Forua, Busturialdeko hitza

Hitzako albiste zerrenda forua

'Egunkaria'-ko auzipetuak errugabetu ditzatela eskatu du Eusko Legebiltzarrak

`Euskaldunon Egunkaria´-ko bost auzipetuen absoluzioa eskatzeko mozioa onartu zuen atzoko osoko bilkuran Eusko Legebiltzarrak. Testuak PSE-EEren, Aralarren, EAJren eta EBren onespena jaso zuen. Ez, ordea, EArena. Eusko Alkartasunak ez zuen mozioaren aldeko bozketan parte hartu, bere ustez agiria behar baino ahulagoa zelako. Bestalde, UPDk eta PPk testuaren aurka bozkatu zuten. Edonola ere, proposamenak aurrera egin zuen, Legebiltzarraren gehiengo osoz. Auzia behin betiko artxibatu dezatela eskatu dute `Egunkaria´ auziari buruz Eusko Legebiltzarrean atzo adostutako mozioan Espainiako Auzitegi Nazionalari auzia «behin betiko artxiba dezala eta egindako kalteak konpon ditzala» eskatu zioten. Horrez gain, bost auzipetuekiko (Martxelo Otamendi, Iñaki Uria, Joan Mari Torrealdai, Joxe Mari Auzmendi eta Xabier Oleaga) «elkartasuna eta egunkaria itxi zutenetik jasan behar izan duten egoera pertsonalaz eta laboralaz» interesa adierazi zuten. ...  2010/02/25 - 23:57:01

Udalak Zelai enparantza urbanizatuko du, 200.000 euroko inbertsioa eginez

Foruko Udalak herrigunean dagoen Zelai plaza eta inguruak urbanizatzeko lanak hasiko ditu urte honetan bertan. Hain zuzen ere, herritarrentzako aisialdi gunea eraikiko dutela jakinarazi dute Udaletik. Udaletxe aurrean dagoen plaza horretako 1.500 metro koadro egokituko dituzte denetara, haurrentzako gunea eta lorategiak atonduz bertan. Horrez gain, Elexalde auzoko etxebizitzetarako oinezkoentzako sarbidea hobetuko dute, Udaletik esan bezala. Jarduera hori herritarrekin adostutakoa dela diote Udaletik. «Hiriguneko eremu hau sarbide erosoa duen espazio bisitagarri bihurtu gura dugu, aldi berean herritarrentzako topalekua izanik». ...  2010/02/25 - 00:47:01

Itxieraren zazpigarren urteurrenean, auzipetuen absoluzioa eskatuko dute

Bihar zazpi urte beteko dira Guardia Zibilak, Espainiako Auzitegi Nazionalaren aginduz, `Euskaldunon Egunkaria' itxi zuela. Erabaki judizial hark era guztietako erreakzio politikoak eragin zituen Euskal Herrian zein atzerrian. AVT eta Dignidad y Justicia elkarteak herri akusazio gisa agertu ziren eta, Guardia Zibilaren txostenetako argudio guztiak bere egin, eta espetxe zigor gogorrak eskatu zituzten auzipetuentzat. Itxieraren zazpigarren urteurrenean, mobilizazioak izango dira hainbat herritan, auzipetuen absoluzioa eskatzeko. Joan den otsailaren 1ean bukatu zen `Egunkaria´-ren itxiera kasuko epaiketa eta auzipetuak, beraz, epaiaren zain daude. Defentsak eta fiskalak absoluzioa eskatu dute. Herri akusazioek, aldiz, 12 eta 14 urte arteko kartzela zigorrak eskatu dituzte Joan Mari Torrealdai, Iñaki Uria, Txema Auzmendi, Martxelo Otamendi eta Xabier Oleaga auzipetuentzat, ETArekin lotura izan zutelakoan. ...  2010/02/19 - 00:12:02

Nekazaritza eta abeltzaintza babesteko neurriak eskatu ditu Foruko Udalak

«Euskadiko nekazaritza eta abeltzaintza sektoreei babesa eta elkartasuna» emateko mozioa onartu du Foruko udalbatzak berriki egindako osoko bilkuran, «merkatuak pairatzen dituen prezioen egoera eta krisialdi larria direla-eta». Horrez gain, sektoreak ekoiztutako produktuen merkaturatze politikak indartu ditzatela eskatu die Udalak Eusko Jaurlaritzari eta Espainiako Gobernuari. «Egun Euskal Autonomia Erkidegoko nezakariek eta abeltzainek bizi duten krisialdi egoerak salmenten eta prezioen portzentaje altu baten urriagotzea ekarri dute. Foruko Udalak egoerari aurre egiteko neurriak eskatu ditu onartutako mozio honen bitartez», azaldu dute. Izan ere, udalbatzak onartu duen mozioan argudiatzen duten bezala, nekazaritza eta abeltzaintza sektoreen errentagarritasuna «ezerezean geratu» dira. «Ekoizleek jasotzen dituzten prezioak %20 jaitsi dira. Okelaren, gaztaren eta egurraren salmenta %30ean, %50ean eta %90ean jaitsi dira, hurrenez hurren. Horrez gain, azoka desberdinetako salmenta tradizionala %70ean murriztu da. Era berean, emaitza hauek kalitatearen bermea lantzeko programan lan egin duten ekoizleen salmentetan ere igarri dira %50ean», adierazi dute Udaletik. ...  2010/02/18 - 00:04:04

