Eulixa najak zioen Hertzainak taldearen kantak, baina Moskotarrak konpartsako lagunek ez dute moskeoarekin hartu konpartsen eulia jaso izana. Txosna apainketarik politena eta ahaleginik txikiena egin dutenak aipatzeko sortutako sariak dira kanpaia eta eulia eta, hurrenez hurren, Eguzkizaleak eta Moskotarrak konpartsek jaso dituzte aipamenak.
Lehenengoak ez dira agertu, baina galtzaileak bai, eta kiroltasunez hartu dutela erakutsi digu bertako Iñigok, autokritikarako zioa dela onartuta. Bide batez, konpartsaren nondik norakoak azaldu dizkigu Iñigok: Zabalburu eta Egia kalearen inguruan sortua, Miribilla, Indautxu, Iralako jende asko biltzen duen konpartsa da Moskotarrak, 1978an Araba Etxea izenarekin lehen Aste Nagusiko aitzindarietakoa izan zen eta sorrera horretako lagun batzuk oraindik konpartsakide ditu.
Deskargatu hemen.
