(titulua)

Rio 2016ko Olinpiar Jokoetara Sailkatzeko Azken Aukera

Maiatzaren 6tik 8ra Turkiako Istanbul hirian ospatuko da II. Munduko Txapelketa Aurreolinpikoa. Hau da borrokalariek Rio 2016 ko Olinpiar Jokoetara sailkatzeko izango duten azken aukera eta aurreko txapelketatan gertatu bezala, lehen bi sailkatuek bakarrik izango dute Olinpiar Jokoetara joateko txartelaren saria. Maiderrek ostiralean izango dituen mediku azterketa eta pisaketaren ondoren ezagutuko ditugu bere arerioak larunbateko. Guretzat goizeko bederatzirak direnean hasiko da lehia Istanbulgo Bagcilar kirolgunean. Aurreko txapelketatan gertatu bezala, Nazioarteko Federazioaren Webgunetik zuzenean jarraitu ahal izango dugu txapelekta: 2nd OG World Qualifying Tournament 2016.  2016/05/05 - 23:53:06

Turkiako aukerari begira

Apirilaren 22tik 24ra Mongolian izan den Olinpiar Jokoetara sailkateko I. Munduko Txapelketan Maiderrek ez du bere helburua lortu. Lehen kanporaketan Ekaterina Bukina errusiarra gailendu zitzaion (2-10) eta azken honek final erdietan kale egin zuenez, bigarren aukerarik gabe utzi zuen Maider. Maider Unda - Ekaterina Bukina Modu hontan, maiatzaren 6tik 8ra Turkian izango den II. Munduko Sailkate Txapelketa baino ez zaio geratzen Rio 2016 rako txartela lortzeko. Bertan ere lehen bi sailkatuek bakarrik izango dute saria.  2016/04/25 - 01:13:01

5. postua Olinpiar Jokoetara sailkatzeko Europako Txapelketan

5. postuan bukatu du Maiderrek pasa den asteburuan ospatu den Olinpiar Jokoetara sailkatzeko Europako Txapelketan. Final laurdenetan, egungo Europako txapelduna den Yasemin Adar turkiarrak, azkenik Serbiako Txapelketa Aurreolinpikoaren irabazle suertatu zenak, ez zion aukerarik eman eta erraz gainditu zuen (10-0). Modu hontan eta sailkatze aukerarik gabe, Maiderrek brontzezko dominagatik borrokatu zuen Cynthia Vescan Frantziarrarekin. Defentsan ohinarritu zuen borrokaldian, Frantziarrak dominarik gabe utzi zuen Maider (1-3). Maider Unda - Cynthia Vescan Orain, atsedenik hartzeko denborarik gabe, Mongoliara bidaiatuko du datorren asteburuan izango den Olinpiar Jokoetara sailkatzeko Munduko I. Txapelketara. Apirilaren 22tik 24ra bitartean Ulan Batorren izango da aukera berri bat sailkapena lortzeko. Beste behin, lehen bi sailkatuek bakarrik izango dute Rio 2016 rako saria. Txapelketa zuzenean jarraitzeko moduan izango gara: 1st OG World Qualifying Tournament 2016 loturari jarraituz  2016/04/19 - 01:55:01

Maider Olinpiar Jokoetara Sailkatzeko Europako Txapelketan

Apirilaren 15etik 17ra Serbiako Zrenjanin hirian ospatuko den Rio 2016 ko Olinpiar Jokoetara sailkatzeko Europar Txapelketan parte hartuko du Maiderrek. Igandean lehiatu beharko du eta lehen bi postuetan sailkatu beharra dauka Jokoetarako txartela lortzeko. Ohi den bezala, Nazioarteko Federazioaren Webgunetik zuzenean jarraitu ahal izango dugu txapelekta: European OG Qualifying Tournament 2016. Datozen lau astetan, txapelketa egutegi zorrotz bati aurre egin beharrean daude Olinpiar Jokoetan parte hartu nahi duten borrokalariak. Izan ere, asten hontan Serbian izango den txapelketari jarraituz, datorren astean Mongolian ospatuko da mundu mailako sailkatze lehia. Handik bi astetara, Turkian, mundu mailako bigarren txapelketak banatuko ditu Olinpiar Jokoetarako azken txartelak.  2016/04/14 - 02:29:05

