Arama, Goierriko hitza

Hitzako albiste zerrenda arama

Araman gazte, jubilatu eta helduen eguna ospatuko dute igandean

Igandea egun berezia izango da aramarrentzat. Herriko jai nagusi sanmartinen atarian gazte, heldu eta jubilatuentzat otorduak antolatu ditu udalak. Urteroko usadioari jarraituz jubilatuen eguna izango da igandea, azaroak 7. Araman meza entzun ondoren Tolosara txangoa egiteko modua dute; Gorrotxategi gozogintza museoran ofizioaren berri jaso eta txokolatea dastatuko dute. Aramara itzuli eta 14:00etarako bazkaria prest edukiko dute Arrikutz elkartean jubilatuek. Bestetik, igande gauerako herri afaria eta gazte afaria antolatu ditu udalak. Txartelak udaletxean eros daitezke, 12:00etatik 14:00etara. Gazte afariaren prezioa 15 eurokoa da, eta herri afariarena 30 eurokoa. ...  2010/11/04 - 00:07:02

Araman argazki lehiaketan bihar da azkeneko eguna

 2010/11/03 - 00:56:02

Sentsibilizazio kanpaina antolatu dute uraren garrantziaz jabetzeko

«Ura garrantzitsua eta beharrezkoa» dela ohartarazteko sentsibilizazio kanpaina antolatu du Aramako Udalak datozen asteetarako. Lehendik «herriko ur ekosistemen zaintzan eta ur sarearen egokitzapenean lan ugari» egin ditu udalak, baina orain herritarrek ere bide berean lan egin dezaten kanpaina martxan jarriko dute. Udaletik azaldu dutenez ura «baliabide urria» da eta zaindu egin behar da bere erabilera. Hala, azken datuen arabera «gipuzkoar bakoitzak 130 litro ur» gastatzen dituela esan du udalak, etxeko kontsumoa soilik kontuan hartuta. Kopuru hori murrizteko «herritar bezala behartuta egon beharko ginateke ur gezaren iturriak kontu handiz zaintzera eta uraren erabilera zentzuduna egitera». ...  2010/10/18 - 23:29:02

Erabilera anitzeko zentroa egiteko aramarren iritziak jasoko dituzte

Itsasondok udaletxearekin egin duen moduan, Aramako Udalak ere prozesu parte-hartzaile bat martxan jarriko du herrian erabilera askotarako zentro bat egiteko. Lanak 2011n hasiko lirateke, eta Landagipuzkoa32 programatik diru laguntza jaso du Aramako Udalak proiektua gauzatzeko. Herritarrek bost proiektu ezberdinen artean egokiena zein den aukeratu ahal izango dute. Aramako Udaletik azaldu dutenez erabilera askotarako guneak herritarren bizitzan «erreferente» izan nahi du, «egun ditugun eta aurrerantzean izango ditugun behar sozialei eta kulturalei erantzungo diena». Aldi berean, Aramako «herri bizitza sendotzen» lagunduko duela uste dute. Hori dela eta, parte hartzeko deia egin die udalak herritarrei, haien iritzia jasotzea «funtsezkoa eta behar-beharrezkoa» delako. ...  2010/10/18 - 23:29:02

Udako kanpainan izena emateko epea zabaldu du Aramako Udalak

Aramako Udalak umeentzako udako kanpaina antolatu du aurten ere. Ekainaren 23an hasi eta hilabetez, herriko umeei aisialdirako gune bat eskaini nahi diete. Astegun goizetan emango dute zerbitzua, 10:00etatik 13:00etara bitartean. Izena emateko epea ostiralera bitartean dago zabalik. Udako kanpainan parte hartu nahi dutenek, udaletxera jo edo 943 88 07 39 edo 943 88 11 70 telefono zenbakira deitu behar dute. Epea hilaren 11n bukatuko da. Udako kanpainak, ekainaren 23tik uztailaren 23ra iraungo du. Herriko begiraleak Udako kanpaina antolatzeko, aurreko urteetan bezala, herriko gazteei egin diete begirale lanetan aritzeko deia. Haurrentzako jolasak, ibilaldiak, irteerak edota eskulanak antolatu beharko dituzte. Begirale moduan parte hartzeko prest daudenek, gaur dute izena emateko azken eguna, 943 88 11 70 edo 943 88 07 39 telefono zenbakira deitua. ...  2010/06/07 - 23:32:02

'Kirolari ateak zabalik' eguna ospatuko dute aramarrek igandean

Azken urteetako bidetik, aurten ere Kirolari ateak zabalik eguna ospatuko dute Araman. Gipuzkoako Foru Aldundiarekin elkarlanean antolatzen den ekimen honen helburua, herritarren artean kirolarekiko zaletasuna bultzatzea da. Igande honetan ospatuko dute eguna, eta mendi irteera, bazkaria eta jolasak izango dituzte. Goizeko 9:00etan Aramako plazan elkartu eta Lizarrustira joango dira, handik Lareoko urtegirainoko bidea oinez egiteko. Bueltakoan, Lizarrustiko parketxean dagoen Aralar parke naturalaren interpretazio zentroa bisitatuko dute. Bazkaria eta jolasak Behin Aramara itzulitakoan, denak elkartu eta Toki Alai tabernan bazkalduko dute. Bazkalondoan, umeentzako jolasak ere izango dira. ...  2010/06/02 - 23:02:01

Aramari buruz ariko dira gaur Goierri Telebistan

 2010/05/11 - 00:07:03

Hiru lagun atxilotu dituzte gasolioa lapurtu dutela eta

 2010/05/11 - 00:07:03

Herritar ugarik parte hartu dute Aramako kultur astean

Joan zen ostiralean eman zioten bukaera aramarrek kultur asteari. Aramako Udaletik jakitera eman dutenez herritar askok parte hartu du antolatutako ekitaldietan, eta horrebestez gustura daude jasotako erantzunarekin. Astelehenean Aitziber Albisuren eta Julian Rodriguezen Erratz Magikoa ipuinaz gozatu ahal izan zuten aramarrek. Bertan bildutakoen hitzetan «haurrek, gazteek eta helduek erraz jarraitu ahal izan genuen Albisuk kontatutako eta Rodriguezek zeinuz antzeztutako ipuina. Antzerkia bezain polita izan zen ondorengo solasaldia». Rodriguezek gormutuen alfabetoa eta alfabeto horren arabera norberaren izena nola esaten den erakutsi zuen. ...  2010/05/11 - 00:07:03

Gaur Korrikaren aldeko ekintzak hasiko dituzte

Korrika Kulturalaren baitan hainbat ekitaldi antolatu dituzte Araman. Gaur bertan hasiko dituzte aurreneko ekitaldiak. Arratsaldeko 18:00etan Korrikaren DVDa, Bidaia intimoak lana, eskainiko dute kultur etxean. Ondoren haur eta gazteentzako talo-jana egingo dute Arrikutz elkartean. Biharko herri bazkaria antolatu dute. Babarrunak, odolkia eta oilaskoa jango dituzte. Bazkal ondorena Jon eta Antxon kantariek eta Aitor Furundarena soinu jotzaileak alaituko dute.  2010/05/11 - 00:07:03