Busturialdeko hitza

Hitzako albiste zerrenda busturialdeko

Bizkaiko arku-ehiza txapelketa Bermeon jokatuko da domekan

Datorren domekan, maiatzaren 18an, Bizkaiko arku-ehiza txapelketa jokatuko dute Sollube mendiko trebakuntza esparruan, 09:00etatik aurrera. Aurtengoa Bizkaiko arku-ehiza txapelketaren hamargarren edizioa izango da. Bizkaiko ehiza federazioak gonbidapena egin diete ehizan federatuta dauden arku-ehiztari guztiei domekako txapelketan parte hartu dezaten. Aurten, gainera, bigarren aldiz jarraian egingo dute txapelketa Bermeon. Hain zuzen, Sollubeko trebakuntza esparruan izango da. Cannon erretegiaren ondoan dago bertaraino heltzeko sarrera. Iazkoa legez, aurtengo txapelketa ere Urdaibaiko arku-ehiza taldeak antolatu du. Jokin Baños taldeko presidenteak esan duen bezala, «iazkoa oso ondo joan zen. Hori dela eta, aurten ere Bermeon egitea erabaki dute». Izen-ematea Bizkaiko arku-ehiza txapelketan parte hartzeko maiatzaren 16a (barikua) baino arinago eman beharko da izena 944270528 telefonora deituz. Izen-ematea bost eurokoa izango da eta txapelketa hasi orduko ordaindu beharko da. ...  2008/05/12 - 23:55:03

Gazteentzako aisialdia sustatzeko laguntzak emango ditu Aldundiak

2008ko ekitaldian zehar aisialdi eta astialdi arloan gazteentzako garrantzi bereziko jarduerak, zerbitzuak eta ekitaldiak sustatzen dituzten erakundeentzako diru laguntzen dekretua onartu du Bizkaiko Foru Aldundiak. Izan ere, Bizkaiko Foru Aldundiak beharrezkoa ikusten du Bizkaiko gazteei zuzendutako aisialdi eta astialdirako alternatiba berriak eskaintzea. Gazteentzako antolatzen diren ekitaldietan teknologia berriak erabiltzea bultzatu nahi du Aldundiak. Era berean, gazteen elkarte-egiturak bultzatu nahi ditu. Hainbat udalerriko taldeak batzen dituztenez, lurraldean ezarpen maila bat eta programazio eta ekitaldi horiek bultzatzeko aukera duten egiturak antolatzeko asmoa dute. Aipatutako helburu horiek betetzekotan, Bizkaiko Foru Aldundiko Gobernu Kontseiluak diru laguntzak emateko dekretu bat onartu du. Diru laguntza horiek 2008ko ekitaldian gazteentzako zerbitzuak, programak eta proiektuak sustatuko dituzten Bizkaiko erakundeei emango dizkiete. Hori bai, gizartean gaurkotasuna duten gaiak landu beharko dituzte derrigorrez. ...  2008/05/12 - 23:55:03

Poxpolo, Mokolo ta konpainia, antzokian

Ukaezina da BUSTURIALDEKO HITZAk antolatu duen bigarren argazki lehiaketak izan duen arrakasta. Epez kanpo iritsi direnak kontuan hartu gabe, Aste Santuan egindako 106 argazki igorri dituzte erredakziora egunkariaren harpidedunek. Horien guztien artean erabaki behar izan du epaimahaiak eta, azkenean, argazkirik onenak `Parc Güell´, `SPrako tranbia (Innsbruck)´ eta `Zerua II´ izan direla ebatzi du. Irabazleak, hortaz, Hibai Agorria eta Begoña Rementeria gernikarrak eta Eritz Martinez bermeotarra izan dira, hurrenez hurren. Alberto Kasinak (Bermeo), Xabi Crespok (Gautegiz Arteaga) eta Markos Estebanezek (Gernika-Lumo) osatu dute epaimahaia. Aukeraketa egiteko argazki guztiak aztertu zituzten bakarka lehenbizi eta hitzordu batera agertu ziren ondoren elkarrekin hartzeko azken erabakia. Estebanezen esanetan, «gure ustez denen artean onenak ziren hemezortzi argazki aukeratu genituen eta horietatik batzuk errepikatu egiten zirela ikusi genuen. Irabazlearen kasuan ez genuen inolako zalantzarik izan». ...  2008/05/12 - 23:55:03

