Larraul, Tolosaldeko hitza
Hitzako albiste zerrenda larraul
0 eta 6 urte artekoek herrian izango dute eskola
Larraulgo Udala zein herriko gurasoak pozik daude, datorren ikasturtetik aurrera bertako haurrek eskola herrian bertan izango dutelako. Hain zuzen, 0 urtetik hasi eta sei urte arteko haurrek izango dute aukera hori. Ez da lorpen erraza izan. Kultur Etxea eraiki zenetik, Udalak beheko solairua haur eskola bezala egokitu zuen. Hezkuntza sailetik, baina, ez zieten baimenik eman, Asteasuko haur eskola ez baitzegoen guztiz beteta eta hori gertatu arte haurrak Larrauletik Asteasura jaitsi behar zituztela esan zieten. ... 2008/04/09 - 00:34:02
Kultur Astearen «balantze positiboa»
Larraulen egin berri dute Kultur Astea eta Xabier Mujika alkateak «balantze positiboa» egin du. «Jendeak parte hartu du ekitaldietan eta ez da beti berdina izan». Ostiralean hasi zen Kultur Astea eta haurrak izan ziren protagonista. Merienda egin zuten eta tribial moduko jolasa, tartean Larrauli buruzko galderekin. «Haurrak gustura hartu zuten jolasa», azaldu du Mujikak. Gau partean bertso afaria egin zuten eta 20 bat lagun bildu ziren bertan. ... 2008/01/10 - 10:28:21
Kultur Astea antolatu dute bihartik igandera
Larraulgo Kultur Astea bihar eta igandean bukatuko da. Biharkoa haurrentzako ekitaldiekin hasiko da. 17:00etan merienda egingo dute Katillutxulo elkartean eta ordu berean hasik odira plazan haur jolasak. 18:30ean bideo emanaldia emango dute Kultur Etxean. Eguna amaizteko, 21:00etan bertso afaria Katillutxulon, Sorozabal eta Mendiluzerekin. Etziko lehen ekitaldian ere haurrak izango dira protagonistak. 10:00etan eskulanak egitkeo aukera izango dute. 15:30ean mus txapelketa Katillitxulon. 17:00etatik 19:00etara erakusketa. 18:00etan Asto bat hipodromoan ipuin kontaketa Kultur Etxean. 19:30ean, Alkizako Amixuri kantuzaleekin kantu-poteoa. 21:00etan afari herrikoia Herriko Ostatuan. ... 2008/01/10 - 10:28:20
Kultur Astea antolatu dute bihartik igandera
erredakzioa Hezkide Eskolak, urtero legez, 2007/08 ikasturterako haur eta gazteen astialdirako begirale ikastaroa antolatu du Larraulen duen baserrian. Ikastaroa 200 ordukoa da eta u-rritik maiatzera bitartean emango dute 17 asteburutan.Ludoteka, gazteleku, astialdi talde, udalekuetan... lan egiten duten edo lan egin nahi duten gazteei zuzendurik dago ikastaroa. Hau da, aisialdiaren heziketa lan esparruan lan egin nahi duenei edo motibazioa duen orori zuzenduta. Ikastaroan lantzen diren edukiak anitzak dira: aisialdi hezitzailearen psikologia, pedagogia eta soziologia; aisialdi hezitzailearen parte hartze eta ekintza hezitzailea; materia teknikoak: ingurugiro heziketa, jolasak, espresioa, sexualitatea, hezkidetza... Matrikula egiteko Hezkide Eskolara deitu daiteke 943 31 14 74 telefono zenbakira. ... 2008/01/10 - 10:28:19
Kultur Astea antolatu dute bihartik igandera
imanol garcia Datorren astean Larraulen sanestebanak ospatuko dituzte. Aurten zenbait berrikuntza izango dituzte herritarrek. Alde batetik, herri afaria katering enpresa bati eskatuta izango dute. Lan gutxiago izango dute beraz antolaketa lanetan aritzen direnek. Beste berrikuntzek, baina, lan gehiago eman diete herritarrei. Zenbait larrauldarren ekimenez, herritarren txaranga bat egongo da festak alaitzen eta ondoan herritarrek beraiek konpondutako buruhandiak izango dituzte. Iazko festak bukatu eta gero sortu zen turuten txaranga bat sortzeko ideia. Horrela diote Aitor Atxega, Kristina Garde eta Olga Villak, ekimenaren bultzatzaileetako batzuk. «Legazpiko auzo batean-eta ikusita nuen horrelako txaranga bat eta ideia ona iruditu zitzaidan», dio Gardek. Festetan kaleko giroa sortu nahi zuten, baina txaranga bat ekartzeko nahiko aurrekontua ez zegoenez, bat sortzea erabaki zuten. ... 2008/01/10 - 10:28:19
