Gizartea -

Zaborren kudeaketa

Kantabriak onartu egin du Gipuzkoan eragindako hondakinak pilatzea

Gipuzkoatik 128.000 tona zabor eramango dituzte Merueloko hondakindegira, datozen hilabeteetan eta 2017an. Kantabriako Gobernuak 12 miloi euro jasoko ditu trukean.

Gipuzkoan eragindako zaborrak. Argazkia: EITB
Gipuzkoan eragindako zaborrak. Argazkia: EITB
Gipuzkoan eragindako zaborrak. Argazkia: EITB

AGENTZIAK | ERREDAKZIOA

Whatsapp Facebook Twitter Telegram Email

Kantabriako Parlamentuak onartu egin zuen astelehenean egindako bilkuran Gipuzkoan eragindako zaborrak biltzen jarraitzeko hitzarmena. Gobernua osatzen duten alderdiek (PRC eta PSOE) eta Ciudadanosek bozkatu zuen bi erkidegoen arteko hitzarmenaren alde; Alderdi Popularra eta Podemos, berriz, kontra agertu ziren.

Itun horren arabera, Gipuzkoako Hondakinen Partzuergoak 128.000 tona zabor eramango ditu Merueloko hondakindegira, datozen hilabeteetan eta 2017an. Aurre-akordioa indarrean egon den hiru hilabeteetan 42.000 tona zabor eraman dituzte Gipuzkoatik Kantabriara. Beraz, guztira, 170.000 tona zabor jasoko ditu Kantabriak.

Kantabriako Gobernuak esan du akordioa onuragarria dela, erkidego horrek 12 milioi euro inguru jasoko dituelako trukean.

Hau zure interesekoa bada, baliteke beste gai hauek ere izatea
Albisteak Gipuzkoa Gizartea bideoak Gaurko azken orduko albistea