Forua, Busturialdeko hitza

Hitzako albiste zerrenda forua

San Martin jaiak ospatzen hasiko dira foruarrak domekan

Jai giroa nagusituko da Foruan datozen egunetan, San Martin jaiak ospatzen hasiko baitira domekan. Aurten egitarau berezia eta zabala antolatu dute. Izan ere, hainbeste urtean itxita egon den Elexalde auzoko San Martin elizaren inaugurazioa izango dute, besteak beste. Domekan bertan hasiko dira San Martin jaiak, eta hilaren 14ra arte iraungo dute. Bien bitartean, hainbat dira antolatutako ekitaldiak. Jaiei hasiera emateko, adibidez, IX. Nekazal Azoka antolatu dute. Bertan, guztira, eskualdeko 30 ekoizle izango dira. Besteak beste, ortuariak, ogia, txakolina, gazta eta taloa txorizoagaz erosi eta dastatu ahalko dira. ...  2010/11/04 - 00:07:04

Amaitu dituzte jada San Martin eliza berritzeko lanak

Bost urtean horretarako aukera izan gabe egon ostean, San Martin elizaz gozatzeko garaia heldu zaie foruarrei. Izan ere, amaitu dituzte dagoeneko eliza hori berritzeko lanak. Hartara, San Martin jaiekin batera inauguratuko dute azaroaren 11n eliza hori. Foruak duen altxor nagusienetako bat da San Martineko nekropolia eta, gainera, Bizkaiko garrantzitsuenetarikoa ere bada. Erromatar garaitik XIX. mendera arteko ehunka hilobi aurkitu zituzten duela bost urte elizaren lurzoruan, esparrua hobetzeko lanetan ari zirela. Hainbat izan dira bertan egindako lanak, baina, dudarik gabe, San Martinek izango duen beirazko lurzorua izango da zeresan handiena emango duena. ...  2010/11/03 - 00:07:02

Domekan perretxikoen erakusketa egingo dute

Perretxiko erakusketa izango da domekan Foruan, Muinogorri elkarteak antolatuta. Aurtengoa erakusketa antolatzen duten hamalaugarren aldia izango da, eta perretxikozaleek aukera paregabea izango dute goiz eder bat pasatzeko. Erakusketa 11:00etan hasiko da eta 15:00etara arte izango da perretxikoak ikusteko aukera. Antolatzaileek azaldu bezala, «jendea perretxikoen mundura hurbiltzea dugu helburu». Izan ere, diotenez, «perretxiko erakusketak perretxikoak ezagutzeko aukera ematen du». Horrela, perretxikozale hasiberriek antzekoak diren perretxiko pozoidunen artean eta perretxiko jangarrien artean dauden ezberdintasunak ikusteko aukera izango dutela azaldu dute. ...  2010/10/21 - 23:01:02

Datorren hilean hasiko dituzte Baldatikako San Bernardo eliza zentro soziokultural egiteko lanak

Foruko Udalak datorren hilean ekingo dio Baldatika auzoko San Bernardo eliza berriztatzeko lanei. Izan ere, auzotarrentzako zentro soziokultural bat egin gura dute bertan, bertan biltzeko aukera izan dezaten. Azaroan hasiko dituzten lan horiek abuztuan amaitzea aurreikusi dute. Udalaren asmoa Baldatika auzoan abuztuaren 20an ospatzen den San Bernardo egunerako dena prest egotea litzateke. Horrela, ohi legez, bertan ospatu ahalko lukete egun hori. Herriko ondare den eliza hori egun horretan bakarrik erabiltzen dute, eta gainontzeko egunetan itxita egoten da. Hori dela eta, Udalak eraikina berritzeko apustua egin du, auzotarrentzako zentro soziokultural bihurtu asmoz. ...  2010/10/20 - 23:01:02

Gipuzkoan barrena

Herriko zaharrei zuzenduta, Gipuzkoako kostaldea bisitatzeko irteera antolatu zuen hilaren 14rako Foruko Udalak. Irteera horri esker, Pasai Donibane, Usurbil eta Zarautz bisitatzeko aukera izan zuten joan ziren 85 foruarrek. Udaleko Gizarte Ongizate sailak antolatutako irteeraren balorazio ona egin dute. «Oso pozik gaude ekimenak izan duen harrerekin», esan dute sail horretako arduradunek. «Oso egun polita» izan zela gaineratu du Maria Angeles Gorospe Ongizate saileko arduradunak. Giro ona sortu zuten foruarrek sagardotegian Pasai Donibanen hasi zuten bisita, goiz partean. Eguerdian, aldiz, Usurbilen egin zuten geldiunea, Aguinaga sagardotegian bazkaltzeko. Sagardotegian ez zen giro onik falta izan, ezta trikitixaren doinuaz alaitutako dantzarik ere. Gero Zarautzera joan ziren, han bukatuz eguneko bisita. ...  2010/09/29 - 23:44:07