Kultur Astea antolatu dute bihartik igandera
imanol garcia Karmele Jaiok jaso du Beterriko Liburua Literatur Aipamena 2006 bere Amaren eskuak eleberriarengatik. Herenegun arratsaldean jaso zuen saria Larraulgo Antton Amonarriz kultur etxean. Sari banaketan izan ziren Jon Unanue Manuel Larramendi Kultur Bazkuneko lehendakaria, Jon Urkaregi Larraulgo alkatea, Eloi Egibar epaimahai orokorreko epaimahaiburua eta Fernando Tapia Gipuzkoako Foru Aldundiko Gizarte eta Erakunde Harremanetarako diputatua. «Ohore handia da niretzat», esan zuen Jaiok saria jaso eta gero. Eskerrak eman zizkien bere alde botoak eman zituzten irakurleei. Bertsolariaren eta idazlearen arteko ezberdintasuna aipatu zuen ondoren: «Bertsoa botatzerakoan, zuzenean jasotzen du bertsolariak bere lanaren emaitza. Idazleak zailagoa du bere lanaren iritzia jasotzea. Horregatik sari hau balio handikoa da». ... 2008/01/10 - 10:28:18
Kultur Astea antolatu dute bihartik igandera
imanol garcia Antton Amonarriz kultur gune berriari erabilpena ematen ari zaie herritarrek, urtarrilean inauguratu ostean. «Esfortzu handia suposatu dio herriari», dio Jon Urkaregi alkateak. Herri txiki batean horrelako eraikin bat egin eta gero, «orain probetxua atera behar zaio», gaineratu du Urkaregik. Kultur guneak 600.000 euro inguruko kostua izan du eta Europako Erein programaren bitartez %65eko diru laguntza lortu du Udalak. Hiru solairu ditu kultur guneak eta bakoitzean hainbat espazio ditu. Azpiko solairuko gela nagusia haurreskolarako zegoen aurreikusita eta horrela prestatu dute. «Eusko Jaurlaritzak esan zuen herri guztiek izango zutela 0 eta 3 urte bitarteko haurrentzako haurreskola», dio Urkaregik. ... 2008/01/10 - 10:28:18
Kultur Astea antolatu dute bihartik igandera
erredakzioa Larraulgo Udalak herri batzarra deitu du biharko, orain urtebete onartutako ekintza planaren balorazioa egiteko. Herri batzarra Antton Amonarriz Kulturgunean egingo dute, 15:30ean. Udaletik azaldu dutenez, «orain arte zer egin den jakin ahal izango dute herritarrek eta aldi berean aukera izango da datorren urteari begira zein gaiei heldu behar zaien eztabaidatzeko».Udalak dioenez, etxe bakoitzeko ordezkari bat bileran izatea komeni da, «etorkizunean garrantzi handia duten gaiak direnez». 2008/01/10 - 10:28:17
Kultur Astea antolatu dute bihartik igandera
imanol garcia Jexux Mari Irazuk (Larraul, 1972) bultzatu du www.bertsoa.com webgunea eta bera da edukiak berritzearen arduraduna ere. Bertsolaritzaren inguruko webgune berria aurkeztu berri duzu. Martxan jarri nahi genuen. Gero ikusiko dugu zer forma hartzen joango den. Zein dira webgunearen helburak? Bertsoa.com-ek lau ardatz ditu: plazaz plazako emanaldiak biltzea; bertso saioak zuzenean eskaintzea; bertsolaritzaren inguruko informazioa zabaltzea, agenda, albisteak, gogoetak... eta abar direla; eta bertso eskola digitala. Azken hau esperimentu bezala dago. Zenbatero berrituko da informazioa? ... 2007/12/18 - 01:18:14
Kultur Astea antolatu dute bihartik igandera
erredakzioa Aiztondo Zerbitzuen Mankomunitateak ikastaro ugari antolatu ditu Larraulen. Alde batetik meditazio ikastaroa jarriko du martxan, asteazkenero, 19:45ean, udaletxean. Bestalde, 20 orduko hainbat ikastaro antolatu ditu: Photoshop, yoga, sukaldaritza eta eskulanak. Horrez gain, ipuin kontalaritzako 6 orduko ikastaroa ere antolatu dute. Informazio gehiago eskuratu nahi duenak Aiztondoko bulegoetara deitu ahalko du, 943 69 39 30 zenbakira. 2007/12/18 - 01:18:13