'Egunkaria'-ren alde Durangon ere

 2010/02/11 - 03:09:02

40. urteurrena ospatuz

1969an egin zuen Foruko Urdaibai taldeak aurreneko aldiz dantza saio bat. Ordutik 40 urte igaro dira eta, urteurrena ospatzeko, dantza taldeak zenbait ekitaldi prestatu ditu astebururako. Horrela, zapatuan Busturialdeko dantzari eguna ospatuko dute Foruan. Bakioko Itxas-Aldek eta Busturialdeko dantza talde guztiek dantza saioak egingo dituzte, 19:00etan, kultur etxearen ondoan Udalak jarri duen karpa batean. Bi ordu inguru iraungo duen saioaren ostean txerribodako txerrikiak afalduko dituzte dantzari guztiek. Urdaibai dantza taldeko Jesus Irazabalek azaldu duenez, Busturialdeko dantzari eguna urtero egiten duten jaialdia izaten da. Hala ere, taldearen 40. urteurrena dela eta, «aurten Foruko dantzariek hartu dute ospakizuna antolatzeko ardura». ...  2010/02/11 - 01:13:02

'Egunkaria' kazetaren auzian absoluzioa eskatu dute hainbat eurodiputatuk

Martxelo Otamendi `Euskaldunon Egunkaria´-ren zuzendari ohia Estrasburgon (Frantzia) izan zen atzo. Europako Legebiltzarreko hainbat diputatuk berriz ere `Egunkaria´-ren auziaren kontrako salaketa egin zuten, auzipetuei beren babesa emateaz gain. Gainera, absoluzioa eskatu zuten, «epai justua» hori litzatekeelako, euren ustez. Hala, kazetako «zuzendaritzako bost kide ohiak errugabe» jotzeko eskatu zuten, «epaiketa zain dagoen auzi ekonomikoa bertan behera uzteko eta auzipetu guztiei eragindako kalteen ordaina emateko». Euskarazko egunkariari eta auzipetuei eurei babesa agertu dioten eurodiputatuetako batzuek Martxelo Otamendirekin batera agerraldia egin zuten atzo, legebiltzarrean bertan. Hain zuzen, Izaskun Bilbao (EAJ) bermeotarra, Ramon Tremosa (CiU), Oriol Junqueras (ERC), François Alfonsi eta Catherine Greze (Berdeak) eta Raul Romeva (ICV) izan ziren. ...  2010/02/11 - 00:17:03

Etxez etxeko ospitalizazio zerbitzua eskatzea onartu dute

Foruko udalbatzak eskualderako etxez etxeko ospitalizazio zerbitzurako eskaera egitea onartu du azken osoko bilkuran. Galdakaoko Ospitaleak eskaintzen duen laguntza zerbitzua da hori, zeinarekin gaixoak euren etxeetan ospitalizatu daitezkeen. Euskal Autonomia Erkidegoko biztanleriaren %94k erabili dezake zerbitzua, Busturialdean eta arabar Errioxan ordea, ez. Busturialdeko gainontzeko udalerriei zein osasun zerbitzuei zerbitzu horren eskaerarekin bat egiteko deialdia egin die Foruko Udalak. Hori dela eta, eskaerari atxikitzeko agiriak bidaliko dituzte eskualdeko udaletara, osoko bilkuretan onartu ditzaten, hala badagokio. Foruko Udalak kaleratutako oharrean azaldu duenez, «helburua eskaera elkarrekin aurkeztea da, Busturialderako laguntza hau lortzeko». ...  2010/02/11 - 00:17:03

Musikariak 'Egunkaria'-ren alde `Egunkaria libre!´ aldarrikatuz, Ruper Ordorika, Benito Lertxundi, Aitor Gorosabel, Xabi Bastida, Andoni Tolosa 'Morau', Rafa Rueda, Mikel Kazalis, Txuma Murugarren, Jexux Mari Lopetegi, Imanol Ubeda, Gorka Urbizu eta beste hainbat musikari batu ziren atzo Donostian, `Egunkaria´ auziaren kontrako elkarretaratzean. Joan Mari Torrealdai auzipetu foruarra ere han izan zen.

 2010/02/10 - 23:17:06

'Egunkaria' plurala eta askea zen, defentsaren lekukoen arabera

`Egunkaria´ auziko epaiketako laugarren ahozko saioa egin zuten atzo Espainiako Auzitegi Nazionalean, Madrilen. Akusazioen azken lekukoak eta defentsaren bi izan ziren atzo auzitegian, azalpenak ematen. `Egunkaria´-ren independentzia eta pluraltasuna defendatu zuten atzo ere defentsaren hiru lekukoek. Iñaki Zabaleta Egunkaria Sortzen taldeko partaideak, Imanol Murua Uria kazetako langile ohi eta Egunkaria Sortzeneko kideak eta Jose Luis Zinkunegi jesuiten buruak `Egunkaria´-ko langile ohien erregugabetasuna nabarmendu zuten atzokoan. Zabaletak euskarazko kazeta sortzeko prozesuaren inguruan azalpen ugari eman zituen bere deklarazioan, «Egunkaria Sortzenekoa zen euskal kulturan izan dezakegun talderik pluralena», azalduz. Kazetaren eta EAJren arteko harremana bidera zezan Mario Onaindia PSE-EEko buruzagi zenarekin harremanetan jarri zirela azaldu zuen. «EAJren eta `Egunkaria´-ren arteko hasierako hoztasuna apurtu zuena PSE izan zen». Kazetak ETArekin harremanik ote zuen galdetuta, erabateko ezetza eman zuen Zabaletak. ...  2010/02/10 - 23:17:06