Ereno, Busturialdeko hitza

Hitzako albiste zerrenda ereno

Marmitakoa jateko aukera izango da bariku honetan

 2010/10/19 - 23:51:04

Igoera bertikala ikasten izan dira ADESekoak Ereñoko harrobian

ADES espeleologia taldeko zenbait kide Ereñoko harrobian izan dira asteburuan. Progresio bertikala zer den ikasten aritu dira batzuk eta beste batzuk, aldiz, praktikatzen. Horrela, egun bateko ikastaro horretan progresio bertikalean hasiberriak diren espeleologoek frakzionamentuak landu zituzten batez ere. Horrez gain, `spit´ deritzen ainguraketak horman kokatzen ikasi zuten. Eskubandei dagokionez, ez zuten nahi beste praktikatu. Bai, ordea, korapiloak pasatzen eta igotzeko eta jaisteko aparatuak aldatzen. Ikastaroa zapatuan izan zuten eta eguraldiak ez zuen batere lagundu. Izan ere, praktiketan ari zirela euria hasi zen, igoera progresiboa zailduz. Edonola ere, ADESekoek adierazi dutenez, «teoria argi geratu dela dirudi. Orain praktika falta da». ...  2010/10/19 - 23:51:04

Hainbat ikastaro antolatu ditu Ereñoko Udalak ikasturte honetarako

Beste urte batzuetako bideari jarraituz, herritarrei zuzendutako ikastaro eskaintza zabala antolatu du Ereñoko Udalak. Besteak beste, yoga, gimnasia, umeentzako ingelesa eta barreterapia eta etxean ogia egiteko tailerrak dira aurtengorako prestatutakoak. Dagoeneko zabalik dago izena emateko epea eta, hain zuzen, udaletxera jo behar da horretarako. Hori bai, ezinbestekoa da Ereñon erroldatuta egotea izena emateko. Eskolak urriaren 11n hasiko dituzte. Ordutegiak eta kuotak Yogako klaseak datorren astelehenean hasiko dira, eta astelehenero emango dituzte, 17:30etik 18:30era. Ikastaro horretan parte hartzen dutenek erlaxazio teknikak ikasteko aukera izango dute. Klaseak Ereñoko txokoan emango dituzte. 12 euroko kuota ordaindu beharko da hilean. ...  2010/10/05 - 23:49:04

Iraganeko aztarnak azaleratzen

Gaur egun Ereñozarreko baseliza dagoen tokian gaztelua zegoen Erdi Aroan. Ereñozar mendiaren goiko aldean zegoen, itsadarrari begira, baina Gaztelako erreinuaren eta Bizkaiaren arteko guda garaian galdu zen. Mikel Neira da Ereñozarreko indusketetako zuzendaria. San Miguel jaietako egitarauaren baitan, mendi horretan aurkitutako aztarnak aurkeztu ditu jendaurrean. «2008. urtetik gaur egunera bitartean aztarna ugari aurkitu ditugu», azaldu du. Besteak beste, txanponak, ezpatak, lantzen puntak, dadoak, eraztunak, harri landuak... aurkitu dituztela eta, horrenbestez, Ereñozarrek balio arkeologiko handia duela esan du. ...  2010/10/01 - 00:05:04

XXIX. San Miguelera igoera egingo dute domekan

Domekan Ereñozarreko XXIX. igoera egingo dute, Ereñoko San Miguel jaien baitan. 13:00etan hasiko da lasterketa, mezaren ostean. Parte-hartzaileak Eleizalde auzotik abiatuko dira, Ereñozar tontorrera igoz. Ereñoko Udaletik azaldu dutenez, lasterketan parte hartzeko interesa dutenek egunean bertan eman ahalko dute izena. Hortaz, dortsalak izena emateko unean jasoko dituzte parte-hartzaileek. Lasterketa bukatzean sari banaketaren txanda izango da. Lehenengo hiru sailkatuek izango dute saria. Irabazleak 120 euro eta garaikurra eramango ditu etxera eta bigarren sailkatuak 80 euro eta garaikurra. Hirugarren postuan sailkatzen denak 50 euroko saria izango du. ...  2010/10/01 - 00:05:04

