Gizartea -

Hautaproba

Gizarte Zientzien ataleko Matematika azterketa baliogabetzea eskatu dute

2016an gertatu bezala, Change.org plataforman sinadura bilketa hasi dute, eta 8.000 sinadura baino gehiago lortu dituzte 24 ordutan.

Hautaprobak atzo hasi ziren Euskadin. Artxiboko irudia: Euskadi Irratia
Hautaprobak atzo hasi ziren Euskadin. Artxiboko irudia: Euskadi Irratia
Hautaprobak atzo hasi ziren Euskadin. Artxiboko irudia: Euskadi Irratia

EITB.EUS

Whatsapp Facebook Twitter Telegram Email

Asteazkenetik hautaproba egiten ari diren milaka euskal ikaslek Gizarte Zientzien ataleko Matematika azterketa baliogabetzea eskatu dute, oso zaila delakoan. Horretarako, Change.org plataforman sinadura bilketa hasi dute, eta 24 ordutan 8.000 sinadura baino gehiago lortu dituzte.

“2018ko hautaproban, Euskadin, Gizarte Zientzien ataleko Matematika azterketa baliogabetzeko edo kentzeko eskatzen dugu; izan ere, azken urteetan ez da halako mailarik eskatu Matematikako hautaproban. Kexa orokorra da ikasleen artean; batzuek nota igotzeko aukeratzen dute, baina ikusitakoaren arabera, aurten ez dute horretarako aukerarik izango. Azterketa honekin neurriak hartzea eskatzen dugu”, dio plataforman argitaratutako testuak.

Duela bi urte, 2016an, Gizarte Zientzien ataleko Matematika proba baliogabetzea eskatu zuten milaka ikaslek eta irakaslek, oso zaila zela argudiatuta. Orduan 12.000 sinadura baino gehiago bildu zituzten.

Azterketa “batxilergoko irakasgaiaren edukiari lotuta” zegoela adierazi zuen Euskal Herriko Unibertsitateak (EHU).

Hau zure interesekoa bada, baliteke beste gai hauek ere izatea
Bizkaia Gipuzkoa Araba EHU Euskal Autonomia Erkidegoa Gizartea Gaurko azken ordukoa Hezkuntza