Martxan da lehenengo Santiago pala txapelketa

Pasa den zapatuan jokatu ziren lehenengo Santiago pala txapelketako lehen partidak. Sei bikotek parte hartu zuten txapelketako lehenengo egunean. 10:00etatik aurrera lehen hiru partidak jokatu ziren eta arratsaldean, Axpeko frontoira bueltatu, eta beste hiru partida izan ziren. Uztailaren 27ra bitartean zapatu guztietan izango dira pala partidak Axpeko frontoian. Ekainaren 28ra arte izena eman duten hogei bikoteek liga modura jokatuko dute txapelketa. Ondoren, puntu gehien lortzen dituzten bikoteek uztailaren 5ean bigarren mailako azken erdiak jokatuko dituzte, 10:30ean. Aste bat beranduago, uztailaren 12an, lehen mailako azken erdiak jokatuko dituzte. Horiek ere 10:30ean izango dira. Finala, aldiz, uztailaren 27an izango da. Kasu horretan, partida 16:00etatik aurrera jokatuko dute. ...  2008/05/12 - 23:55:03

Benito Barrueta artistaren jarraitzaile ugari izan dira bere obra ikusten

Ohi baino beteago egon zen Nestor Basterretxea aretoa zapatu eguerdian. Barrueta Arte Elkarteak, Bermeoko Udalaren laguntzarekin, Benito Barrueta artista bermeotarraren obra ezagutzera emateko jardunaldia antolatu zuen. `Benito Barruetaren omenezko erakusketa´ inauguratu zuten lehenengo eta, ondoren, Barruetaren bizitzaz eta obraz aritu zen Andone Narvaez Gofinondo, zenbait urtez artista bermeotarraren arrastoak jarraitzen ibili dena. «Aitari esker txikitatik ezagutzen dut Barruetaren obra. Enkarguz hasi nintzen Barruetaren bizitza eta obra aztertzen, eta azkenean oso gustura sentitu naiz, Barruetarekin liluratuta». Udalak emandako beka Narvaez ez da artean aditu sentitzen. Duela lau urte hasi zen Barruetari buruzko Katalogo Arrazoituaren Proiektuarekin, eta orain arte egindako lanaren berri eman gura izan zuen zapatuko jardunaldian. ...  2008/05/12 - 23:45:04

Iaz baino parte-hartzaile gehiago

Domekan izan zen Urdaibaiko V. Piragua Ibilbidea. Bermeoko Kirol Patronatuko arduradunek adierazi dutenez, «iaz baino parte-hartzaile gehiago izan ziren. Hala ere, askok ezin izan zuten parte hartu, ez zituztelako eskatzen ziren baldintza guztiak betetzen. Antolatzaileetako batek, Mikel Egibarrek dioenez, «besteak beste, piraguak itsasokoak izatea eskatzen zen eta asko beste mota bateko piraguarekin etorri dira». Horrez gain, ibilbidea aldatu behar izan zuten antolatzaileek. «Babeseko ontziekin arazoa izan genuen eta itsasoak ere ez zuen asko lagundu. Beraz, ibilbidea laburtzea beste irtenbiderik ez genuen izan», azaldu du Egibarrek . Izaro irlari buelta eman beharrean, portutik Ogoñorantz bideratu zuten lasterketa eta handik bueltan joan ziren berriro portura. ...  2008/05/12 - 23:45:04

V. Zapatu Latinoaren «balorazio ona» egin dute

V. Zapatu Latinoan hainbat lagunek parte hartu zuten. Ernesto Miari jaialdiaren antolatzailearen esanetan, «egunean zehar izandako tailerretan 100 bat lagunek parte hartu zuten. Gaueko jaialdian, berriz, 400 lagunetik gora izan ginen». Tailerretan iaz baino jende gutxiago izan bazen ere, Miarik ekitaldiaren «balorazio oso positiboa» egin du. Tailerrak Arene kiroldegian izan ziren eta hiru gelatan bananduta egon ziren, mailaren arabera. 10:00etan hasi eta 20:00etara bitartean sei ordu eta erdiko jardunaldia egin zuten, tartean jateko eta atsedena hartzeko hiru orduko atsedenaldia izan zutelarik. Zenbait irakasleren eskutik, denetariko dantzak egin zituzten: salsa, bachata, cha-cha-cha, rumba... Nekatu arte V. Zapatu Latinoan kanpotar asko izan dira, besteak beste, Marbellako, Malagako, Burgosko eta Madrilgo (Espainia) jendea izan zen. Herriko jendea ere izan zen, «baina kanpoko jende gehiago». ...  2008/05/12 - 23:45:04

