Itsasondo, Goierriko hitza

Hitzako albiste zerrenda itsasondo

Garai bateko distirarekin

Piezaz pieza eta xehetasun eta detaile bakoitza zainduz. Horrela berritu dute Itsasondoko elizako erretaula nagusia. Pieza berezia da, XV-XVI. mendeen artean egindakoa, eta zaintza berezia eskatzen du. Urtebete pasa dute Artelan enpresako langileek errestaurazio eta zaharberritze lanekin, eta behin bukatuta, Itsasondon gustora daude emaitzarekin, garai bateko itxura, koloreak eta distira berreskuratu baititu erretaulak. Itsasondoko erretaula ondo ezagutzen du Iñaki Larrañaga apaizak. Jaiotzez lazkaotarra bada ere, 46 urte egin ditu apaiz Itsasondon. Berak azaldu duenez, erretaula berritzeko beharra ez da oraingo kontua, lehendik dator. «Duela hamabost bat urte ikusi genuen, erretaula honek zuen balioa eta interesa zela eta, zaharberritze lan bat behar zuela». Gotzaitegira jo eta bere asmoen berri eman zien Larrañagak, baina erantzuna ez zen berak espero bezain ona izan. «Gotzaitegira joan naizen guztietan, ulertzen zutela baina bazeudela beste eliza batzuk berrikuntza eta tratamentuen beharrean zeudenak, eta nolabaiteko itxaron zerrenda batean jarrito gintuztela». ...  2010/08/25 - 21:19:03

Udalak pantaila elektronikoak jarriko ditu laster herriko hainbat puntutan

Udaletxeko eta herriko gaien inguruko berriak emateko, Itsasondoko Udalak lauzpabost pantaila elektroniko jartzeko asmoa du herriko hainbat puntutan. Herritarrak biltzen diren guneak aprobetxatuko dituzte horretarako; hala, herriko dendan, sendagilearen kontsultan, udaletxean edota Kaxintane tabernan jarriko dituzte. Udaletik azaldu dutenez, «teknologia berriek ematen dituzten aukerak» aprobetxatu eta «herriko berriak modu erakargarrian» eman nahi dituzte. Honela, «momentu oro, herritarrak informatuta egotea» lortu nahi dute, eta bide batez, baita paperaren erabilera gutxitzea ere. Sistema hau, datozen hilabeteetan jarri nahi dute martxan. ...  2010/07/13 - 00:40:01

Gazte Udalekuak egingo dituzte Itsasondon

 2010/07/11 - 00:26:04

Kaleak garbitzeko makina erosiko dute

Itsasondoko Udalak kaleak garbitzeko makina erosiko du laster. Itsasondo 2.0 udal aldizkariaren bidez jakinarazi dutenez, Agenda 21 egitasmoaren barruan makina erosi ahal izateko diru laguntza eskatu zioten iaz Eusko Jaurlaritzari. Orain jakin dute erabakiaren berri, eta udalak 50.000 euroko laguntza jasoko du. Makina erosteko kontratazioa lehiaketa bidez egin dute. Udaletik azaldu dutenez lau enpresaren proposamenak jaso dituzte. Erabakia hurrengo hilabetean hartuko dute; «laster izango da herriko kaleetan ibiltzeko moduan».  2010/07/07 - 23:03:06

Bost egunen kronika eginez eman dute amaitutzat AHTren aurkako ekintza

«Bost egunez egon gara lurpean, aski luzea eta nekagarria izan da, baina pozik gaude ekintzaren helburuak lortu ditugulako». Halaxe hasi zuten atzo eguerdian Itsasondoko plazan Haitzuloetako Aurkariak taldeko kideek AHTren aurakako ekintzari amaiera eman zion azken agerraldia. Ordizia-Itsasondo zatiko tunela egiten ari diren eremuko meatzean sartuta, «gure gorputzak arriskuan jarriz AHTren lanak gelditu behar direla aldarrikatu dugu», azaldu zuten ekintzaileek. Ostegunetik herenegun arte meatze zuloan zein egoeratan egon diren azaldu dute: «Hezetasun ikaragarria dago, galeriak erabat urak hartuta daude, sakontasun handiko ur putzuekin, sabaitik ur tanta eta jario etengabearekin, eta hainbat eremu sabaitik eroritako harriz beteta daude». Lau ekintzaileetatik bi 200 metroko sakoneran egon dira, «AHTren tunela egin behar duten trazatuaren barruan, justu 30 metrora». ...  2010/07/06 - 23:52:03

