Edizio jarraia, Busturialdeko hitza
Busturialdeko hitzako azken ordua.
Biharko jaialdiaren kokapena baldintzatu dezake eguraldiak
`Astra proiektua aurrera! Bittartien Pasilekure´ jaialdia baldintzatu dezake eguraldiak, euria eginez gero zenbait ekitaldi lekualdatzea erabaki baitu Astrako koordinadorak. Euririk ezean egitaraua bere horretan mantenduko dute, baina euria eginez gero bazkaria eta eguerdiko bestelako ekitaldiak Merkatu plazan egingo dituzte. Kontzertuak Pasealekuko arkupeetan izango dira, eguraldi txarra izanez gero, bestela, Astraren kanpoko aldean mantenduko dute. 2008/05/09 - 16:46:02
Puerto III espetxera eroan dute Jabi Abaunza preso politikoa
Senideek jakinarazi dutenez, atzo Cadizko (Espainia) Puerto III espetxera eraman zuten Jabi Abaunza euskal preso politiko gernikarra. Hori ez da izango, ordea, jasango duen lekualdaketa bakarra, astelehenean Algecirasko kartzelara eramango baitute. Frantziak estraditatu ostean Soto del Realen sartu zuten eta, gero, 2007ko urrian, Valdemoroko espetxera eraman zuten, bertan izan dutelarik ordutik. 2008/05/09 - 16:46:02
Euskarazko literatura erotikoaren lehenengo jaialdia izango da hilaren 31n
2008/05/09 - 16:46:02
Egitaraua
2008/05/09 - 16:46:02
Busturialdeko eskola txikiek jaialdia egin dute
2008/05/09 - 16:46:02
Lurgorriko bizilagunekin mintzatuko da bihar goizean alkatea
Jose Mari Gorroņo alkatea auzoetako bizilagunekin biltzen ari da bakoitzean dauden beharrizanak denen artean aztertzeko. Bihar goizean Lurgorriko, Agarreko eta San Kristobalgo bizilagunen kezkak jasoko ditu, 12:00etatik aurrera, San Kristobal plazan. Ohi legez, kalean jarritako buzoi batean ere sartu ahal izango dituzte auzotarrek euren kexa eta iradokizunak. Bisitatuko duen hurrengo auzoa Fray Martin de Murua izango da 2008/05/09 - 16:46:02
"Leku bat behar dugu eta leku hori gazteok autogestionaturiko gaztetxe bat da"
Udalak Astra eraikinaren barruko aldea erauziko duela eta, bolo-bolo dabil gaia herritarren artean. Gazte Asanbladak zer esan handia dauka, berak eman baitzuen orain urte bi arma lantegia izandakoa okupatzeko pausoa. Hori dela eta, Busturialdeko Hitza Leire Gandarias (Gernika-Lumo, 1989) eta Aintzane Zabala (Gernika-Lumo, 1986) gazte sanbladako kideekin mintzatu da. 2008/05/08 - 22:43:02
Liburutegiak idazketa tailerra antolatu du zapaturako
Gernika-Lumoko udal liburutegiak urte osorako programazioa aurreikusi du, aurten lehenengoz. Hilabete honetan zehar `Liburutegiak eskoletara´ deritzon programa gauzatzen ari dira ikastetxeetan 4 eta 6 urte arteko umeei zuzenduta, baina `Tailerrak´ izenekoaren protagonista 6tik 12ra artekoak izango dira. `Liburutegiko gida ilustratua´ izan zen horietan lehenengoa joan den apirilaren 12an eta bigarrena bihar bertan izango da: `Idazketa tailerra´. 2008/05/08 - 22:43:02
Sareginen lana aintzat hartua izan dadin manifestu bat aurkeztu dute gaur goizean Eusko
Legebiltzarrean
Sareginen lana aintzat hartua izan dadin manifestu bat aurkeztu dute gaur goizean Eusko Legebiltzarrean. Bertan kostaldeko sareginak, alkateak eta kofradietako arduradunak bildu dira. Xabier Legarreta alkatearen esanetan "gaurko ekimena pauso bat da sareginen lana aintzat hartzen hasteko, izan ere, orain arte ez da aintzatetsi". 2008/05/08 - 16:42:02
EGA prestatzeko ikastaroak emango dituzte udal euskaltegian
EGA azterketa eta HABEren hirugarren mailako proba prestatzeko ikastaroak emango dizkie Aita Villasante Udal Euskaltegiak Institutuko eta Barrutia ikastetxeko 17 urtez gorako ikasleei. 90 orduko ikastaroak izango dira eta ekainaren hasieran, erdialdean edota irailean emango dituzte, 8:30etik 11:30era. 2008/05/08 - 16:42:02
