Eusko Jaurlaritzak bere buruari jartzeko moduko DSBE bat

  • Diru-sarrerak Bermatzeko Errenta (DSBE) jasotzen duten EAEko 62.924 pertsonek laster ikus dezakete euren prestazioa murriztuta –634 euro inguru pertsonako– EAJ-PSEren gobernuak PPren babesarekin sustaturiko erreforma dela-eta. Horixe salatu du berriki Euskal Herriko Eskubide Sozialen Kartak, Lanbideren Bilboko egoitza aurrean; babes sozialeko sistema publiko bat ere eskatu du mugimenduak.

Beatriz Artolazabal Enplegu eta Gizarte Politiketako sailburuak esan zuen pertsona bat duin bizi daitekeela hilean 600 eurorekin. Eredu izan beharko luke eta bere soldata publikoari uko egin DSBErekin bizitzeko! Ez dute lotsarik gobernuan duten kargutik publikoki halako gezurrak esateko: jende guztiak daki pertsona batek –are gutxiago familia batek– ezin duela egungo DSBErekin duin bizi. Funtsean, Eusko Jaurlaritzak DSBEren erreformarekin nahi duena da kostuak murriztu, bere lehentasunak beste batzuk direlako, tartean dirua erruz bideratzen duen AHT.

Murrizketa politikak justifikatzeko, Eskubide Sozialen Kartak garbi du zertan ari den administrazioa: “Kriminalizatu eta estigmatizatu nahi ditu kolektibo eta sektore sozial prekarioak, baita sozializatzeko moduak ere, pobreziari aurre egin eta etxebizitza konpartitu beharra daukaten horiena, adibidez”. Beharrezkoa da prestazio sozialen kontrol egokia iruzurra saihesteko, baina ezin da onartu obra faraonikoentzako dirua dagoen bitartean –ekonomikoki, ingurumenari dagokionez eta sozialki justifikaezinak–, gehien behar dutenentzako laguntza publikoei guraizeak sartzea. Euren buruari ezarri beharko liekete DSBE berri hau lehendakariak, sailburuek eta haien aliatuek.


Kanal honetatik interesatuko zaizu: DSBE
Diru Sarrerak Bermatzeko Errentaren araudi berriak "isilpean" murrizketak dakartzala salatu dute

ESK sindikatuaren Argilan plataformak, Berri Otxoak plataformak eta Euskal Herriko Etxebizitza Sindikatu Sozialistak helegitea jarriko diote DSBEaren araudi berriari, prestaziorako sarbidea mugatu eta "eskubide gehiago murriztuko" dituelako euren esanetan.


Lanbiden dirulaguntzak eskatzen dituztenak jomuga dituen kontrol unitatea sortu dute

Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]


Pobreziaren kontrako “euskal sistema”

EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]


Diru-Sarrerak Bermatzeko Errentaren lege berria indarrean sartu da kritika artean

Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]


Ertzaintza egunero miaketak egiten ari da prestazio ekonomikoak eskatu dituen jendearen etxeetan

Diru Sarrerak Bermatzeko Errenta kobratzen hasi aurretik ere, prestazioa eskatu duen jendearen etxeak arakatzen ari da Ertzaintza: “Prebentzioaren izenean, egunero-egunero ari dira etxeetan sartzen; astakeria da eta jendea beldur da, modu oldarkorrean ari direlako,... [+]


Eguneraketa berriak daude