Maider Unda
Emakumezkoen borroka - Beijing 2008
Maider Coloradon entrenatzen
Maiatzaren 4an abiatu zen Maider Espainiako emakumezkoen borroka taldearekin batera Amerikar Estatu Batuetara. Bertan, taldekideek Joko Olinpikoetarako sailkatzeko izango dituzten txapelketak prestatzen dituzten bitartean, Maiderrek Pekinera bidean daraman egutegia osatzen jarraitzen du. Estatu Batuetan dauden lau Entrenamendu Gune Olinpikoetako bat da Colorado Springsekoa , New York, California eta Michiganekoekin batera. Hilaren 12rarte arituko da Maider Californian. 2008/05/06 - 09:30:01
Zilarrezko domina Klippan Lady Open txapelketan
2008/05/05 - 09:28:01
2008ko Europako Txapelketa
2008/05/05 - 09:28:01
Austrian Ladies Open 2008
2008/05/05 - 09:28:01
Urrezko domina Austrian
2008/05/05 - 09:28:01
Maiderri elkarrizketa El Pais egunkarian
Igande honetan Maiderri egindako elkarrizketa bat argirtaratu dute El Pais egunkarian . Beijin-eko Olinpiadetarako 115 egun baino ez dira geratzen eta Maider bertan izango da. Elkarrizketan bere ilusio eta beldurrei buruz berba egiten digu. Bizitza deportiboa nola uztartzen duen Oletako baserriko artzai lanarekin eta nola lasaitzen den Bernardo Atxagaren liburuak irakurtzen. Maiderrek domina irabazteko aukera handiak ditu baina badira eragin dezaketen faktoreak: suertea, norberak duen eguna... 2008/05/05 - 09:28:01
Euskadi Irratiko Faktoria saioan beste hiru kirolarirekin batera
Gero eta gutxiago falta da 08-08-08 eguna iristeko. Egun horretan hasiko dira aurtengo Joku Olinpikoak eta Euskadi Irratiko Faktoria saioan, Beijing-era jungo diren 3 kirolari elkarrizketatu dituzte: Ainhoa Murua triatleta, Asier Maeztu pistako txirrindularia eta Maider Unda borrokalaria. Ainhoa Muruak ez du oraindik pasea lortu baina lortuko duelakoan dago. Asier Maeztu, berriz, duela lau urte Atenasen egon zan eta aurten bere bigarren Olinpiadak biziko ditu. Maiderren lehen Olinpiadak izango dira hauek eta munduko onenen artean konpetitzeak egiten dion ilusioaz hitz egin du. Berak 17an konpetituko duen arren abuztuaren 5etik bertan egongo denez desfilean parte hartzeko aukera izango du. Eta benetan zirraragarria deritzola adierazi du munduko kirolari onenekin batera aritzea. Olinpiadetarako sailkatze hutsak ate asko zabaldu omen dizkio Maiderri. 10 aldiz espainiako Txapelduna izan bada ere, orain arte urtean elkarrizketa bat eskaintzen zuen asko jota, baina Beijinerako pasea lortu zuenetik astean birritan gutxienez hitz egiten omen du medioren batekin. Eta gustora hitz egin ere, berak hain gustokoa duen kirola gero eta ezagunagoa bihurtu asmoz. Maiderrek dionez, fisikoki ondo egotea bezain garrantzitsua da burua argi eukitzea irabazi ahal izateko. Txinako eguraldi bero eta hezea ere kontra izango dutela, eta beste hainbat gairen inguruan aritu dira hiru kirolariak Jone Larraņaga kazetariaren gidaritzapean. Hemen azpian hiru kirolariei Faktorian egindako elkarrizketa osorik entzuteko aukera: 2008/05/05 - 09:28:01
