Kortezubi, Busturialdeko hitza

Hitzako albiste zerrenda kortezubi

Artiatx mendatarraren astoa nagusitu da Kortezubiko probetan

Bizkaiko asto proba lehiaketaren lehen proba jokatu zen domekan Kortezubin eta Mendatako Agustin Artiatxen astoak lortu zuen lehen saria, egindako 65 untzei esker. Probak goizez eta arratsaldez jokatu ziren, eta denetara sei asto izan ziren lehian. Hala ere, esan legez, Artiatxen astoak lortu zuen markarik onena, 65 untza, hain zuzen. Horri esker, 400 euro, garaikurra, manta eta txapela lortu zituen mendatarrak. Bigarren sailkatuak, Mañuko bentako astoak, 63 untz egin zituen eta Maiora elkarteko astoak, aldiz, 62. Antolatzaileek adierazi dutenez, «oso giro ona egon zen eta parte-hartzaileen artean bi edo hiru untzetako aldea baino ez ze egon. Horrek ikusleen artean interes handia piztu zuen». ...  2010/03/09 - 00:09:04

Bizkaiko asto proba txapelketa lehiatuko dute Kortezubin

Kortezubiko Beti Pozik Kultur Elkarteak antolatuta, 2010eko Bizkaiko asto proba txapelketa izango da datorren domekan Kortezubin. Guztira, sei asto izango dira herriko probalekuan, Busturialdekoak zein inguruetako herrietakoak, guztiak markarik onena lortzeko asmoz. Probak goizez eta arratsaldez izango dira, 12:30ean eta 18:00etan, hain justu. Goizeko txandan Astei jatetxeko eta Excavaciones Bilbaoko astoak ariko dira lehian. Arratsaldekoan, aldiz, Agustin Artiatxen, Urrolaren, Maiora elkartearen eta Mañuko bentaren astoen txanda izango da. Sariak Finaleko parte-hartzaile guztiek izango dute saria. Hala ere, sari garrantzitsuenak lehenengo hiru sailkatuek eskuratuko dituzte. Asto probetako irabazleak 400 euro, garaikurra eta manta lortuko ditu. Bigarren eta hirugarren sailkatuek 340 eta 310 euroko sariak eta garaikurrak eskuratuko dituzte, hurrenez hurren. ...  2010/03/05 - 00:47:02

Barrutibasoko padurak birlandatuko dituzte asteburuan

Kortezubiko Barrutibasoko paduren birlandaketarako jardunaldia antolatu du Urdaibai Fundazioak. Hitzordua zapatuan jarri dute, 09:30ean, Gernika-Lumoko Errenteria auzoko zubiaren ondoan. Fundaziotik ohar bidez azaldu dutenez, 14:00ak arte luzatuko da lan eguna. Jardunaldi horren bitartez, zonalde horren berreskurapen prozesuan laguntza eman nahi diote Fundaziokoek Urdaibaiko Patronatuari. Bazkaria eta landaketarako beharrezkoa den material guztia (palak, eskularruak...) Urdaibai Fundazioak berak jarriko ditu, jakinarazi duenez. Haltzak eta sahatsak landatuko dituzte Haltzak eta sahatsak landatuko dituzte zapatuan. Parte hartzen dutenek Patronatuak Barrutibason martxan jarritako proiektuaren helburuak eta berorren garapena ezagutzeko aukera izango dute. Izan ere, Fundazioko kideek proiektu horren aurkezpen laburra egingo dute. ...  2010/03/04 - 00:38:03