AHTren aurkako ekintzaileak aurkitu eta atera ditu Ertzaintzak meatzetik

Ostegunean Itsasondoko meatzera sartu ziren lau ekintzaileak atzo atera zituen Ertzaintzak mendi barrenetik. Bi txandatan egin dituzte erreskate lanak. Bi ekintzaile 17:45ean eta beste biak 20:00ak aurretxoan atera zituzten. Laurak atxilotu egin dituzte. Ertzaintzak atzo aurkitu zituen lau ekintzaileak. Larunbat arratsaldean Haitzuloetako Aurkariak taldeko kideek bilaketa egin zuten euren kabuz, eta ahoz ekintzaileekin komunikatzea lortu zuten. Orduan jakinarazi zuten ekintzaileen kokagunea. Atzo arratsaldeko lehen orduan joan zen Ertzaintza kobazuloaren sarrera ingurura, AHTren aurkako ekintzaileak bilatu eta meatzetik ateratzeko asmoz. 17:45a inguruan bi emakumezko atera zituzten kobazulo batetik. Beste bi ekintzaileak ateratzeko erreskate taldeko kideak 18:30a inguruan joan ziren Itsasondoko mendi aldera. Zaila izan zen erreskatea, meatze barruan 60 metro luzeko ur putzua zeharkatu beharra baitzegoen, eta txalupa behar izan zuten horretarako. 20:00ak aurretxoan askatu eta atera zituzten meategitik. Herrigunera jaisterakoan han bilduta zeuden sostengu taldekoen eta Ertzaintzaren artean istiluak izan ziren. ...  2010/07/06 - 00:39:01

Meatzean dauden AHTren ekintzaileekin komunikaziorik ez dute

Ostegunean Itsasondoko meatzera sartu ziren AHTren aurkako lau ekintzaileekin komunikaziorik ez dutela eman zuten jakitera Haitzuloetako Aurkariak taldeko kideek atzo eguerdian. Lau ekintzaileak «inkomunikatuta» daudela argitu zuten, eta «harremana galdu» zutela. Hala, lanak gelditzeko eskatu zieten lanak egiten ari den enpresako arduradunei eta Herrizaingo Sailari. Ekintzaileak non dauden bila ditzatzela exigitu zien Ertzaintzari Haitzuloetako Aurkariak taldeko kideek, «ekintzaileen bizitza arrisku bizian baitago». Gaur ekintza gehiago Azken egun hauetan egin duten moduan, Haitzuloetako Aurkariak taldeak hainbat ekintza antolatu ditu astebururako. Atzo goizean informazio orriak banatu zituzten Tolosan eta arratsaldean hizaldia egin zuten Itsasondon. ...  2010/07/04 - 00:25:05

AHTren aurkako lau kide Itsasondoko meatzeko haitzulo batean sartu dira

Abiadura Handiko Trenaren aurkako lau ekintzaile Itsasondoko meatzeetako haitzulo batean sartu ziren atzo goizean «erresistentzia egiteko» asmoz. Haiei babesa emateko eta azpiegitura hori geldi dezaten eskatzeko agerraldia egin zuten Urdaspal Alberdi meatzeetako ingeniari teknikoak eta Haitzuloetako Aurkariak taldeko bi kidek Itsasondon. Alberdik AHTren tunelak Ordizia-Itsasondoko zatian dituen arriskuen berri eman zuen. Itsasondon ziren AHTren aurka dauden beste hainbat lagun ere, eta agerraldiaren ostean Mariaratz inguruan egiten ari diren obretara joan ziren obrak gelditzeko eskatzeko. Ertzaintza bertaratu zen eta denak bidali zituen handik, gehienak segituan eta handik denbora batera besteak. ...  2010/07/02 - 00:08:02

Kaxintane, berriz zabalik

Bi hilabeteko etenaldiaren ondoren, berriz ere zabaldu dute Itsasondoko Kaxintane herri taberna. Hiru itsasondoarren artean hartu dute orain tabernaren ardura. Orain arteko funtzionamenduari eutsi eta taberna «adin guztietako herritarren bilgune» izatea lortu nahi dute. Kaxintane duela bi urte zabaldu zuten, baina hasierako arduradunek taberna uztea erabaki zutenean Itsasondoko Udalak atzera beste lehiaketa bat atera zuen. Aukera hori ikusita, Rosi Nogera eta Maite Irastortza «animatu» ziren. Berehala batu zitzaien Aitor Garmendia ere, mundu hori berak ere gustukoa zuela eta. Hiruren artean proposamena aurkeztu zioten udalari. ...  2010/06/24 - 00:54:02

Oriora urteroko irteera egingo dute larunbatean

 2010/06/01 - 00:41:01