16:00ak jotzearekin batera, 110 korrikalari inguruk ekin diote Lagun Onak Mendi Bazkunak antolatutako XII. Izarraizko mendi lasterketa nagusiari. Ordu erdi beranduago, 16:30ean, 60 lagun atera dira aurten berrikuntza izan den 11 kilometroko lasterketa herrikoian. Walter Becerra sestaoarra (1:58:48) eta Maider Fraile uhartearra (2:30:35) izan dira txapeldunak. Proba nagusian, emakumezkoetan bigarren helmugaratu da Maite Etxezarreta azpeitiarra (2:43:07).
Lasterketa herrikoian, berriz, Gorka Agirrezabaldegi debarra (1:10:22) izan da azkarrena, eta bigarren sailkatu da Jon Aramendi azpeitiarra (1:10:53). 11 kilometroko proban helmugaratu den lehendabiziko emakumea, berriz, Vanessa Galarraga errezildarra (1:27:01) izan da.
Bestalde, mendi lasterketaren barruan, independentziaren aldeko herri galdeketa babesteko egin den Azpeitia-Azkoitia erronka Azpeitiak irabazi du, 23 minutuko errentarekin.
Lasterketa nagusiko sailkapen osoa, hemen, eta proba herrikoiari dagokiona, hemen.