Atxondoa urbanizazioko argiztapena hobetu du Udalak

Foruko Udalak herriko zenbait txokotako argiztapena hobetu du. Helburuak, Udalaren arabera, energia aurreztea eta argi-kutsadura saihestea izango lirateke. Atxondoa urbanizazioan zeuden globo itxurako 32 farola izan dira aldatu dituztenak. Eraginkortasun hobea Udalak ipini dituen farola berri horiek eraginkortasuna eta argiztapen hobea bermatuko dutela ziurtatu dute. Horiekin, herriko argiztapena eguneratzeko lanekin amaitu du Udalak. Hain zuzen ere, Atxondoa urbanizazioko 32 farola dira aldatu dituztenak. Izan ere, herrian geratzen ziren globo itxurako farola bakarrak ziren. Horiek aldatzeko lanak Udaleko langileen esku utzi dituztela azaldu dute. ...  2010/09/27 - 23:23:02

Foruan 1946an aurkitutako 'Isis-Fortuna' eskultura hartu du Arkeologi Museoak

Bilboko Arkeologi Museoak Foruko harrobiko haitzuloan aurkitutako `Isis-Fortuna´ eskulturatxoa hartu eta ikusgai izango du, azaroaren 7ra arte. Hain zuzen, 1946. urtean berreskuratu zuten pieza hori B. Taracenak, A. Fernandezek eta J. Larreak, haitzulo horretan indusketa arkeologikoak egiten ari zirela. `Hileko pieza´ legez ipini du Museoak erakusgai `Isis-Fortuna´-ren irudikapena, indusketa arkeologikoetan eskuratutako pieza bereziak modu sakon eta zehatzagoan ezagutzera emateko helburua duen programaren baitan. «Aparteko pieza» Bizkaiko Foru Aldundiak jakinarazi duenez, `Isis-Fortuna´ «aparteko pieza da, eta proba garbia erromatarrak aro honetako lehen mendeetan gure lurraldean finkatu zirela egiaztatzeko». ...  2010/09/22 - 23:41:17

Arkaitz Ozamizek irabazi du arrantza lehiaketa

 2010/09/20 - 23:21:03

Antiguoko talde gipuzkoarrak irabazi du kimuen txapelketa

Busturiko futbol taldeak antolatuta, kimuen Busturialdeko bigarren txapelketa lehiatu da asteburuan, Itsas Adar zelaian. Irabazlea Donostiako Antiguoko taldea izan zen. Hala ere, eskualdeko taldeek ere maila ona agertu zuten. Hala, Gernika klubekoek bigarren egin zuten eta Bermeoko eta Busturiko kirol taldeek bosgarren eta seigarren, hurrenez hurren. 18:00ak aldera jokatu zuten finala Antiguokok eta Gernikak, gipuzkoarrak izendatuz irabazle. Busturiko kirol elkartetik adierazi dutenez, iaz bezala, aurten ere ikusle ugari bildu du txapelketak. «Jende asko hurbildu zen partidak ikustera eta jokalariak animatzera, beraz, umeak oso pozik egon ziren. Taldeak oso maila onekoak izan dira eta partidetan jokaldi politak ikusteko aukera egon da». ...  2010/09/20 - 23:21:03

412 lagun Forutik Forura martxan

Haitz Biribil kultur elkarteak antolatutako II. Forutik Forura mendi martxa arrakastatsua izan da, iaz bezala. 412 parte-hartzaile inguratu ziren domeka goizean Forura martxa horretan parte hartzeko prest. «Iaz baino jende gutxiagok parte hartu arren, oso pozik gaude lortutako emaitzarekin eta datorren urtean hirugarrena antolatzeko asmoa dugu», adierazi dute elkarteko kideek. Zigor Iturrieta azkarrena 21 kilometroko ibilbidea prestatu zuten Haitz Biribilekoek, oinez nahiz arineketan egin zitekeena. Kultur elkartekoek zehaztu dutenez, 389 lagunek martxa oinez egin zuten eta gainontzeko 23k, aldiz, arineketan. Azken horretan Zigor Iturrieta izan zen azkarrena, ordubete, 42 minutu eta 45 segundo behar izan zituelarik proba amaitzeko. Bestalde, parte-hartzaile guztiek kamiseta bana jaso zuten opari. ...  2010/09/20 - 23:21:03