5. Postua Parisen

Frantziako Borroka Federazioak antolatuta, pasa den asteburuan ospatu den Pariseko III. Nazioarteko Txapelketan 5. postuan bukatu du Maiderrek. Final laurdenetan Jaramit Leonor Weffer benezolarra kanporatu zuen (7-9) azken unean erabakitako borrokaldian. Finalerditan ordea, Cynthia Vanessa Vescan frantziarra nagusitu zitzaion (2-8) eta horrenbestean brontzeko dominaren lehian sartu zen. Bertan, Andrea Carolina Olaya colonbiarrak, 6-4ko emaitzaz borrokaldi berdinduan nagusituta, podiumeko hirugarren mailatik kanpo utzi zuen. Brontzezko dominaren lehiako une bat Orain, otsailaren erdi aldera Bielorrusian izango den "XLVI. MEDVED Nazioarteko Sari Naguasia" prestatzeari ekingo dio.  2016/02/02 - 07:35:03

Pariseko Nazioarteko Txapelketa

Asteburu hontan ospatuko den Pariseko III. Nazioarteko Txapelketan parte hartuko du Maiderrek. Frantziako Borroka Federazioak antolatuta, urtarrilaren 30 eta 31n, 20 naziotako 300 kirolari lehiatuko dira INSEPeko kiroldegian. Larunbatez izango dira Maiderrentzat pisaketa eta mediku azterketa eta igandean lehiatuko da berarentzat aurtengo lehen nazioarteko hitzorduan. Txapelketa zuzenean jarraitzeko modua izango da Naziarteko Federazioaren Webgunetik: Pariseko Txapelketa 2016.  2016/01/30 - 07:48:04

BAT To Rio 2016 Telebista saioan

Basqueteam Fundazioa eta EITB reneskutik, Maiderri eskeinitako erreportaia "BAT to Rio 2016" saioan. Rio 2016 Olinpiar eta Paralinpiar Jokoetan parte hartzeko aukeran dauden euskal kirolarien berri ematen digute bertan.  2015/12/22 - 10:28:03

Arabako Kirolaren XXII. Galan Saritua

Abenduaren 11an Gasteizeko Europa Jauregian ospatu zen XXII. Arabako Kirol Galan, Maider urteko kirolari aipagarrien artean saritu dute. Arabako Kirol Prentsa Elkarteak, Gasteizko Udalak eta Arabako Foru Aldundiak antolatutako jaian, Maiderrek ekainean Europar Jokoetan irabazitako zilarrezko domina eta bere hamabosgarren Espainiako Txapelketarengaik jaso zuen saria. Berakin batera, besteak beste Pablo Laso, Mikel Landa, Iker eta Eneko Pou, Eli Pinedo, Patri Elorza, Iker Larrañaga, Sergio de la Fuente, Marta Tudanca, Martin Fiz, Manuel Pereira eta Iker Romero ere saritu zituzten. Azken honek, Kirol Prentsa Elkartearen Urrezko Intsignia jaso zuen bere kirol ibilbidearen amaiera izan den urtean. Julio Roca, Iñaki Iriarte, Marga Armas, Gaztedi Rugby Taldea eta Loli Muñozek ere jaso zuten beraien saria.  2015/12/16 - 10:51:01

Brontzezko Domina Golden Grand Prixeko Finalean

Maiderrek bukaera ezin hobea eman dio denboraldiari Bakun ospatu den Golden Grand Prixeko Finalean brontzezko domina irabazita. Txapelketa, lehen kanporaketan Badrakh Odonchimeg mongoliarrari 3-2 irabaziz hasi zuen. Ondoren, final laurdenetan ezin izan zuen txapelketako irabazle izan zen Mae Epp estoniarra gainditu (0-5). Honek ordea, bigarren aukerako atea ireki zion eta Maiderrek ez zuen abagunea alperrik galdu. Lehenik Andrea Olaya kolonbiarra kanporatu behar izan zuen konbate berdindu batean (3-3) eta gero, brontzezko dominaren lehian, Guzel Manyurova kazajarrari erabateko nagusitasunaz gailendu zitzaion (0-9). Orain datorren denboraldiko prestaketa hasiko da Olinpiar Jokoetako sailkapen probak helburu hartuta. Txapelketako irudi bilduma:  2015/11/29 - 11:50:01

Maider Golden Grand Prixeko Finalean

Maider Azerbaianera abiatu da 2015eko Golden Grand Prixaren finalean parte hartzera. Bertan munduko borrokalari onenak izatea espero da, izan ere, aurtengo kontinente desberdinetako Txapelketetan eta Mundialean dominak irabazi zituztenak baino ez bait daude gonbidatuak. Maiderri Europar Jokoetan irabazitako brontzezko dominak eman dio bertan izateko aukera. Ostiralean izango ditu pisaketa eta mediku azterketa eta larunbatez lehiatuko da Baku Sports Hallean. Txapelketa zuzenean jarraitzeko modua izango da ondorengo lotura jarraituz: FINAL GOLDEN GRAND PRIX, BAKU 2015  2015/11/27 - 11:53:04