Gaur, ostirala, aurkeztu du Udalak jostailu ez sexisten aukera bultzatzeko kanpaina. Kanpaina horren iragarpen edo hasiera moduan atzo, osteguna, kalean performance edo antzezpen bat egiteko asmoa zuten Hezkidetza egitasmoan parte hartzen duten herriko hainbat ikaslek eta haien begiraleek. Azkenean, euria tarteko, ezin izan zuten prestatutakoa kalera atera, baina lagin txiki bat erakutsi zioten Uztarriari Emakumeen Txokoan, bideo hau osatzeko.