Gizartea -

Ekimena

Emakumeen Mundu Martxaren nazioarteko topaketa egingo dute Bilbon

Gaur ekimenaren antolakuntzak jakinarazi duenez, 40 herrialdetako 130 emakumek hartuko dute parte.

Martxoaren 8ko manifestazio baten artxiboko argazkia.
Martxoaren 8ko manifestazio baten artxiboko argazkia.
Martxoaren 8ko manifestazio baten artxiboko argazkia.

Agentziak | Erredakzioa

Whatsapp Facebook Twitter Telegram Email

Emakumeen Mundu Martxaren mugimendu feministaren XI. nazioarteko topaketa egingo dute Bilbon urriaren 22tik 28ra. 40 herrialdetako 130 emakume bilduko direla jakinarazi du gaur antolakuntzak.

Arduradunek azaldutakoaren arabera, 2016an Mozambiken egindako topaketa batean proposatu zuten bilera Euskadin egitea, "mugimendu feministak Euskal Herrian duen indarra" dela eta.

Horrez gain, "martxak Euskal Herrian duen izaera herrikoia" ere hartu dute kontuan; izan ere, mugimendu askorekin loturak sortzeko duen gaitasuna erakutsi du urte askotan.

"Testuinguru orokorraz hausnartuko dute topaketako parte hartzaileek, testuinguru horrek emakumeen egoeran duen garrantzia aztertzeaz gain", azaldu dute antolatzaileek. Era berean, 2020rako "V. nazioarteko ekintza" planifikatuko dute. Azken jarduera 2015ean egindako karabana izan zen.

Hau zure interesekoa bada, baliteke beste gai hauek ere izatea
Bilbo berriak Gaurko albisteak Bizkaia Gizartea bideoak Albisteak Feminismoa gaur