Busturia, Busturialdeko hitza
Hitzako albiste zerrenda busturia
Naturaren farmaziari etekina ateratzeko modua
Gaur egun, zenbait osasun arazoren aurrean, farmaziara jotzen dugu zuzenean sendagaiak erosteko. Baina naturak makina bat osagai natural ditu eskaintzeko, eta horiek zelan eta zertarako erabiltzen diren ikasten izan dira Busturiko herritarrak, Udaleko Kultura sailak EHNE sindikatuaren babesarekin antolatutako hiru eguneko ikastaroari esker. Sendabelarren onurak ezagutzeko bide horretan, Mentxu Amunategi izan dute gidari busturiarrek. Hark azaldu dizkie sekretu nagusiak. 2010/11/04 - 00:07:04
Jardueraz betetako asteburua dute Madariaga Dorretxean
Euskadiko Biodibertsitatearen Zentroak hainbat jarduera antolatu ditu asteburura begira. Zapatuan zein domekan, ez dute atsedenik hartzeko denborarik izango. Itsasoa gustuko duten horientzat, itsasontziz egingo duten ibilbide gidatua antolatu dute zapaturako. Bermeotik abiatuko dira eta Izaro irla eta Ogoñoko lurmuturra bisitatzeko aukera izango dute izena ematen dutenek. Gainera, Madariaga Dorretxean ere izango dira bisitan. 10:30etik 11:30era izango da ibilbidea. Egun berean, zetazeoak ikuskatzea ere posible izango dute batzuek, 10:30etik 13:30era. Lehenik eta behin saio teorikoa izango dute. Ondoren, autoz joango dira Matxitxakoko lurmuturrera zetazeoak ikusi asmoz. ... 2010/11/03 - 00:21:01
Busturiko gazteek Koikili izan dute entrenatzaile lanetan
Busturiko Eixu! Udal Euskara Batzordeak ekimen berri bat ipini du martxan, `Entrenamenduak euskaraz´ izenekoa, hain zuzen ere. Berorren helburua entrenatzaileei euskaraz zelan entrena daitekeen irakastea dela azaldu dute antolatzaileek. Horretarako, Busturiko futbol taldeko gazteek Koikili Lertxundi Athletic taldeko jokalariaren bisita izan zuten atzo arratsaldean. Hartara, atzoko entrenamendua desberdina izan zen Busturiko futbol taldeko gazteentzat. Izan ere, jokalari profesional baten esanetara lan egin zuten; euskaraz, gainera. Koikili gazte askoren idoloa da eta horregatik izan zen berezia atzoko entrenamendua. ... 2010/11/03 - 00:21:01
Izpiluetan babes publikoko etxeak egitea onartu du udalbatzak
Udalbatzak onartu egin du Busturiko Izpilueta auzoan babes publikoko etxebizitzak egiteko izapidea; orain, Bizkaiko Foru Aldundiaren iritzi teknikoen zain daude proiektuagaz hasteko. Aurreikuspenen arabera, laster etxebizitzak esleitzeko prozedura hasiko dute, eta etxeen eraikuntza kudeatzeko aukerak zehaztuko lirateke. Era berean, izen-emateak eta zerrendak osatzeari ekingo liokete, baita konpromisoak sinatzeari ere. Presapeko babes ofizialeko etxebizitzak Bestalde, Presapeko babes ofizialeko etxebizitzen proiektuari Bizkaiko Foru Aldundiak jarritako helegitea onartu egin dute azkenean . Hain zuzen, aparkalekuek eta sarrera-irteerek errepidean zuten eraginaren inguruko alegazioa aukeztu zuen Foru Aldundiak. Gainera,URA agentziak proiektua aurrera eramateko behin-behineko baimena eman du, azterketa hidrologikoan zuzenketak egin ostean. Hori dela eta, Presapeko lehen fasea martxan da, sortutako arazoak desblokeatu ondoren. ... 2010/10/27 - 23:19:02
Busturiko Plan Orokorraren aurkezpena egingo dute bihar
Busturiko Udalak herritar guztiekin batera osatu gura du Busturiko Plan Orokorra 2010-2020. Izan ere, Udalak aspalditik hartu du herritarren parte-hartzea bultzatzeko konpromisoa. Herritarrek dagoeneko ikusgai dute Plan Nagusiaren aurrerapena. Gainera, horren aurkezpen publikoa bihar bertan egingo dute, 19:30ean, Altamira auzoko Kultur Etxean. Busturiko Plan Orokorra izango denaren aurrerapena aztertu gura duten horiek hiru modu dituzte; udaletxean bertan aurki dezakete, Altamirako Kultur Etxean edota internet bitartez, `www.busturiadanonartean.org´ webgunean. Hiru batzar Udaletik azaldu legez, «guretzat, busturiar guztiak gara egokiak herriaren eta auzoen etorkizuna erabakitzeko, bertan bizi garelako eta gaur adostuko dena gugan izango duelako eragina bihar edo etzi». ... 2010/10/27 - 23:19:02
