Koronabirusa. Irudiak
Hildakoak oroitu dituzte Hegoaldean
Hego Euskal Herriko instituzio gehienek deitu zuten bat egitera COVID-19aren ondorioz hildakoen heriotzarengatik dolua erakusteko antolatu diren ekitaldiekin. Espainiako Gobernuak ezarri du hamar eguneko epealdi bat dolua bideratu ahal izateko, eta horri atxikitako keinuak izan ziren atzo. Besteak beste, minutu bateko isiluneak egin ziren eguerdian. Instituzioetako balkoietan banderak makila erdian ipini zituzten, eta xingola beltzak ere jarri zituzten. Nafarroako Gobernuak oroitarazi zuen helburua dela izurriaren ondorioz hil direnak «oroimenean eta errespetuan» izatea beti. Iñigo Urkullu Eusko Jaurlaritzako lehendakariak esan zuen erakundeek biktimei omenaldia egingo dietela irailaren 21ean.
Iruzkinak
Ez dago iruzkinik
Ordenatu