Arama, Goierriko hitza
Hitzako albiste zerrenda arama
Aramako udalak bi ikastaro antolatu ditu
Aramako Udalak bi ikastaro antolatu ditu datozen hilabeteetarako. Aurrenekoa, oinetako erreflexologiaren ingurukoa, aste honetan hasi dute eta martxoaren 24ra arte iraungo du. Taldea asteazkenero biltzen da, 19:15etik 20:45era. Bigarren ikastaroa sendabelarren ingurukoa da. Otsailaren 25ean hasiko da, baina izena hil honen 18a baino lehen eman behar da 902 540 040 telefono zenbakira deituta edo www.kutxasocial.net web gunean sartuta. Matrikularen prezioa 80 eurokoa da. Eskolak berriz, ostegunetan izango dira, 18:30etik 20:30era bitartean. 2010/01/15 - 00:01:01
Hiru lagun atxilotu dituzte gasolioa lapurtu dutela eta
2009/11/28 - 00:40:01
Santuari aurre hartuta
San Martin egunari aurre hartuta dabiltza aurten aramarrak. Aste erdian tokatu da aurten zaindariaren eguna, eta beste herri batzuetan festak hurrengo astebururako utzi badituzte ere, Araman jaiak aurreratzea erabaki dute. Hala, bihar arratsaldean hasi eta asteazkenera arte makina bat ekitaldi izango dituzte. Urteroko ekitaldiak izango dira nagusi egitarauan. Ez dira faltako trikitilari eta bertsolarien saioak, herri afariak edota Araman hain sustraitua dagoen gaztaina jana. Aurreneko ekitaldiak ordea, bihar iluntzean hasiko dituzte. Arama eta Itsasondoko taldeen arteko urteroko derbia jokatuko dute, pilotalekuan. Lehia lagunartekoa izan ohi da ordea, eta segidan, gazteen arteko afaria egingo dute. Gauean, Tximeleta taldeak alaituko du giroa. ... 2009/11/05 - 00:18:04
Baserriaren etorkizunaz hitz egingo dute Araman
2009/10/08 - 13:31:01
Herritar ugarik parte hartu dute Aramako kultur astean
Joan zen ostiralean eman zioten bukaera aramarrek kultur asteari. Aramako Udaletik jakitera eman dutenez herritar askok parte hartu du antolatutako ekitaldietan, eta horrebestez gustura daude jasotako erantzunarekin. Astelehenean Aitziber Albisuren eta Julian Rodriguezen Erratz Magikoa ipuinaz gozatu ahal izan zuten aramarrek. Bertan bildutakoen hitzetan «haurrek, gazteek eta helduek erraz jarraitu ahal izan genuen Albisuk kontatutako eta Rodriguezek zeinuz antzeztutako ipuina. Antzerkia bezain polita izan zen ondorengo solasaldia». Rodriguezek gormutuen alfabetoa eta alfabeto horren arabera norberaren izena nola esaten den erakutsi zuen. ... 2009/10/08 - 13:31:01
Pintxo lehiaketa egingo dute Arrikutz elkartean
2009/10/08 - 13:31:01
Araman kultur asteak ekitaldiz beteko ditu asteguneko iluntzeak
Datorren astean hainbat kultur ekintza izango dituzte Araman. Izan ere, astelehenean hasi eta ostiralera bitartean, umeentzako ipuinak, hitzaldia, pintxo lehiaketa eta musika izango dituzte, Kultur Astearen baitan. Astelehen iluntzeko 19:30ean izango da aurreneko saioa. Julian Rodrigezek eta Aitziber Albisuk, Erratz magikoa ikuskizunean, zeinuez bidez antzeztutako ipuinak kontatuko dizkiete umeei. Asteazkenerako berriz, baserriaren inguruko solasaldia antolatu dute. Etorlur elkarteko Xabier Arrutik eta Bixente Unzurrunzagak, etorkizunera begira baserrietan landu daitezkeen jarduera osagarriak azalduko dituzte. ... 2009/09/18 - 23:39:02
Masaje eta erlaxazio ikastaroa egingo dute
2009/09/05 - 00:29:01
Nekane Erauskin EHAK-ko kidea libre, 60.000 euroko bermea ordainduta
Nekane Erauskin EHAK-ko legebiltzarkide ohia fidantzapean aske gelditu da, baina 60.000 euroko bermea ordaindu beharko du. Berak eta beste lau lagunek atzo deklaratu zuten Espainiako Auzitegi Nazionaleko Baltasar Garzon epailearen aurrean. Fiskaltzak eta Dignidad y Justicia elkarteak Erauskin kartzelatzea eskatu zuten. Uztailean auzipetu zituzten bost pertsona ETAko kide izatea egotzita. Garzonen arabera, EHAK Batasunetik kanpoko «egitura desberdindu» moduan aurkeztu bazuten ere, 2005etik aurrera «Mahai Nazionaleko kideek instrumentalizatu eta irentsi» egin zuten haren jarduera. Autoan jasotakoaren arabera 2007ko urriaren 4an Batasuneko Mahai Nazionaleko kideen aurka egindako operazioan atzemandako agirietan daude lotura hori frogatuko luketen zantzuak. ... 2009/09/01 - 23:21:04
Aramako udalekua, lapur eta guzti
2009/07/25 - 23:35:02
