Ataun, Goierriko hitza
Hitzako albiste zerrenda ataun
Pedalei ematen 50 urte
San Gregorioko txirrindulari probak 50 urte bete ditu. Gaurko egunez, 1935. urtean jokatu zuten aurrenekoa San Gregorio jaien bueltan. Harrezkero txirrindurako afizio handia izan da auzoan. Gorabehera asko izana da proba historian zehar, eta urte batzutan antolatu gabe gelditu zen. Baina auzotarrek gaur arte mantendu dute lasterketa, eta, zailtasunak zailtasun, aurrera segitzeko asmoa dute. DVDa eta mahai-ingurua 50. urteurrena ospatzeko txirrindulari proba antolatzeko lanetan aritzen den taldeak bi ekitaldi berezi antolatu ditu, gaur iluntzerako. 18:30ean hasita Joxe Ramon Agirre Marron-ek txirrindulari probako argazki zaharrekin eta irudi berriekin egin duen DVDa aurkeztuko du. Emanaldia San Gregorioko Elkargunean da. ... 2010/03/12 - 00:43:03
Aste honetan bukatuko dira jubilatuen txapelketak
2010/03/09 - 00:51:03
Garmendia izan da azkarrena Ataungo proban
Bigarren urtez Euskal Herriko bazter guztietatik etorritako zaldunen bilgune izan zen atzo Ataun, bertan jokatu baitzuten Ataungo II. Raid proba. Alarpe zalditegiko Iñaki Garmendia zaldibiarrak irabazi du proba nagusia. Harekin batera, Saioa Arzak, Ander Aizpuruk eta Fatima Larrañagak ere lan ona egin dute, eta Alarpe zalditegikoak «oso gustora» agertu dira lortutako emaitzekin. Goizeko 8:30ean hasi zen proba. San Gregorioko kontrolgunean, urduritasuna sumatzen zen denen aurpegietan. Zaldunek bideari ekin orduko, euren taldekide eta laguntzaileetako batzuk atzetik joan ziren, bidean zehar jarritako kontrolguneetara bidean. Besteak berriz, hasierako puntuan gelditu ziren, aurreneko itzulia ematen zutenerako dena prest izateko. Izan ere, lasterketa baina gehiago, iraupen proba da Raid-a. Hala, aurrena iristea baino garrantzitsuagoa izaten da zaldia egoera onean ailegatu eta azkar errekuperatzea. Helmugan nahiz bideko kontrol puntuetan zeudenak, talkie bidez edota telefono mugikorrekin komunikatzen ziren elkarren artean. «Ondo datoz» edota «oraindik ez dira kontrolera iritsi» bezalako mezuak iristen zitzaizkien. ... 2010/03/07 - 00:41:04
Toka eta tute txapelketak egingo dituzte jubilatuek
2010/03/05 - 00:30:01
Kirolarien mahai-ingurua antolatu dute 12rako
2010/03/04 - 01:19:05
Berrikuntzekin dator Ataungo Raida
Joan zen urtean izandako harrera ona ikusita, aurten Ataungo II. Raid proba antolatzea erabaki dute Alarpe zalditegikoek. Etzi, larunbata, jokatuko da zaldiketa proba, eta San Gregorio auzoan hasi eta bukatuko bada ere Ataunen barrena ibilbide luzea antolatu dute. Hori izango da, hain zuzen, aurtengo berrikuntza nagusietako bat: 20 eta 40 kilometroko probez gainera, 80 kilometrokoa ere prestatu dute aurtengo raiderako. Iaz antolatu zuten aurreneko probak aurreneko bi modalitateetan aritzeko aukera ematen zuen. Horrekin, raidetan ibilita daudenentzako probaz gain, amateur edo zaleentzako ibilbide motzagoa ere antolatu nahi izan zuten. Zaldibiako Alarpe zalditegiko Martin Garmendiak azaldu duenez, «jende asko dago etxean zaldia eduki eta horrelako probetan parte hartzen ez duena. Horiei ere debuta egiteko aukera eman nahi diegu, raid bat zer den jakin eta giro hori barrutik ezagutzeko». ... 2010/03/04 - 01:19:05
Joxemiel Barandiaran herri ikastetxean 8 gela gehiago egiteko lanak hasi dituzte
Ataungo Joxemiel Barandiaran Herri Ikastetxeak sortu zuteneko 25. urteurrena betetzearekin batera eskola handitzeko asmoa azaldu zuen. Urte horietan guztietan izan diren aldaketak eta azken urteetan ikasle kopuruak gora egin duela ikusita, txiki gelditu da eraikina. Iaz, 2008-2009 ikasturtean, Ataungo herri ikastetxeak 150 umeko muga gainditu zuen, eta azken hemezortzi urteetan izan duen ikasle kopururik handiena du ikastetxeak une honetan. Egunotan hasi dituzte ikastetxea handitzeko lanak, eta datorren ikasturterako zortzi ikasgela gehiago egingo dituzte. Ikastetxearen atzealdeko aterpea bota dute dagoeneko, eta haren tokian egingo dute eranskin berria. Guztira 400 metro koadro inguruko gunea izango da. 50na metro koadroko sei gela eta 30na metroko beste bi egingo dituzte. ... 2010/03/03 - 00:15:04
Ataungo II. Raida egingo dute datorren larunbatean
2010/03/02 - 01:03:04
«Ataungo ondarearen parte dira iturriak eta gorde egin behar dira»
Ataungo kale, baserri eta mendi bazterretan badira makina bat iturri. Horien informazioa bildu, argazkiak atera eta Ataungo Iturrien Katalogoa osatu du Joxean Dorronsorok (Ataun, 1940). Guztira 65 iturriren berri bildu du; batzuk egoera onean daude, baina beste batzuk berritu eta txukuntzeak merezi duela uste du. Ataunen iturriak bazirela bai, baina hainbeste zegoenik ere... Nolatan hasi zinen bilketa lana egiten? Atauniker kultur elkartekoek eskatu zidaten ea Ataungo iturrien inbentario bat egingo ote nukeen. Hasieran ezustean harrapatu ninduen, baina garai hartan mendian asko ibiltzen nintzen, eta iturrien berri izango nuela pentsatuko zuten. Batzuk ezagutzen nituen lehendik ere, baina lagunei eta auzoetako jendeari galdezka hasi, eta «halako lekutan ba omen zegok bat» eta horrela hasi nintzen. Duela lau-bat urte izan zen hori. ... 2010/02/28 - 00:54:04
Astelehenean hasiko dira jubilatuen txapelketak
2010/02/27 - 00:18:02
