Jubilatuek beraien eguna ospatu zuten. Lehenik eta behin, meza izan zuten eta ondoren, hamaiketako ederra eman zieten Aitzondo Elkartean. Tripa bete ostean, guztiak elkartetik kalejiran atera ziren plazara gerturatzeko. Plazan kokatuta dagoen karparen azpian, harri jasotzaileak eta aizkolariak zain zituzten. Asteasuarrek, Joseba Otaegi eta Jexux Mari Mujika aizkolariak eta Izeta II.a eta Aimar Irigoien harri jasotzaileen arteko lehia ikusteko aukera izan zuten. Jarraian, jubilatuek bazkaria izan zuten pilotalekuan. Zapre eta Zaharra trikitilariekin eta Telleria eta Zeberio bertsolariekin. ...  2010/07/01 - 00:35:02