Beasain, Goierriko hitza

Hitzako albiste zerrenda beasain

Atzegik kanpaina berria hasi du

Adimen urritasuna duten pertsonen aldeko Gipuzkoako Atzegi elkarteak sentsibilizazio kanpaina jarri zuen atzo martxan, Lantokian ikusiko duzu! lelopean. Kanpainaren arduradunek adimen urritasuna duten lagunei buruz esan dutenez, �orain ia ez ditugu lanean ikusten, ez daude gure enpresan, saltokian edo supermerkatuan. Baina gure ondoan lanean egon nahi dute eta horretarako gai dira. Auzoan, zineman edo eskolan dauden bezalaxe. Noizko lan munduko integrazioa? Prestatuta dauden lanpostuan beste edonork bezala erantzuten dute. Hori lortzen laguntzen baduzu, Atzegizale izango zara. Kolaboratzeko eman zure datuak edo enpresetan informazioa zabaldu dezaketen beste pertsonei�, adierazi dute. Esku-orriak eta kartelak Hala, Atzegik azken kanpaina horren inguruan esku-orriak atera ditu, eta bertan norberaren datuekin bete beharreko taula bat agertzen da, Atzegizale edo bazkide egin nahi dutenentzat. Taula bete eta bidaltzen dutenek elkartearen buletina jasoko dute, eta Atzegizale egiten diren enpresek jasoko dituzten laguntzei buruzko informazioa emango zaie. Gureak babestutako enplegu-enpresak kontratuak bideratu eta lagundu egingo ditu. ... 2008/05/12 - 23:38:02

Eskolako Agenda 21 foroa udaletxean bilduko da

2008/05/12 - 23:38:02

Bukaera dotorea

Hasi bezala bukatu ziren igandean festak: giro onean eta herritarren parte-hartze handiarekin. Asteburuan festa giroa izan da nagusi Beasaingo kaleetan. Larunbateko mozorrotuen egun jendetsuari segida emanez herenegungoa ere ez zen gutxiagorako izan. Arrano Beltza Euskal Herri-Kirol taldeak antolatuta atzo herri-kirolen jaialdia ospatu zen. Goizean goizetik joaldunen irteera zegoen iragarrita, eta arratsalderako punta-puntako harri-jasotzaileen eta aizkolarien erakustaldia. Eguna musika doinuekin hasi zuten Beasainen, hortaz, eta dantzarekin eman zioten jarraipena, Beasaingo VIII. Dantza Topaketarekin, hain justu. Dantzariek, eguerdian, herriko kaleak zeharkatu zituzten. Arratsaldean, berriz, Loinazko San Martin plazan dantza-saioa izan zen. Erakusleihoen lehiaketa Igandean Bareak merkatari elkartean erakusleiho lehiaketako sariak banatu zituzten. Irabazlea Malda denda izan da, umeentzako arropa-denda. Globoekin eta sorgin batekin dotore jarritako erakusleihoak lortu du lehenengo saria, irrati bidez entzuleek emandako boto gehienekin. Malda dendak �garbi� irabazi du, antolatzaileen arabera, dexenteko aldea atera baitie gainerako hautagaiei. ... 2008/05/12 - 23:38:02

Aizkorriko Biran izena emateko epea zabalik da

Datorren ekainaren 8an burutuko da Beasainen Aizkorri Mendizale Elkarteak antolatuko duen Tomas Salazarren omenezko IV .Aizkorriko Bira. Proba hori bi urtez behin egiteko asmotan sortu zen, eta aurreko edizioetan izandako arrakasta ikusita antolatzaileak �ilusioz beterik� ari direla prestatzen azaldu dute. Izena emateko epea zabalik dago. Proba Euskal Mendizale Federakundeak babesten duen iraupen luzeko mendi-martxen koparako baliagarria da. Aizkorriko Birak 52 kilometroko ibilbidea du, eta 2.000 metroko desnibela. Ibiltariek Goierriko bailara zeharkatuko dute, iparretik hegora eta alderantziz: Beasaindik atera, Olaberrian zehar Idiazabalgo mendietan barrena Etxegarateraino joan, handik Zegamako mendietan barrena Aizkorriraino, eta handik berriz ere Beasainera, Zeraingo, Segurako eta Ormaiztegiko lurretatik. ... 2008/05/12 - 23:38:02

Loinatz jaiak bukatzear

Egun asko daramatzate festan beasaindarrek, baina indarrak atera eta gaurko azken egunari gogotsu heldu nahi diote. Gaur Iturengo Aurtizko zanpantzarrek esnatuko dituzte herritarrak. Askok ohetik jaiki beharrik ez dute izango, artean oraindik izarapean sartu gabe egongo baitira, atzoko parranda egun handia bukatu nahi ezta; askok topo egingo dute zanpantzarrekin. Beasaingo jaietan erakusleihorik dotoreena nork eduki duen jakin ahal izango da. Eguerdiko hamabietan Bareak dendari elkartean banatuko diote saria irabazleari. Eguneko protagonistak ordea, Beasaingo Dantza Topaketa eta Herri Kirol Jaialdia izango dira. Eta horrenbestez, bi ekitaldi horiek burututa agurtuko dituzte Loinatz jaiak datorren urtera arte. Atzo, bestalde, mozorroak aitzakia hartuta egin zuten festa beasaindarrek. Euria aritu zuen goiz eta eguerdi partean, baina asko ez zituen horrek kokildu; benetako bareek euriarekin egin ohi duten bezala kalera irten zuten. ... 2008/05/10 - 23:07:02

La Salle Astea bukatzeko jaia egin dute

2008/05/10 - 00:51:03

Azken txanpan sartzeko prest

Asteburu luzea dute aurretik beasaindarrek. Gaur eta bihar festen harira ospakizun eta ekitaldi ugari izango da Beasainen, era guztietakoak gainera. Gaur, esate baterako, mozorroen eguna ospatuko dute. Festak, berriz, bihar bukatuko dira, baina ordura arte izango da oraindik zerekin gozatua. Gaurko eguna elkarteen arteko sukaldari lehiaketarekin hasiko dute. Sukaldariak goizeko hamarretan hasiko dira Loinazko San Martin plazan euren jakiak prestatzen. Ordubete geroago zabalduko ditu ateak II. Ardo Azokak, Euskal Herriko eta Espainiako estatuko hamar ardandegitako ardoak dastagai izango dituena. Lehenengo urtea da jaietan ardo feria egiten dutena, baina azaroko Odolki Egunean ekimenak izan zuen arrakasta ikusita oraingoan ere harrera beroa izango duela uste dute antolatzaileek. Ardoak probatzeko postuak goizez eta arratsaldez zabalduko dituzte. ... 2008/05/10 - 00:51:03

Iturriak