Maialen Igartua Arcelusek lehenengoz parte hartuko du datorren urriaren 20ko Moodlemoot Euskadi jardunaldian. UEUn online irakaskuntzan izandako esperientziaren berri emango du.
Zerk eraman zaitu aurtengo Moodlemoot Euskadin parte hartzera?
UEU-k eskaini dit MoodleMoot jardunaldian parte hartzeko aukera, eta bi aldiz pentsatu gabe eman dut baiezkoa. Uste dut beti dela positiboa gure esperientziak elkarbanatzea, eta jardunaldi hau aukera ezin hobea iruditu zitzaidan besteengandik gauza berriak ikasteko.
Zer da aurkeztuko duzuna?
Online irakaskuntza Moodle-n bitartez: irakasle baten lehenengo esperientzia komunikazioa eskainiko dut. Bertan, Moodle erabiliz ikastaro bat ematen izan dudan esperientzia kontatuko dut. Zein erraztasun eman dizkit plataformak nire lanerako? Eta zein erronka jarri dizkit aurrean? Galdera horiei erantzuten saiatuko naiz.