Amaitu dituzte kanposantuko lanak

 2010/09/28 - 23:48:01

Telefono linearik gabe daudela eta, Telefonicaren zerbitzua salatu du Udalak

Telefonicako zerbitzu teknikora hainbatetan deitu arren, telekomunikazio enpresako teknikariek arazoa konpondu ez, eta astelehenetik telefono linearik gabe daudela salatu du Ereñoko alkate Juanjo Arribalzagak. Arazo horrek Udaleko eguneroko lanetan atzerapenak sortu dituela azaldu du. Hori dela eta, Ereñoko alkateak Telefonica enpresak arazo horren aurrean agertu duen pasibotasuna publikoki salatu gura izan du. Udaletxe baten funtzionamendu egokirako telefono zerbitzua «ezinbestekoa» dela dio, eta astelehenetik horren faltan daude Ereñon, beraz, «ezin diogu herritarrei zerbitzu on bat eskaini». Aspalditik bizitzen ari diren egoera hori «onartezina» dela salatu du alkateak. «Oraingoan Ereñoko udaletxea izan da , baina arazoa ohikoa da herrian, etxeetan ere sarri gertatzen baita». Udaletik arazoa behin betiko konpon dezan eskatzen diote Telefonicari. ...  2010/09/24 - 00:03:04

Atxosterako bidea, erabilgarri

 2010/09/14 - 23:41:02

Txomin Aranak laugarren egin du Adrian Garridok irabazi duen proban

Eguraldi onak eta parte hartu zuten pilotuen izenek erakarrita, asteburuan hainbat motozale hurbildu dira Ereñoko Gabika auzora, bertan jokatu ziren motokros probak ikustera. Zapatuan MX1 mailako nazioarteko motokros txapelketa eta haurren eta emakumeen Espainiako txapelketa jokatu ziren eta domekan, aldiz, Euskadiko txapelketa. MX1 mailako txapelketan lehia estua izan zen lehenengo lau pilotuen artean. Hala ere, azkenean Honda taldeko Adrian Garrido galiziarrak eskuratu zuen lehen postua. Berriz, Txomin Aranak laugarren postuarekin konformatu behar izan zuen. Hala ere, zapatuan lortutakoa «oso emaitza ona» izan dela esan du Ereñoko pilotuak. «Kontuan hartu behar da zapatuko proban maila handiko pilotuak izan zirela lehian. Laugarren postua espero nuena baino askoz ere emaitza hobea da», adierazi du Aranak. ...  2010/09/13 - 23:18:02

Ereñok Bilboko ur partzuergoan sartzeko izapideak hasi ditu

Joan den uztailean egindako osoko bilkuran aho batez onartu zuen Ereñoko udalbatzak Bilboko ur partzuergoan sartzeko izapideak hastea. Neurri horren bidez, eta herriko ur azpiegituretan egin diren hobekuntzak medio, 2011. urtera begira aurreikusten den tasen igoera bortitza ekiditzea du helburu Udalak. Tasen igoera saihestu nahian Horrela, Udalak aurreikusitakoa betez gero, Bilboko ur partzuergoan sartuko da Ereño eta, ondorioz, herriko uraren eta saneamenduaren kudeaketa erakunde horren esku geldituko da. Ereñoko Udalak bide hori jo du egokitzat, izan ere, saneamendu sarean zein azpiegituretan egin dituen hobekuntzen ondorioz, datorren urtean zerbitzu horien gaineko tasen igoera oso altua izango litzatekeela uste du. Beraz, Bilboko partzuergoan sartuta, igoera hori saihes dezakeela deritzo Ereñoko Udalak. ...  2010/09/01 - 23:31:02