Irrintzi Alai taldeak gurasoak omenduko ditu 45. urteurrenean
Busturiko Irrintzi Alai dantza taldeak 45.urteurrena ospatuko du 2013. urtean. Egun horretarako asko falta den arren, dagoeneko dantza taldea lanean ari da. Egun berezi hori heldu arte gauzak asko alda daitezkeen arren, 45. urteurrenean gurasoak omenduko dituztela argi du taldeak. Urteurreneko ekitaldiak, gainera, Altamira auzoan egingo dituztela aurreratu du taldeak, bertan sortu baitzen Irrintzi Alai dantza taldea. Dantzariak ez ezik, txistulariak ere Taldea, guztira, 50 dantzarik osatzen dute; horien artean, umeak, gazteak eta nagusiak daude. Taldeko zuzendari lanetan, bestetik, Txusa Irujo ari da. Dantzariak ez dira Irrintzi Alaiko taldekide bakarrak, txistulariak ere taldeko partaide dira-eta. Azken horiek, txistuaz gain, txirula, akordeoia, trikitixa, alboka, dultzaina eta beste hainbat musika tresna jotzen dituzte. ... 2010/10/27 - 23:19:02
Dani Ruizek laugarren egin du Ramalesko proban
2010/10/25 - 23:30:01
Ponpaketa zentroaren informazioa
2010/10/25 - 23:30:01
David Seco Ramalesko VII. sari nagusian izango da domekan
David Seco Busturiko txirrindulariak asteburuan ziklo-kros egutegiko beste proba batean parte hartuko du, Kantabriako (Espainia) VII. Ramalesko sari nagusian, hain zuzen ere. Duela aste batzuk asteburu honetarako programatuta dauden bi probetan parte hartzeko asmoa agertu bazuen ere, Burgoseko (Espainia) Medina de Pomar herriko lasterketa eta Ramaleskoa, azkenean horietako batean soilik lehiatuko da busturiarra, Kantabriakoan, hain zuzen. «Aste honetan berriro ere gastroenteritisak jota egon naiz, hala ere, gogor entrenatu dut astebururako prest egoteko. Baina, gorputza gehiegi behartu nahi ez dudanez, Ramalesko proban bakarrik parte hartzea erabaki dut», esan du Secok. ... 2010/10/21 - 23:01:02
Hiri-Antolamendurako Planean aldaketa handiak proposatu dituzte
Etorkizunera begira Udalak eta, azken finean, herritarrek eurek zer nolako herrian bizi gura duten zehazteko Hiri-Antolamendurako Plan Nagusia osatzen hasi da Busturiko Udala. Busturiko Hirigintza Antolamenduaren Plangintza Orokorrari iradokizunak egiteko aukera ere izango dute herritarrek. Horretarako, lehenengo, Bizkaiko Boletin Ofizialean argitaratu beharko dute; handik aurrera, bi hilabeteko epea izango dute herritarrek euren ekarpenak egiteko. Hainbat alorretan aurreko gobernu taldeak aurkeztutako plana goitik behera aldatuko dute. Besteak beste, etxebizitzen alorrean aldaketa handiak egingo dituzte. Hasteko, ez dute gura Busturiak «bigarren etxebizitzen herria izaten jarraitzea». Horretarako, etxebizitza libreen eraikuntza, ahal denik eta gehien murriztu gura dute lehentasuna babes ofizialeko etxeei emanez. Zenbait etxebizitza libre egiteko proiektuak onartuta zeudela jada eta Udalak horiek geldiarazterik ez duela azaldu du Andoni Elorrieta alkateak proiektuaren aurkezpenean. Bertan Jose Miguel Toledo aditua eta Udaleko arkitektoa ere izan ziren. Herrian aurrerantzean eraikitzen diren etxebizitza gehienak babestuak izatea du helburu Udalak. Horrez gain, eraikinak etxebizitza bat baino gehiagokoak izango dira, hau da, baztertu egiten dute, nekazal guneetan salbu, etxebizitza bakarreko eraikinak egitea. ... 2010/10/20 - 23:15:03
