20 urte bira zuzenean. Hala du izena Bergarako Fly Shit hardcore taldearen zuzeneko disko berriak. Taldearen 20 urteko ibilbidea jaso nahi izan dute disko horretan. Orain arteko lau lanetako abestiak biltzen ditu diskoak, baita BAP! taldearen Celosamente gordearen bertsio bat. 17 kanta, denera.
Diskoko lehen 12 abestiak 2016ko otsailaren 13an Arrasateko Gaztetxean emandako kontzertu batean grabatu zituzten, eta gainontzekoak, berriz, aurtengo otsailaren 11n Bergarako gaztetxean emandakoan. Txapa irratiak zuzenean emititu zuen audioa da.
Ander Elortza taldekideak azaldu du hasiera batean diskoa Arrasateko kontzertuan grabatutakoekin osatzea zela asmoa: "Pistaz pista grabatu genuen, eta ondoren hori landu, soinua hobetu...". Diskoa kaleratzear zeudela, baina, Bergarako kontzertua atera zitzaien, eta Txapa Irratian kontzertua zuzenean eman zutenez, bertako abestiak ere gehitzea erabaki zuten.
Diskoa formatu digitalean kaleratu dute, eta Bandcampen entzun edo deskargatu daiteke.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