Agustin Ibarrolaren ibilbidea saritu dute

Joan den barikuan Agustin Ibarrola (Basauri, 1930) Omako baso margotuaren egilearen ibilbidea saritu zuten Madrilen (Espainia), DEARTE azokan. Espainiako Gobernuko presidenteorde Maria Teresa de la Vegaren eskutik jaso behar zuen Ibarrolak `Una vida de arte´ izeneko saria, baina azkenean Juan Jose Puerta Espainiako Presidentziaren ministerioko idazkariordeak eman zion. Hark irakurri zuen Maria Teresa de la Vegak prestatutako testua. Bizitzeko arteak duen garrantzia nabarmendu zuen de La Vegak bertan. Artearen munduan lorpen handiak izan dituztenak saritzen dituzte urtero `Una vida de arte´ sariarekin, eta Ibarrola «bere konpromisoagatik eta sorkuntzari eskainitako ibilbideagatik» hautatu dute aurten. De la Vegak Omako basoaren egilearen lana goraipatu zuen bere testuan, Ibarrolak «sorkuntza eta askatasuna suntsiketari eta injustiziari gailenduko» zaiela uste izana nabarmenduz. ...  2010/02/23 - 00:34:13

'Una vida de arte' saria jasoko du gaur Ibarrolak

Omako baso margotuaren egileak, Agustin Ibarrolak (Basauri, 1930), `Una vida de arte´ izeneko saria jasoko du gaur. Madrilgo (Espainia) DEARTE azokaren testuinguruan jasoko du artistak aipatu aintzatespena, Espainiako Gobernuko presidenteorde Maria Teresa de la Vegaren eskutik. Hain zuzen, gaur bertan inauguratuko dute azoka hori eta bertan izango da Eusko Jaurlaritzaren ordezkaritza bat ere. Urtero ematen duten saria da `Una vida de arte´ eta artearen munduan lorpen handiak izan dituztenak saritzen dituzte. Ibarrola hautatu dute aurten, «bere konpromisoagatik eta sorkuntzari eskainitako ibilbideagatik». Ibarrolak, gainera, `stand´ berezi batean erakutsiko ditu bere lanak. Beste edizio batzuetan 100.000 lagunen bisita hartu izan du azokak eta, hortaz, parte hartzen duten ehunka artistek aukera ezin hobea dute beren lana ezagutarazteko. ...  2010/02/19 - 00:14:01

Paisaia katalogo batean agertzeko hautagaietako bat da Santimamiñe

Espainiako Ingurumen eta Landa eta Itsas Ingurunearen ministerioak eskatuta,TRAGSATEC enpresa publikoak hogei bat paisaia-esperientzia hautatu ditu tokiko garapenari laguntzen dioten paisaia-esperientzien katalogoa osatzeko. Hautagai horien artean Santimamiñeko multzo arkeologikoa dago. TRAGSATEC enpresa publikoa tokiko garapenari laguntzen dioten paisaia-esperientzen katalogoa egiten ari da, eta horretan agertzeko hartu du aintzat Santimamiñe haitzuloan martxan jarritako proiektua. Hala ere, oraingoz, Kortezubiko haitzuloa entitate publikoak hasieran hautatutako hogeiren artean dago, baina horietako hamar baino ez dira sartuko katalogo horretan. ...  2010/02/12 - 00:24:01

Erretiratuek bazkaria egingo dute domekan

 2010/02/04 - 00:30:03

Josune Ariztondo: «Ikerketa zentro izatera igaro da Santimamiñe»

Josune Ariztondo Bizkaiko Foru Aldundiko Kultura saileko diputatuak Santimamiñeko multzo arkeologikoaren 2008-2009ko txostenaren aurkezpena egin zuen atzo Bilboko Arkeologia museoan. Txosten horretan 2008ko martxotik 2009ko abendura arte Santimamiñen aurrera eraman dituzten kontserbazio, zabalkunde eta balioesteko jarduerak bildu dituzte. «Santimamiñeko kobazuloaren eboluzioa bi urte hauetan oso modu baikorrean ikusten dugu. Izan ere, oso egoera ahulean zegoen ondare historiko izatetik Ikerketa, Garapen eta Berrikuntza zentro izatera igaro da», azaldu zuen Ariztondok. ...  2010/01/14 - 00:12:01

Asteburuan asto eta zaldi probak izango dira Kortezubin

 2009/12/11 - 00:31:06

Erretiratuek bazkaria egingo dute domekan

 2009/12/11 - 00:31:06