Txikigim jaialdia Santanapen

Txikigim jaialdia egingo dute gaur Gernika-Lumoko Santanape kiroldegian, Xixili gimnasia taldeak antolatuta. 12:00etan hasiko da jaialdia, eta prebenjaminak izango dira gaurkoan dantzen erakustaldia eskainiko dutenak. Guztira, 120 gimnasta batuko dira, bost eta zortzi urte artekoak. Xixili gimnasia taldeko umeak bakarrik ez, Bizkaiko zenbait taldeetako umeak ere izango dira gaurkoan: Loiuko Urdaneta ikastetxekoak, Bilboko Jesuitas ikastetxekoak, Durangoko Uztai taldekoak eta Mungiako Ventades ikastetxekoak. «Ikasturtean ikasitakoa erakusteko aukera izango dute gaur umeek. Baina gimnasia bakarrik ez, jokoak ere egingo dituzte», azaldu du Xixili gimnasia taldeko arduradun Andres Uriondok. «Sokekin lasterka ibiliko dira, soka-tiran...». Izan ere, Txikigim jaialdia da Xixilikoentzako, erakustaldia baino gehiago. «Guretzako gehiago da jaialdia beste ezer baino, ume txikiekin egiten dugun hau urteko egunik politena izaten da guretzako», zehaztu du Uriondok. ...  2008/05/10 - 01:06:03

Piropo lehiaketara aurkezteko epea maiatzaren 26an bukatuko da

Bermeoko Udaleko Gazte Planak, Gazteentzako Informazio Zerbitzuak (GIZ) eta Bermesex-ek Ligatzeko Esamoldeen I.go Lehiaketa antolatu dute. Helburua, lagunarteko egoera informaletan euskarazko esamoldeen erabilera sustatzea izango da. Hizkuntzagaz jolastea piropoak sortuz. Edonork parte hartu ahalko du. Baina lanak epaitzerako orduan, bi maila bereiztuko dituzte: hamazortzi urtetik beherakoak eta hamazortzi urtetik gorakoak. Kutxak jarri dituzte Ligatzeko erabili izan diren, erabiltzen diren edota erabili daitezkeen piropoak aurkeztu beharko dira. Horretarako, herriko hainbat taberna, denda, ikastetxe eta udal zerbitzutan kutxak jarri dituzte, eta horien ondoan piropoa idazteko txartelak egongo dira. Behin idatzita, txartelak kutxan sartu beharko dira. Edo bestela, parte hartzeko beste modu bat ere badago: `bermesex@bermeo.org´ helbidera piropoak bidalita. Esamoldeagaz batera egilearen datuak (izen-abizenak, adina, telefono zenbakia eta e-posta) jarri beharko dira. ...  2008/05/10 - 00:58:05

Motorrentzako IAT zerbitzua hilaren 19an ekarriko dute berriro

Herenegungo «arrakasta» ikusita, Udalak motorrentzako ITV-IAT zerbitzua berriro ekartzea erabaki du. Xabier Legarreta Bermeoko alkatearen esanetan, «enpresa harrituta geratu da Bermeon izandako erantzunagaz». Hori dela eta, hilaren 19an berriz ere motorzaleek aukera izango dute euren motorrei Ibilgailuaren Azterketa Teknikoa herrian bertan pasatzeko. Herenegungo ordutegi eta leku berdinean eskainiko dute zerbitzua: 15:30etik 19:30era ,Landabaso industiagunean hain zuzen. Baina bigarren honetan interesatuek aldez aurretik ordua hartu beharko dute Udalaren Berh@z leihatila bakarreko bulegoan. «Hainbeste lagun bildu ziren atzo [herenegun], eta jendea itxaroan egon behar ez izateko ordua hartzea eskatuko da oraingoan». Ia erabiltzaile denak bermeotarrak ...  2008/05/10 - 00:58:05