Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Joana Albret / Liburu digitalak ere maileguan

Liburu digitalak ere maileguan

albret 2014/11/26 17:25
EAEko Jaurlaritzak abian jarri du liburu digitalen mailegurako sistema. eLiburutegia.

Gaurtik aurrera liburu digitalak ere maileguan izango dira, urte bukaerarako 3.000 titulu prest izango dira mailegatzeko. Oker ez banago tituluak joango dira aldatzen, beti ez dira titulu berak izango, baizik eta berriak joango dira sartzen eta zaharrak desagertzen...

Liburutegietako bazkideek, esate baterako erabiltzaileek liburu digitalak ere doan mailegatu ahal izango dituzte. Ohiko liburutegietan erabiltzaileei emango dieten pasahitza sisteman sartzeko.

Jaurlaritzaren Liburutegi Zerbitzuak liburuen 25.000 lizentzia erosi ditu. Mailegua 21 egunerako izango da, erabiltzaile bakoitzak asko jota bi liburu batera ahal izango du. Testua ezin da kopiatu. testua jaitsi ondoren ez da beharrezkoa Interneten konektatua izatea.

EAEko Jaurlaritzak Euskal Herriko eta Espainiako hainbat argitaletxerekin egin du hitzarmena. Liburuzainek erabakiko dute zer titulu plataforma digitalera igotzea.

Soilik bi kontu, aurretik esanda egitasmoa aitzindaritzat eta txalotzat  hartzen dudala:

1. Uste dut izenarekin ez dutela asmatu. Liburutegi Digitala jarri dute, baina Liburutegi Digital asko daude, eta denek ez dute mailegatzeko aukera ematen. Izen zehatzagoa jarriko nuke.

2. Bestetik, pena izan da, beste aukera bat galdu baitugu, behintzat Nafarroarekin batera egistamo komun bat eta interesgarria sortzeko, sistema hau ez jarri izana Euskal Herri osorako, hain zuzen ere izan da galdu dugun ezinparegabeko aukera.  Nafarroa (bederen) ere sistema honetan sartzeko  esfortzu txiki bat egin izana merezi zuelakoan nago; baina EAEko Jaurlaritzak kontu hauek handitzat hartzen duenez... Denbora hobeen zain geratzen gara... Agian laster ailegatzear daude... aldaketa politikoak susmatzen baitira.

Gerardo Luzuriaga

 

Imanol
Imanol dio:
2014/11/26 22:48
Aintzindaria non, gauza bat da propaganda eta beste bat errealitatea, honez gero Espainian Komunitate Autonoma ugarik abian jarri dute proiektu hau. Euskadin beti berdin, aitzindaria garela... beti izan behar gara lehenengoak nahiz eta azkenak izan... bufffffffffffffff EAJren propaganda jasanezina da...
Gerardo
Gerardo dio:
2014/11/27 10:27
Kaixo, Imanol eta gainerakoak... arrazoi duzu, honez gero "ebiblio" egitasmoa Estatuko leku asko askotan abian jarri dute, haien artean Nafarroan... Hemen baskongadetan beti gure zilborrari begira bizi gara... Propaganda egiteko onenetarikoak gara... hori bagenekien... Dena den, proiektua ona da, nahiz eta izenarekin ez duten asmatu, bada, inondik inora ez da Euskadiko Liburutegi Digitala, baizik eta liburu digital batzuk maileguan jartzea...
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Katalogatzeko Terminologia

Euskaraz katalogatzeko terminologia Joana Albret mintegikideen ahaleginez egindako lana da. 2000 urtean argitaratu zen Eusko Jaurlaritzako IZOren gainbegiratuarekin eta Iametza enpresaren laguntzarekin internet datu-base bezala eskaintzen da hemen.